URBAN Cafe (彌敦道)

营业中

休息中

今日約咗幾個舊同學出嚟食飯，其中一個朋友就提議去呢間樓上cafe，因為佢之前食過呢間嘅觀塘分店，食物環境都唔錯🥰所以我哋今次就揀咗呢間嘅旺角分店，收工過嚟同食完嘢返屋企都好方便😆Cafe位於彌敦道嘅大廈二樓，喺油麻地地鐵站行過嚟都只係兩三分鐘路程，好快就到～一坐低睇吓menu，見到都幾多選擇，無論係主食定小食都有好多款式，真係搞到花多眼亂🤣一向有選擇困難症嘅我，一於收窄範圍，直接揀個四人套餐 ($568)🤣四人套餐包咗四份沙律🥗同四碗餐湯，沙律菜撈埋少少胡麻醬，好fresh好開胃😋而果日嘅餐湯係南瓜忌廉湯，甜甜地幾好飲😋主食方面，四人套餐包咗兩份意粉同飯，我哋就分別揀咗即磨芝士黑松露野菌大啡菇忌廉意大利飯同日式青蟹籽大蜆大蔥忌廉扁意粉🍝意大利飯生熟程度啱啱好，保持到意大利飯煙煙韌韌既口感😳而黑松露同蘑菇永遠都係最好嘅配搭，撈埋啲芝士食嘅感覺好滿足🤤個意粉份量都唔少，蜆肉比得一啲都唔孤寒😳，配埋啲青蟹籽一齊食，令到成個意粉都好鮮味😋主食除咗飯同意粉，我哋仲揀咗個慢烤嫩雞胸(配薯菜)同挪威煙三文魚拉絲水牛芝士手工薄餅🍕一開始見到係雞胸，都驚唔知啲肉會唔會好粗好柴，估唔到佢真係整得好嫩滑😳食

距離上次去貓café 已經係10年以上今日心血來潮想要投入貓咪嘅懷抱揀咗好耐，終於決定嚟位於旺角嘅Urban Café 吸吸貓，為一個晚上都帶嚟好心情🥰一開門入去就有幾隻貓貓瞓咗喺度再望入去，成間鋪都係唔同品種嘅貓呢一日大概有15隻貓穿梭喺客人之間佢哋完全唔怕人，點摸都得但係唔可以強抱貓咪，咁樣會引起牠們反感㗎呢次點咗個二人套餐，份量都算幾足1️⃣ 日式青蟹籽大蜆大蔥忌廉扁意粉第一次試青色嘅蟹籽，味道同一般出面食嘅橙色蟹籽係差唔多，大蜆份量充足，有10幾隻左右，整體食落唔膩都OK2️⃣ 安格斯牛肉手工竹炭漢堡配薯角黑色嘅漢堡睇落都令人食慾大開，牛肉厚實，醬汁味道都正常，漢堡嚟講都算係唔錯！3️⃣ 滋味二人小食拼盤法蘭克福腸、唐揚雞塊同薯角，提提大家呢個雖然都係二人套餐個set 度，但係要加$28，如果覺得主菜夠食就唔洗加點呢個啦4️⃣ 蘋果玫瑰普洱茶呢個花茶一睇就知係又開胃又養顏，同埋好大一壺，好抵飲！推薦星評：3.5🌟呢度好適合一家大細帶小朋友嚟放電，或者情侶嚟拍拖都好正㗎！仲特別設有餵貓體驗，一打開罐罐就可以享受所有貓咪嘅寵幸啊🥰😍

以前樓上Cafe係中學生聚會必去嘅地方，係一個價格相宜又容納到好多人嘅地方。宜家演變到大人細路都啱去，每一間Cafe 都會有唔同嘅特色，有啲係打卡為主，有啲係玩board game，有啲會有自己嘅主題。 今次要介紹嘅係一間位於旺角嘅樓上Cafe，第一間Cafe令我唔捨得走，主要原因係有好多隻貓貓🐱 🔔進入餐廳前要穿上鞋套及消毒雙手👍🔔要好好愛護餐廳內的🐈‍⬛及不可以携帶寵物進入餐廳🔔用餐時間90分鐘 二人套餐($298) 是日餐湯、是日沙律各2客餐湯係南瓜湯，飲到一絲絲南瓜蓉，有奶香，飲落甜甜地沙律用咗酸酸地開胃嘅沙律汁🥗 滋味2人小食拼盤 (+$28)有炸雞塊、腸仔、薯角，都幾大碟，薯角數量好多，好抵食 日式青蟹籽大蜆大蔥忌廉扁意粉🍝青蟹籽唔常見，幾特別🙀淡淡嘅忌廉汁，扁意粉掛到汁，加埋大蔥味道又creamy又香口，蜆肉都好多 安格斯牛肉手工竹碳漢堡🍔配薯角🥔竹碳麵包好鬆軟好好味，牛肉漢堡肥瘦適中，火喉剛好不會太熟。 香橙檸檬茉莉花茶🫖(+$30)好大一壺，飲到最後都飲唔哂 檸檬薄荷梳打🍋🧊(+$20)檸檬加薄荷，又消暑又解渴

約咗朋友去油麻地食晚飯🥘🍲🍝揀咗Urban cafe😋近油麻地地鐵站A2出口行大約兩分鐘左右就到 好方便 喺彌敦道僑建大廈2樓上網睇呢間餐廳都幾多人幫襯 🥰所以預先Book咗位 進入餐廳前  需要穿上即用即棄鞋套 有消毒機 先消毒雙手之後再入座 乾淨又衛生 令客人進餐時更安心我同朋友揀咗2️⃣人套餐共$298包括頭盤🥘主食🍝沙律 🥗餐湯🥣 餐飲🍹餐飲包括$38或以下之飲品 差額補價套餐另加$25可以配一份雪山心太軟🍨🍔安格斯牛肉手工竹炭漢堡配薯角 竹炭漢堡🖤外皮軟綿綿 內裡餡料豐富👍口感極好  安格斯牛肉肉質細嫩 薯角好滋味 配埋新鮮嘅沙律菜🥬減少油膩感覺🍝日式青蟹籽大蜆大蔥忌廉扁意粉擺盤好靚 整得好有心機 大蜆份量多 意粉好爽口 配埋青蟹籽一齊食 好有口感😋🥗沙律入面除咗有鮮雜菜之外仲有少少雜果同埋菠蘿肉🍍餐湯係南瓜湯 有少少湯料 入口幼滑我同朋友叫了2杯凍檸茶 每杯另補$3雪山心太軟 （🤎朱古力）💗朱古力味好濃雪山心太軟 （💚抹茶）抹茶味道比較清新 😃👍呢個2️⃣人套餐都幾豐富 值得推介👍店員好nice 服務態度好好👍會帶朋友再去😋

好耐無見既朋友一見面就話要去啲有得玩又有得食既地方，咁就選擇咗位於旺角既Cafe入門前要穿上鞋套，乾淨又衛生點咗抵食2人套餐 $278有齊哂(沙律，餐湯，頭盤，主食及飲品)2份是日餐湯🥣忌廉蘑菇粟米湯，又香滑又好飲2份是日沙律🥗雜菜沙律配上柑橘醬，酸酸甜甜日式青蟹籽大蜆大蔥忌廉扁意粉🍝色香味區全😍綠色既爽脆青蟹籽，配襯扁意粉，扁意粉質感適中(唔怕太淋)，仲有好多鮮甜惹味既大蜆西班牙黑毛豬助骨配薯菜🐷個西班牙豬助骨肉質嫩滑又juicy，淋上烤醬汁 ; 食前，遠遠都聞到又香既味道傳過黎，食落仲好好味好滑 ; 配上薯菜，香脆薯角，特別好既配搭柑橘蘭香子梳打🍋 +$20粒粒蘭香子，仲有2片香橙及檸檬，酸甜味道洛神紅莓莓乾花茶🌷 +$31嘆番一壺花茶，浸住好多乾花，茶既顏色由淺糽，慢慢變成深紅，浸得越耐越香甜冬陰功忌廉煮紐西蘭青口🦪 $68用冬陰功與忌廉煮埋一齊，令味道變得更濃，令個醬汁更香更鮮甜，再倒上去鮮甜大大隻紐西蘭青口，咬一口青口，沾上醬汁再食，你就會愛上東瀛蟹籽溫泉蛋鮮雜果柑橘醬沙律🍓 $58好大隻溫泉蛋係頂層，加埋啲新鮮蔬菜+水果，配上柑橘醬@Urban Café（旺角）旺角彌敦道5

呢間貓cafe好出名，因為佢入面有最少十隻貓貓，而且客人係可以一路食飯一路同貓貓有接觸~我預早左一星期經openrice book枱，去到發現成日餐廳都坐滿晒人，非常熱鬧咁我地叫左個二人套餐，另外加左錢叫左杯紫薯拿鐵同埋oreo 朱古力~個餐係有包埋餐湯同埋沙律嘅，個湯係南瓜湯呢個南瓜湯好濃奶香味，而且好滑，配埋南瓜絲，可以提升個口感!沙律都好清新，配胡麻醬好味~跟餐南瓜湯及胡麻醬沙律主食方面我地揀左個日式青蟹籽大蜆大蔥忌廉扁意粉，個忌廉汁又係好香奶味，而且仲好掛麵蜆肉份量都唔少，配埋d菇食好味不過食食下可能會覺得有少少膩日式青蟹籽大蜆大蔥忌廉扁意粉呢個pizza上到黎仲係熱辣辣，要拉絲完全冇難道!個芝士仲要好咸香，餅底又脆，超好味意式辣肉腸拉絲水牛芝士手工薄餅飲品方面就冇食物咁出色，不過都唔錯~個紫薯拿鐵好濃奶味，不過紫薯味就唔係好覺喇紫薯拿鐵個朱古力就好飲d，甜度岩岩好，而且真係飲到有oreo味Oreo脆脆特濃朱古力