鱈卵屋 (已結業)

話說前一晚，😌抱住好想食燒明太子嘅心去左尖沙咀某日本餐廳食飯💔點知人地改左Menu，無得食，我份人好犯賤，無個樣就愈想食個樣😅好彩第二日下午有啲啲時間，即刻上網睇邊度有明太子食，以一了我明太子既心願上網睇佢開3點，我3:30左右入到去，無人，唔係無客，係連職員到無😑咁古怪既，啲貨又放係門口，唔怕俾人偷咩。等左一陣終於有職員帶我地坐低，坐落有啲好奇怪的感覺，周圍望下，原來隔離臺底有2對鞋，相信係佢地員工既鞋，可能中場休息/之前放工除低左😅算啦唔關我事。可能因為下午茶時段（但上網唔見佢有分下午茶時段/晚餐時段），無咩俾我揀😔同上網睇好大出入，有啲失望，而且都唔平，而且可能因為下午茶關係，份量亦較少。個烏冬好味，咸咸地辣辣地，烏冬煮得煙韌彈牙，👍🏻👍🏻一般雞翼，食唔出明太子係邊喎，幾十蚊得4件單骨雞翼，好貴姐😂多士焗得鬆脆，唔會太硬，放左一陣唔會變軟，同明太子夾得好好。兩件原味唔錯，但另外兩件似係香草/紫蘇葉味，唔岩我食😑但我男朋友就話好香好特別另外仲買左啲明太子返屋企，職員都好細心問定會唔會再行街，擔心天氣太熱明太子會頂唔順😂😂希望下次黎食晚餐，唔會再有失望，我真好鐘意食明太子架🙂

好開心呀，又黎呢間明太子餐廳，次次黎水準一致！當日上午Book晚上黎食，幸運地有位，黎到見到有10位日本人book左長枱聚餐，可見呢間餐廳味道好合地道日本人心意。餐廳唔大既，中間有個位置賣明太子類食品，一路食一路睇都覺得幾吸引嫁。［明太子卷蛋］一貫咁美味，軟軟滑滑好juicy, 淡味既蛋配咸味嘅明太子，非常之夾。［明太子多士］香脆牛油少許蒜蓉焗多士，兩個口味差唔多，好香口！［明太子鰻魚飯三吃］第一種食法就咁食，第二種食法係加入白芝麻、黑芝麻、紫菜、芥末等撈黎食，都相當之香。第三種食法係加淡淡嘅湯好似茶漬咁加落去食，都好好味。埋單Total $329，非常抵食呀，兩個小食加一個魚生飯，服務又好，下次會再黎！值得一提係鱈卵屋嘅洗手間，真係超級乾淨香噴噴仲佈置得舒服過屋企嘅洗手間！

明太子是鱈魚魚子製成的，喜歡日本美食的肯定聽過吃過的。香港吃到的明太子，大多是作為配料，例如放些在三文魚沙律上，便成為明太子三文魚沙律，郤甚少是主角。其實在日本料理中，明太子或者很多材料都可以獨當一面的，只是港人看待日本料理，就像去睇紅館演唱會一樣，一定要歌舞連場、有嘉賓、例必Encore，否則就並不收貨。近年多了獨沽一味的拉麵店，令本地人漸漸接受單一食材或食物為主的專門店。這天中午，來到銅鑼灣一間以明太子為主題概念的鱈卵屋(FUKUYA)，由日本人主理，很有日本家庭小店的簡約風味。餐廳主打九州褔岡FUKUYA明太子，食物以明太子為主角，配不同的食材及煮法，除了供應食堂外，還有售賣魚湯粉、番薯及一些日本家庭小用品。午飯時間前來，自然就吃這裡的午餐，有飯、烏冬、卷物等定食供應，我就揀了以下這款「鮮蝦明太和風醬烏冬」 ($138)。稻庭烏冬棄用日式附湯的煮法，而用了意粉式的做法，汁料較少，但始終烏冬跟意粉的質感不同，用這做法煮出來的烏冬仍偏向濕潤和煙韌，配上醬汁和明太子，味道甜中帶咸，濃郁得很，而蝦肉沾上了汁液，變得更滑溜。另外亦試了其他小食，明太子玉子卷蛋卷包著明太子，不失清甜的味道，蛋