CP Cafe

营业中

休息中

呢間鹿角蕨為主題既Cafe，係寵物友善餐廳。一入門口左邊有個非常巨大嘅鹿角蕨，真係似對鹿角咁，好吸晴。店內充滿大小不一，可愛非常嘅鹿角蕨，感覺好舒服，步調都即時放慢。除左食下飲下，同寵物打卡，探下店猫，仲可以慢慢欣賞鹿角蕨嘅美。🍛野菌白汁黑松露燴飯面頭佈滿刨出嚟芝士碎，黑松露好香，食到粒粒野菌，飯軟硬適中，口感香滑。🍝新肉醬鮮茄雙重芝士意粉鮮茄味十足，一樣佈滿芝士碎，意粉軟硬適中，被滿滿醬汁包裹著。☕薑汁玉桂牛奶咖啡飲開少甜嘅我覺得甜左啲，薑味不太濃，易入口。🍵日本蜂蜜檸檬日本蜂蜜好清甜，加埋檸檬香，飲完即刻feel好潤喉，啱晒呢排乾燥天氣。🍰自家製原味巴斯克蛋糕有食過專做巴斯克嘅鋪頭，呢間偏向似一般嘅芝士蛋糕，中間個心全熟唔夠濕。呢度有個小角落種滿鹿角蕨，有好多小膠盒，好似培植室，睇嚟會有好多鹿角蕨BB出世，嚟緊佢地會有室內花園，唔知係咪將呢個小角落變大呢？😍🌟呢兩碟份量偏細，細胃成員冇問題，我呢啲正常偏大嘅可以再食🤫。不過見隔離枱叫鰻魚飯，目測份量係正常。

放假就係要搵間 cafe 抖吓氣，充吓電！喺 OP 見到呢間餐廳好似幾歎咁，就搭幾個西鐵站，遠離一下繁囂。😇呢間 cafe 都算就腳又易認，錦上路站B出口出，行 5分鐘，喺村屋 feel 嘅路行到咁上下，有個 area 裝修得特別新淨，好似外國花園咁，兩層貨櫃中，其中一間就係。Cafe 雖然唔大，但都有室內室外位置，室外有啲外國 feel，室內放滿綠色盆栽🪴，仲有兩隻好得意嘅貓貓駐場🐱，感覺好 chill。食物以西式為主，都係意粉、意大利飯、all day 嗰啲🥗，唔算特別，不過味道唔錯！🍝新肉醬鮮茄雙重芝士意粉 $78新肉醬有個"新"字，其實就係素食嚟！但食落有口感，一啲都唔係無肉。醬汁酸酸甜甜幾開胃，好啱夏天食！🍛野菌白汁黑松露燴飯 $88燴飯煮得好腍，唔會太杰或太膩，菇味同黑松露味都好重，啖啖飽滿嘅溫暖感！🍹銀鹿沙冰 $42個名好靚，其實係香蕉白桃牛奶。原來香蕉同白桃可以夾得到，甜甜嘅水果香，沙冰夠冰凍，炎炎夏日夠 flash！☕️焦糖牛奶咖啡 $40焦糖同咖啡嘅味完美平衡，加咗牛奶飲落更順滑。