CP Cafe

营业中

休息中

繼續發掘錦田特色Cafe，呢間好近西鐵站，過條橋就到。最特別係用稀有鹿角蕨植物，掛滿牆身。𖡆田園沙律 超多火箭菜，非常新鮮，係脆口嘅，仲有提子、藍莓、車厘茄，仲有松子，加埋個甜甜酸酸嘅汁，好清新𖡆新肉醬鮮茄雙重芝士意粉＄78竟然有新豬肉，食落同普通肉碎冇分別。鮮茄汁係用新鮮蕃茄做，無放茄膏，所以唔會太重味同滯，好fresh!!! 最有心思係面頭刨咗少少檸檬皮，賣相五星級，當然唔好expect有檸檬味!! 只係點綴一下 .ᐟ‪‪.ᐟ𖡆芝士滑蛋吉列豬扒飯 $78 超級推介𖤐ˊ˗ 日式製法同賣相，豬扒炸得超鬆軟，好juicy!!! 食多幾件都唔膩。滑蛋睇落好熟，但原來剛剛好，少少流心。難得價錢非常親民嘅Cafe，要多多支持～ 由於有貓貓店長坐鎮，所以枱面都會有啲貓毛～ 喵～～～～ ₍ᐢ.ˬ.ᐢ₎

聽說錦田吉慶圍有個叫（盈匯坊）嘅地方！這地方有些像一個小社區..有健身中心、餐廳、髮型屋等等....門外有個露天停車場真方便！我們今次來到一間叫（cp. cafe）食晚餐...餐廳係以（鹿角蕨）為主題,非常有特色,餐廳內牆上掛滿鹿角蕨,好像入了一個熱帶雨林的感覺！店外亦都有露天茶座方便食煙人士,嚟緊仲會有室內花園添！今日廚師推介：1.骯髒咖啡Nutty 果仁味嘅咖啡 味道唔錯!2.日本巨峰乳酸梳打 解渴又清新！3.香草蕃茄海鮮意粉 蕃茄海洋夠juicy,..意粉煙韌彈牙... 好味！4.芝士滑蛋吉列豬扒飯 吉列豬扒脆卜卜,豬扒鬆軟香口..芝士味香濃！5.煎棒棒軟骨餃子 餃子皮薄餡靚,咬落去軟骨好爽脆,超有口感！店名：CP. Cafe地址：元朗錦田吉慶圍236號盈匯坊G2地下

錦上路petfriendly鹿角蕨🫎主題既café，仲有可愛貓店長坐陣🐈CP Café係錦上路盈匯坊，有室內同室外，聽老闆話黎緊要develop室內花園，真係好chill!我叫左卡邦尼意粉同埋nutty latte，卡邦尼口感好rich，好重芝士🧀味，同埋意粉煮到口感岩岩好，幾好食。latte拉花都好靚❤️超級適合同室內鹿角蕨打卡影相！意粉加埋cafe 午市套餐盛惠78HKD,呢度真係好適合一個人慢慢嘆咖啡☕️

📍CP Cafe ⭐️貓店長森系放鬆cafe呢一間森系Cafe俾我一種好貼近自然嘅感覺～錦田本身已經係一個好能夠比較貼近大自然嘅地方，呢間cafe仲用左鹿角蕨做主題，嚟緊仲會有室內花園！去嗰日見到唔少客人都帶咗自己嘅寵物黎！店員仲會同客人傾吓計，無論係環境、人定嘢食，都有一種好舒服嘅感覺！係一個放假好好放鬆身心嘅地方🥰✨ 香辣蒜香大蝦炒意粉 $88 👍🏻👍🏻👍🏻👍🏻呢個意粉嘅蒜香味好出！香氣沾滿左全部意粉😋而意粉都煮得啱啱好，唔會太硬或者太淋。✨ 是日推介 豬頸肉泰式炒飯 $78 👍🏻👍🏻👍🏻原諒我金魚腦記憶，我超級唔肯定呢一個餐叫咩名！但好欣賞個炒飯係有飯焦㗎！超級有咬口🥰個飯同豬頸肉個醬好夾，再多啲醬可以撈埋啲飯食就好了！✨ 鮮奶咖啡 $38👍🏻👍🏻👍🏻咖啡偏重果仁味～✨是日特飲 荔枝乳酸梳打(好似係) 👍🏻👍🏻👍🏻👍🏻好似係叫呢個名🤣不過呢杯野幾好飲！唔會死甜，幾fresh~仲有少少粒粒👍🏻👍🏻👍🏻👍🏻（最推薦）- 👎🏻（可以唔使試）📍 CP Cafe (元朗)元朗錦田吉慶圍236號盈匯坊地下G02號舖

Today, I went to a pet-friendly cafe with my friends! The restaurant has a unique theme centered around stag ferns, and it even has an indoor garden with a chill atmosphere~🌱☕️ Hot LatteThe latte art is beautiful ☺️ It's a delicious hot milk coffee with a delightful nutty flavor.🌱🍹 Lychee and Pineapple SodaCombining lychee with pineapple, it's a refreshing and sweet drink that's perfect for those who enjoy a sweeter taste! It's garnished with mint leaves on top, giving it a fresh touch

CP=CP值高C for cook🧑‍🍳P for plants☘️話說住左元朗8年，一次都無去過盈匯坊🥹呢度嘅店舖係由一個一個貨櫃組成，好似一個小鎮！上幾個月喺呢度開左一間鹿角蕨主題咖啡店，有蕨類植物售賣、有食物、飲品供應，最主要係有兩隻好得意嘅貓店長坐鎮🐈而且成個場都係pet friendly好熱鬧，食完行去紅磚屋都幾方便- 雙層芝士新魚柳漢堡- 練乳草莓生芝士蛋糕- Long black- Matcha latte

呢次去左元朗錦田盈匯坊去搵食，不嬲假日都好多人去Chill 下既地方，呢次我同朋友就揀咗呢間以鹿角🫎蕨為主題嘅Cafe店去試一試☺️值得一提嘅係呢間Cafe仲係Pet friendly🐈🐕既，嚟緊老闆仲話會有個室內花園，咁貓狗奴才都唔使擔心可以帶埋主子一齊去chill 下啦🍵抹茶牛奶 $38 抹茶同牛奶嘅比例調教得啱啱好👍🏻推薦☕️熱朱古力$28味道濃郁，朱古力既口感綿密，重點係拉花都好靚添☺️打卡一流香草蕃茄海鮮意粉$98🍅重蕃茄味的海鮮意粉🍝多蜆肉多蕃茄，老闆一啲都冇手鬆，多料，不過大食既男仔朋友可能就未必夠食啦新蟹肉香草白酒意粉$88 蟹肉搭配著香草和白酒的香氣，意粉口感唔錯😝😝🏠環境：8/10🌟味道：8/10💰性價比：8/10🙇🏻服務：9/10CP Cafe 📍元朗錦田吉慶圍236號盈匯坊地下G02號舖#hkfood#hkfoodie#852food#foodahoilc007#hkyl#森林系#cafe#yummy#相機食先#元朗美食#吉慶圍#盈匯坊#鹿角蕨

本人居住大西北數年多，但又很少踏足錦上路一帶範圍。最近貿貿然走去錦上路看看有什麼，發現錦上路西鐵站附近有一個叫盈匯坊的地方，這裡環境很清幽，而且還有一兩間食肆，CP Cafe就是其中之一啦。.Cafe室內四周是以鹿角蕨為主題，讓人有種很清幽的感覺，用餐範圍可選室內或室外，亦可帶著自己的寵物來光顧。聽說老闆說道將來會為Cafe打造一個室內花園.慢煮雞胸肉配梨沙律非常清新的沙律，雞胸肉不嚡口，配梨吃非常清新開胃.羅勒青醬蜆肉燴飯全人手調製，蜆肉鮮無沙粒，羅勒青醬味道清爽與蜆肉非常配合，加上芝士碎更加味道升華.朱古力外觀拉花很吸引眼球，味道略淡不太濃郁.CP是日特飲-雪梨梳打是一款非常清爽的特飲，而且還有果肉增添口感，近日天氣剛剛又熱了，這杯梳打剛好可以消消暑

放假最鍾意周圍走聽聞錦上路有間Cafe有個超好客既貓咪店長駐場😻二話不說就搭西鐵去錦上路走走店鋪周圍種滿鹿角蕨感覺好清新好舒服聽聞遲下仲會有室內花園好期待.《柚子醋海蜇沙律》爽脆的海蜇配上新鮮的沙律菜澆上柚子醋灑上炒香的芝麻酸爽的味道好清新開胃.《新蟹肉香草白酒意粉》好清新的一道意粉組合簡簡單單香氣主要來自白酒同香草的味道而柚子皮更是畫龍點精加上新蟹肉好有特色.《脆炸雞塊配蜜糖芥末醬》熱辣辣即叫即炸的雞塊點上蜜糖芥末醬真係好味到停唔到口.《latte》偏nutty的latte入口滑順咖啡師拉花嘅功架十足睇見都令人心曠神怡呀.《long black》Iced long black果仁味道更出特別係呢d潮潮濕濕的天氣無奶無糖純粹的咖啡更清爽.除左咖啡出色外食物用上柚子令人感覺成件事好濟洲店鋪更設有戶外區天氣好仲可以坐室外曬曬太陽吹吹風最緊要係可以帶埋主子一齊chill呀嘛

因為有兩位朋友有狗仔，所以揀左一間寵物友善餐廳，狗狗又可以跳跳扎扎😄黑松露薯條薯條份量好多！熱乎乎上枱又脆口配埋松露醬真係冇得輸！過左一陣食薯條都唔會淋哂！香草番茄海鮮意粉煮得好入味😍好香濃番茄醬😋，每條意粉都掛醬🤤朋友都話呢個意粉勁好食😋，而且海鮮都唔係得一兩舊就算，少意粉份量都可以。芝士滑蛋吉列豬扒飯豬扒炸得好鬆脆，外脆內嫩口感🤤，雖然豬扒就薄左啲，但唔係好柴炸而又厚，以為滑蛋有流心效果但冇，另外唔覺有芝士味⋯鰻魚飯一上枱，我地都哇！因為有兩大舊烤鰻魚！！鰻魚烤得入味，下面鋪左白飯，而份量唔多。睇其他人食評有溫泉蛋，但個日食我哋就冇啦⋯⋯限定 桂花牛奶咖啡可能少糖，正常咖啡味，不過不失。.

有朋友喺元朗住，佢話想試下佢附近嘅一間Cafe。趁周末放假有時間就入元朗同佢一齊試下。原來喺錦上路站附近，大約要行5分鐘。一入餐廳就見到兩隻可愛貓貓🐱，so cute！坐底周圍望，見牆上有好多植物，好奇問店員呢種植物叫咩名，先知原來叫鹿角蕨。店員重話佢地打算整個室內花園！❤️羅勒青醬蜆肉燴飯配熱牛奶咖啡(偏果仁味)羅勒青醬蜆肉燴飯飯裏有d芝士，食落滿口芝士香～😋 啖啖蜆肉很有口感。熱牛奶咖啡(偏果仁味)拉花好好靚～😍份量十足，滿到瀉！咖啡又香又濃～🥰❤️香草蕃茄海鮮意粉配OMO梳打(白桃荔枝)香草蕃茄海鮮意粉有蕃茄，食落酸酸甜甜好開胃。有八爪魚仔🐙、蝦和蜆，好足料👍🏻。OMO梳打(白桃荔枝)酸酸甜甜，清新又開胃。

Ooo寵物友善Café ooO於位錦上路西鐵站附近盈匯坊 整條小街佈置以小花流水感覺非常休閒 可以感受遠離繁忙的城市呢間寵物友善的café 店內佈置以鹿角蕨為主 另外此店非常PET FRIENDLY 有很多客人都會帶狗狗黎今次見到呢隻金毛狗狗 11歲半既LUCKY 好可愛黎到呢間CAFÉ 可以食野仲可以好自由咁同寵物玩店主及職員都很友善 連不相識的客人都會因為狗狗大家有互動 好有愛此店稍後仲會有室內花園 OooooO🔸蒜香野菌炒意粉 $78蒜香味濃郁 加入炸蒜粒 意粉彈牙喜歡沒醬汁只用橄欖油炒既香蒜意粉OooooO🔸新肉醬鮮茄雙重芝士意粉 $78雙重芝士有拉絲效果 鮮茄味出色 再加大分量我都食到OooooO🔸蜂蜜柚子梳打 $38配搭清新 柚子味FRESHOooooO🔸Latte (Nutty) $38偏堅果味的咖啡 拉花好美岩晒打卡此店仲可以包場PARTY 及BBQ , 錦上路西鐵站仲有大量泊車位

走入錦田，嘆個輕鬆舒適既午餐☕~錦上路站出口有條橋，一過橋就到左呢間以鹿角蕨為主題既Cafe，位置方便，仲要有貓玩👍🌟田園沙律🌟沙律材料很新鮮，水果有橙🍊、藍莓🫐、車厘茄🍅，仲有我鍾意既火箭菜，上面撒上橙皮，好香好fresh🥗🌟脆炸雞塊配蜜糖芥末醬🌟賣相似係一般麥樂雞，但外層脆皮較鬆脆，炸得冇咁硬，保住內裡肉汁。🌟新蟹肉香草白酒意粉🌟用上素蟹肉，食落去真係唔覺係素黎❗好有肉既質感彈性，仲有蟹既軟殼部份，加埋香草白酒汁，有驚喜🍝🌟熱▪️Latte🌟偏nutty，為呢個brunch既時間提一提神❗🌟凍▪️澳式Long Black🌟💥好有驚喜💥一杯齋啡可以沖調出濃濃既橙香味，有味道之餘，夏天飲夠哂Refresh🏖➡️環境舒適、有貓貓玩、食物質素仲要係好既，黎緊仲有室內花園添呀～📝又開拓多一個香港好地方、新國度

想搵啲Chill chill 地，附近唔係人來人往嘅Cafe，又唔想入到西貢或者海旁咁遠？最近同朋友發掘咗錦上路站嘅盈匯坊，勁近屯馬線，一落車行5分鐘就到。冇鬧市嘅煩囂，但唔洗半個鐘又可以去返旺角，非常方便。呢間Cafe 外面望落環境幾好，以鹿角蕨作為主要裝飾，睇外國戲見得多掛鹿頭，但原來掛鹿角蕨秒變田園風都幾有心機。鹿角蕨鍾意潮濕同溫暖嘅環境，簡直就係香港常見天氣。嚟緊仲會有室內花園，相信大家下次去可以打打卡添！💡新肉醬鮮茄雙重芝士意粉 $78選擇素食之選，俾自己腸胃休息一上，不過食落真係唔覺，肉碎都有肉嘅質感。調味上比較貼近新鮮蕃茄味，多於現成味精，所以味道唔重，但感受到食材味道嘅層次。雙重芝士做到拉絲效果，配埋酸酸甜甜嘅蕃茄底又唔會太膩，仲令人一啖接一啖！💡野菌白汁黑松露燴飯 $88燴飯質地唔錯，調味都係自然舒服，野菌好香，黑松露嘅香味都提升咗一個層次！💡香橙美式咖啡 Nutty $42 & Latte $38香橙美式咖啡係nutty底，香橙有清香橙甜味，如果fruity底又可能真係太撞，呢兩種配合幾舒適，好飲！Latte 拉花很完美，有賣相又有味道~Cafe內有兩隻貓貓，又乖又

#pb食在元朗 #pbcafe系列 錦田抵食Pet-friendly鹿角蕨咖啡店☕️對於錦田嘅印象就係Cohee 但原來錦田依家多左好多cafe🤪 今次去到一間以鹿角蕨為主題嘅cafe 店內種左唔少鹿角蕨 加上兩隻可愛嘅貓店長 環境好舒服😍 佢有室外、室內嘅位置 聽講遲d會有室內花園👍🏻 而且佢仲係一間Pet-friendly嘅cafe 店主好歡迎大家帶寵物去 當日都見到唔少狗狗🥰.Lunch Set有5款選擇 有飯、意粉、沙律😋 價錢$48 / $68 包一杯青檸梳打 / 美式咖啡 好抵食👍🏻 補差價就可以想轉其他飲品 例如特色咖啡、沙冰、梳打😍🔹野菌白汁黑松露燴飯🍄好足料😍 佢落左超多黑松露、芝士 食落好濃😋 飯嘅軟硬度適中👍🏻🔹新蟹肉香草白酒意粉🍝推介❤️ 雖然用左新蟹肉少左蟹嘅鮮味 不過佢調嘅香草白酒汁微微酸 幾好食、幾開胃😋 意粉炒得夠乾身 但唔會好油膩👍🏻 如果份量多少少就好🤪🔹Long Black☕️🔹Latte☕️佢嘅Nutty咖啡豆係同 @ame.arabica 山限定拼配豆 (Brazil + Guatemala + P.N.G + China Yunnan)🥰 焦糖味幾突