加藤屋 (元州街) (已結業)

自從決定唔再幫襯吉X家，我先開始留意到加藤屋嘅存在。發覺佢嘅食物真係幾抵食，幾大份，但價錢好親民。-日式雞肉鍋定食(配白飯及泡菜) $43跟餐選擇咗玄米茶，作消滯之用。定食飯量好足，白飯本身已浸於湯內，同一般湯飯無異。鍋物有唔少蔬菜，例如粟米、木耳、金針菇等，所以湯底幾清甜。雞肉味道正常，未至於非常嫩滑。-辣酥雞 $5雞件尺寸以$5而言都算正常，辣度惹味，雞肉入味。可惜炸衣略硬，如果可以酥脆返啲會更正。-粒粒粟米薯餅 $6一碟2件嘅粟米薯餅，原價$16，竟然用$6就食到，感覺有賺。味道雖然唔係話好驚為天人，但以呢個價錢而言，算係頗不錯。吉列炸衣唔算太厚，食到粒粒香甜粟米。

#中意嘅請分享請點讚🍻----------唔食吉野家，仲有大把比佢更好食又抵食嘅選擇🥳。----------🐣日式雞肉鍋定食 $43🐮日式牛肉鍋定食 $45定食除咗肉類，仲有蟹棒、獅子狗、金菇、木耳、菇類、雞蛋、粟米、椰菜、豆卜。湯底可以揀清湯/味噌湯/壽喜燒(日式濃湯)/麻辣湯(+$1)，麻辣湯可以揀微辣/小辣/中辣/大辣(+$2)壽喜燒同麻辣湯都好好味，兩款湯底都好濃味撈飯一流。🍵🍹定食包汽水/麵豉湯/玄米茶。----------下午茶低至$20，晚市定食$43有飯有飲品，可遇不可求。重點係#黃店 💛由於係良心店，所以好多人排隊，記住預早去食啦。----------有黃店推介可以inbox我，要大大力推薦北更多人去懲罰佢！！！----------🔎加藤屋🚩深水埗元州街34號地舖🚩屯門屯門鄉事會路2A號 H.A.N.D.S N區2樓N-204-206號舖🚩慈雲山毓華街23號慈雲山中心地下1-3號舖🚩太和太和路12號太和廣場1樓101A號舗