Antoshimo Cafe & Bakery (Mikiki) (已結業)

是日weekend揸砵砵車黎到新蒲崗mikiki諗住拍下拖，因為我地兩個未黎過呢個商場。哇weekend呢一帶真係好恐怖好多車，完全搵唔到街位泊，於是都冇計要泊左入商場啦，點知都要排長龍等到餓都肚哂，於是就搵左商場既呢間日式連鎖店坐低食晏喇望下餐牌都好似幾ok，感覺唔熱氣仲有送甜品，抵食！同寶一人叫左一個鍋物加烏冬先黎既係我呢個魚加明太子烏冬。望落非常之咁清，食落都其實幾濃味。個魚柳鍋d炸魚柳出奇地好鮮嫩，但可以多返幾舊。明太子烏冬就夠哂多，岩哂我呢個大胃王。食落一d都唔覺得咸，岩岩好。個豆腐配菜都好好食，嫩滑夠味寶個雜菜鍋就夠哂足料喇，岩哂平日好少食菜既佢。佢個黑咖哩烏冬我反而覺得d汁有d稀，可能黑咖哩我expect係要濃味d？食到好鬼飽，店員仲突然問我地甜品上得未，完全唔知有甜品送！對有第二個胃裝甜品既寶當然好開心啦！甜品都好有沖繩特色，尤其下面果pat紫薯好好味，唔會太甜，冬甩又炸得岩岩好，雪糕配海鹽焦糖更加係賣飛佛！整體都好抵食，60幾蚊又有野飲又有甜品超值走時仲原來可拎泊車單，店員好好人！

朋友推薦 Antoshimo Cafe & Bakery D 間沖繩餐廳，見到餐牌有咁多選擇，樣樣都好吸引咁，點可以唔試下。雖然冇得訂位，唯有早D同朋友來到，因為我地都算人多，待應好好咁俾左張大檯我地，仲俾多個位我地放袋。餐牌最吸引都係芝士炊飯鍋燒定食，原來係選完個餸再可以選不同味道的炊飯，好彩人多可以Share食，如果唔係我D D 選擇困難症都唔知選到幾時。前菜(豆腐，紫薯) - 味道正常 =]明太子魚柳鍋燒烏冬 - 明太子烏冬口感唔錯，魚柳鍋都好食，不過魚柳比較淡味。黑咖喱豚梅肉鍋燒烏冬 - 咖喱味都幾香，配上豚梅肉相當唔錯。芝脆雞柳 - 唔重芝士味，但幾香口，味道唔錯。海鮮 - 一人分量，味道一般。另外冇影到漢堡扒，豚梅肉 ，但都係正常味道，個人喜好係芝脆雞柳 >漢堡扒>豚梅肉 >海鮮 。同時我地係需要將炊飯煮熟的，待應有耐心教我地炊飯的煮法。炊飯有燒飯餅同高湯放在小燒鍋中，當中需要我地一直攪拌，等燒飯餅即將煮熟（湯汁被米飯充份吸收) 既時候，把碎芝士加入拌勻混合，而且一碟芝士唔夠，係可以再加芝士的。墨魚湯 - 飯粒口感唔錯，墨魚汁冇咩味但食落都唔錯。椰香