華洋書莊

营业中

休息中

位於半山區有一間隱世café — 華洋書莊Book & Co.係一間二手書咖啡店。紅磚嘅外牆，墨綠色嘅窗戶與大門，推門入去鈴鐺聲響起，聞到陣陣嘅咖啡香氣，被書海包圍，寧靜嘅環境叫人好好去享受一個書香下午...日式芝士蛋糕 ＋Iced Chocolate (套餐＄50）店員好親切介紹呢款蛋糕係必點之選，食過之後真係無錯，好鍾意佢嘅口感軟綿好creamy，甜度適中，芝士味道偏淡，奶香較重。Iced Chocolate上面加左奶泡，上面撒上朱古力粉，叫左少甜朱古力味好出！吞拿魚三文治 ＋Hot Coffee Latte (套餐＄50）記得以前番學下奏有時忙到無午飯食就會食三文治，而呢度嘅吞拿魚三文治就勾起左我學生時代嘅回憶，吞拿魚加左沙律醬，食起上黎三文治就唔會乾，每一啖都有鹹中帶有少少甜味嘅沙律醬吞拿魚，回憶嘅滋味湧上心頭！Coffee Latte上面都有奶泡，味道不過不失，咖啡唔會酸或太澀。總結，華洋書莊Book & Co.成個環境好復古同舒服，好值得大家黎睇住書食D小食飲杯野，靜靜過一個悠閒嘅早上或者下午。記得說話時，盡量調低聲量，唔好打擾到其他睇緊書嘅客人啊～

華洋書莊 #半山❗️二月廿九拍攝場地 真文青之cafe❗️呢間Cafe就係二月廿九嘅拍攝場地，當中女主角工作嘅書店就係呢度！喺戲入面都見到書店復古味重，書店外仲係紅磚堆砌，絕對係文青必去。原來除咗書店之外佢哋仲係一個小cafe，店內位置唔多，大約可以容納10個人左右，俾你一邊睇書一邊嘆咖啡。呢度嘅書籍並非最新淨，有大量舊書，有唔少都係名著，坐低左之後可以隨意睇書，鍾意嘅話亦都可以買走，因為書籍比較舊，所以價錢比起一般嘅平。食物種類唔算好多，主要有意粉餐、多士餐、飛碟餐同埋日式芝士蛋糕，套餐一律$50，包括咖啡、朱古力，如果想嗌特色嘢飲就要再加$3。提一提大家每人有最低消費$30 㗎！如果着住校服、港大學生或者聖士提反女子中學嘅學生惠顧佢嘅意粉餐仲有九折優惠。蛋沙律飛碟餐$50配 肉桂咖啡+$3兩塊應該係嘉頓嘅麵包夾住蛋沙律，蛋沙律味道正正常常，但可惜麵包烘得唔脆，反而有啲韌🤭 肉桂咖啡聞落去的確好香玉桂味，可惜入口就。。。但勝在佢個咖啡底都唔酸又唔會太澀。味道: 3/5性價比: 3/5日式芝士蛋糕$30口感居然出奇地creamy，同一般食開日式芝士蛋糕嘅鬆軟口感唔同，的確幾特別。不過芝士味