小念頭 (億利工業中心)

营业中

休息中

由旺角起家的日式Cafe店搬左黎我公司附近，緊係要搵日收工去試下啦😋❗❗「小念頭」位於荔枝角工業大廈，主打日式料理、甜品同茶飲😍餐廳環境寬敞，同朋友都坐得好舒適，裝修好有風格好適合打卡🤩坐低後店員會立刻比張QR Code落單，冇實體Menu。食物種類都算多，有飯有烏龍麵有意粉😋日式鹽麴五花肉 $76，五花肉食落去酥脆滑嫩，肥瘦均勻食落超香口，而且每一舊都唔會切得太薄切切👍🏻再加上幾滴檸檬，瞬間消除油膩感之餘味道更加滋味😋旁邊仲有辣粉可以沾上，一款肉可以食到幾種味道，正啊😝叫主食仲可以以優惠價加配小食，我地就+$8要左個芝麻豆腐，夏天熱熱地食返啲涼菜都能令人胃口大開😝和風煎牛仔粒 配牛汁金菇飯 $82，對比之下我就覺得牛仔粒比較遜色少少，食落去口感唔夠嫩，熟度過熟變到有啲煙靭。牛汁金菇飯就十分之開胃，送飯一流，令人不知不覺食晒成碗😋飯仲可以轉冷/熱烏龍麵同細雜菜沙律，本身仲想試下食麵，不過見到要+$16覺得有少少貴🤏🏻所以就冇轉到🤣榛子朱古力烏龍茶芝士蛋糕，餐廳主打甜品點可以唔叫黎試下🤤叫主食都可以以優惠價加配各種蛋糕，仲可以揀後上，到差唔多食完主食就可以叫職員準備上甜品😋一食落去係香濃

今日又黎小念頭食嘢啦, 黎佐好多次, 平時係食lunch, 今次係第一次食dinner, lunch每次都好多人要等, 今晚七點半黎到都有啲客但就有位唔使等日式鹽麴燒五花肉: 加佐山藥蓉, 芝麻雞翼, 五花肉大大塊, 香噴噴, 好啱配飯, 每一啖都好滿足, 山藥蓉口感黏黏地好特別, 感覺好健康.  芝麻雞翼超級好食, 熱辣辣, 煎得好香好香, 極力推介 香煎牛舌芯(極): 牛舌芯加佐辣椒油, 辣辣地好香好送飯, 另外隔離個配菜酸酸地好開胃, 用佐另一款辣椒醬, 好辣, 但好好味,  個湯都好好飲, 不過有略嫌唔够熱, 我鍾意超級滾熱既湯黑杞子桑葚蜜: 每次黎都好期待飲佢地既花茶, 成個感覺勁寫意, 黑杞子桑葚蜜次次都有嗌, 味道够濃, 超鐘意飲,飲完仲厚面皮咁問職員可唔可以加熱水, 因為覺得唔加有啲可惜佐啲料, 職員超好人問使唔使加啲蜂蜜木燙青茶: 滿滿茶葉, 茶味非常濃, 好飲, 不過lunch嗌好啲, 可以提神, dinner就唔好啦, 好似我咁飲完搞到夜晚訓唔著奶蓋芒果戚風: 重頭戲當然係cake, 加$30/$35就有一件cake, 好優惠, 見每一枱客都有嗌, 果然好出色,

之前一直都想幫呢間餐廳寫下食評，可惜自年頭開始餐廳就一直裝修，曾經都有擔心過佢哋會就此結業(早排經濟麻麻)，幸好最近餐廳終於裝修完畢並重新營業，所以我都拿拿淋走過去幫襯一下。裝修前一份定食係無包括野飲，但裝修後可以免費加鐵觀音茶或茉莉花茶，亦可加錢配其他特飲，另外現時餐廳正在做優惠3點後一份定食可減10蚊，變相裝修後竟然減價，這點是相當有驚喜！講番食物質素，我覺得呢間餐廳一直以來都係非常唔錯，特別呢個價錢黎講，呢點係裝修後依然係無改變！今次點左兩個定食，包括香煎牛舌芯定食，同埋日式鹽麴五花肉定食。先講牛舌芯定食，個日式配菜幾好食，牛舌芯配埋啲味素非常好食，而且煮得夠淋，唯一美中不足係份量較少，可能係食材成本較貴。另外個日式鹽麴五花肉，個五花肉燒得幾香幾好食，同埋個鹽麴醬又好夾個五花肉，而且份量唔少，仲要有送其他配菜同麵豉湯。我哋仲加多左個鐵觀音芝士蛋糕(唔記得影相)，都一如以往咁有好香濃嘅茶味同芝士味，非常好食。最後兩個人賣單係$180蚊，一均一位$90蚊，以兩份日式定食再加一個甜品黎講算係性價比高，幾抵食，所以個人係幾推薦！P.S. 今次光顧店員非常有禮物，用餐體驗十分愉快！