小草十八怪石鍋米線 (已結業)

小草十八怪差不多已成為我的旺角飯堂，平日多數食石鍋生滾米線，今日和朋友上去，他想食魚，於是叫了個明爐烤海鱸套餐（$168）。套餐包大大杯特飲和薯粉，有幾款湯底可選，另外可追加火鍋配料。我推介朋友必試招牌湯底：香辣金湯，用南瓜、蛋黃和黃辣椒調製，金黃香濃，少辣順喉。是我平日食石鍋米線的最佳拍擋，現在配鱸魚打邊爐，也非常合適。鱸魚有調味和煎封，啖啖肉，配料有大豆芽、蓮藕片、豆卜、粟米。我們還加了幾種蔬菜、蘿蔔、豬潤和鯛魚片（$9-$13）。薯粉可選「多粉」，真是好大碗，兩個人差點食唔曬，爽滑彈牙。明火石油氣爐夠火力，濃湯愈滾愈濃，半路叫店員加湯。其它火鍋店加湯的話，無論你本身是什麼湯底，多是加溝了水的清雞湯，但這兒是加原本的濃湯，所以原汁原味，愈食愈好味。

中午去旺角恆生銀行出糧，以為一號必定很多顧客，出奇地只用了十五分鐘便辦妥。之後沿亞皆老街行到通菜街口看到一間食肆叫小草十八怪，好奇地上樓試吓點樣十八怪？雖然最出名是石碢米線，但我們想食魚，便叫了明爐烤海鱸套餐，湯底選咗香辣金湯。上枱時魚已經煎熟放在爐上加熱，嚐一啖湯恍然大悟，原來金湯即是南瓜湯。伴菜有蓮藕、粟米、豆卜、唐芹和芽菜，伴著大碗薯粉，香濃撲鼻。鱸魚啖啖肉非常好味，薯粉吸索了南瓜湯更是惹味爽滑。最精華是南瓜湯越煑越濃郁，整盆湯飲至一滴不留！套餐還附送一大杯的凍飲青檸薄荷梳打，夠哂潤喉！我們還叫了幾樣小草特色串燒，燒得比正宗燒烤店更好食，尤其原條茄子佈滿蒜蓉，我更連皮都食埋。加上孜然羊肉、沙嗲牛柳和翠肉瓜，不經不覺坐了差不多二句鐘，飽飽地再去行旺角商場和公園散步！

餐廳位於旺角亞皆老街，一到晚飯時間就好快坐滿人，估唔到咁受歡迎！我今晚食左烤魚，但見唔少人都叫石鍋米線，上網睇番先知佢係石鍋米線主題店😳可按指示自行diy石鍋米線❗️下次再黎自己DIY玩下先！🤣.✨QR code落單✨ 不設加一-💕 明爐烤海鱸 套餐 $168(免費特飲一杯 白飯或薯粉一碗)追加配料 (封門牛肉+$12)👅好味指數：7.5/10湯底叫左酸菜魚湯，香香辣辣食落唔油☺️，魚🐟有2條，原本就煎得香同冇乜骨，魚肉又幾滑👍🏻，配埋薯粉，薯粉都係預先已經煮熟左，放埋落湯底到滾一陣就可以，煙煙韌韌，索哂精華好惹味！另外，套餐仲包一杯超大杯飲品，就叫左烏龍茶，真係好抵🤣！-💕 五香香辣豬軟骨 $28👅好味指數：7/10豬軟骨肥瘦剛中，醃得入味☺️，味道微辣。-💕 酥炸檸檬豬扒 $25👅好味指數：7/10炸得酥脆香口！肉質軟腍，配上檸檬汁，清新開胃 冇左油膩感👍🏻。-環境：6.9/10服務：7/10好味指數：7/10回頭率：7.5/10