加藤屋 (元州街) (已結業)

自从决定唔再帮衬吉X家，我先开始留意到加藤屋嘅存在。发觉佢嘅食物真系几抵食，几大份，但价钱好亲民。-日式鸡肉锅定食(配白饭及泡菜) $43跟餐选择咗玄米茶，作消滞之用。定食饭量好足，白饭本身已浸于汤内，同一般汤饭无异。锅物有唔少蔬菜，例如粟米、木耳、金针菇等，所以汤底几清甜。鸡肉味道正常，未至于非常嫩滑。-辣酥鸡 $5鸡件尺寸以$5而言都算正常，辣度惹味，鸡肉入味。可惜炸衣略硬，如果可以酥脆返啲会更正。-粒粒粟米薯饼 $6一碟2件嘅粟米薯饼，原价$16，竟然用$6就食到，感觉有赚。味道虽然唔系话好惊为天人，但以呢个价钱而言，算系颇不错。吉列炸衣唔算太厚，食到粒粒香甜粟米。