日暮家 麵匠 (已結業)

喺尖沙咀行街行到肚餓，第一時間就諗起AK老闆哥哥間拉麵店「#日暮家 麵匠」😻 拉麵有幾款味道選擇，總有一款啱你心水😛🍜#琥珀拉麵：即係 #黑松露蜆貝醬油湯拉麵，配 #慢煮豚肉 加 #雞肉叉燒，另外仲加咗隻 #溏心蛋 🥚 湯底唔算鹹，但黑松露味唔夠重🥲 不過我幾鍾意入面配蜆肉同雞肉叉燒～感覺冇咁肥膩😋🥟食拉麵可以加錢配小食+飲品，我加咗3隻 #羽根餃子。餃子味幾好，可惜好快就凍咗🥹🐥另外屋企人再加咗個 #天婦羅無骨雞翼 配 #明太子醬。我本身唔鍾意食雞翼，但呢碟雞翼又幾好食喎🤤 值得試吓～👍🏻👍🏻👍🏻🍵飲品方面，我揀咗 #日暮家黑豆茶 😼 食完拉麵再飲黑豆茶，清清哋解吓膩，感覺非常好😺下次嚟再試吓唔同味嘅拉麵先～～😽

生活少咗十二子嘅消息，的確枯燥咗好多…… 😔 有時候好掛住佢哋歡笑嘅模樣。知道AK老闆同親友開咗間日式拉麵店，依晚小編心血來潮走咗去排隊食拉麵，解一解鬱悶。🦊🍜 葡式檸檬蜆貝拉麵 😋😋😋😋😋依款係期間限定嘅拉麵，小編揀咗普通程度嘅麵質同湯底濃度。嚟到見到約有六隻蜆貝同一大塊日式叉燒，面頭有帶皮嘅檸檬粒🍋同紅蔥頭碎、少許日本豆苗同一小舊牛油。先試啖麵底，鹹鮮得嚟有檸檬嘅微酸，因為落咗牛油 🧈，質地有少少creamy。蜆肉鮮甜，處理得好乾淨、唔會有沙，而叉燒屬於係半肥瘦，慢煮得好軟熟。雖然係新潮嘅拉麵款式，但整體味道係夾嘅！🍹 日暮家黑豆茶 😋😋😋😋日本入口嘅黑豆茶，冇咖啡因，飲落有黑豆嘅餘韻喺口腔，每支都有佢哋舖頭嘅貓貓插畫tag 🐱，小編最後拎走留作紀念。晚餐 💵💵💵💵 約港幣$200/人💁🏻‍♀️ 溫馨提示：小編依晚係平日傍晚6點15分左右到，大概排咗50分鐘。麵店約有二十多個座位，現時只收現金，但係就唔使加一！如果大家想去食嘅話，就要做好準備啦！🙏🏻🙆🏻‍♀️ 最後，喜歡嘅話，歡迎follow @foodirectory.hk ！

係一個中午時分，當然要試食呢間最近好有話題性的拉麵店啦見到點餐紙，其實樣樣都想食，只可惜胃容量不足，最後點左「琥珀拉麵」同「芝士羽根燒餃子」，仲有「日暮家黑豆茶」當拉麵上枱時已經聞到好香，真係有黑松露陣味，叉燒好食，蜆好食，拉麵好食，仲清左個湯，好耐無試過食到連湯都清埋啦，佢地仲好好可以揀少油，咁食完都吾會感到油淋淋至於餃子，上枱時有好大塊燒左的芝士，一齊食又係好好食，黑豆茶又係好飲，仲有張貓貓招紙，好可愛會再去食，下次會食吾同的野

相信好多人都睇到報導，知道呢間拉麵舖係MIRROR成員AK&哥哥開啦！食物質素始終係一間餐廳嘅靈魂，一於開舖當日就去試完比番個食評😋午餐時間黎到同朋友黎到，叫左2個拉麵1個小食share!第一款當然要試下期間限定嘅葡式檸檬蜆貝拉麵🍜自己食拉麵偏好清爽口味，例如鹽拉麵或者依家流行嘅柚子檸檬🍋咁。見到呢個寫住檸檬即刻要試試！檸檬味香帶少少澀酸，湯底清爽唔會膩，蜆貝口感似卜卜蜆嘅感覺，塊叉燒都好滑😋鐘意輕口味拉麵嘅唔好錯過✨另一碗係濃厚醬油雞白湯拉麵🍜呢個係朋友喜好，因為雞白湯底非常濃郁，除左本身有嘅慢煮豚肉叉燒，我地另外加左2隻貓肉球糖心蛋🐾好味好滿足👍🏻小食我地order 左天婦羅無骨雞翼（明太子味）！呢個口感非常驚喜✨個皮脆卜卜配埋我最愛嘅明太子醬真係一流😋飲品方面我地揀左黑豆茶同蘋果梳打，比較喜歡黑豆茶👍🏻清清地食完拉麵飲番啖岩岩好✨整體食物分量好滿足，質素亦唔錯！👍🏻下次要再番轉頭試埋其他口味嘅拉麵😋