点心代表 (已結業)

近期知道百變小櫻同Dim Sum ICON 有合作，所以就去咗幫襯吓喇。基路仔流沙包 ($35) : 價錢嚟講貴左少少，不過又真係整得幾靚既，裏面嘅流心效果同味道都唔錯。呢幾樣食品主要都係用蝦肉做餡，味道大致同酒樓差不多 ; 好友蒸腸粉整得好靚，差啲唔捨得食。蟲草花鮮雞荷葉蒸飯 ($59) : 份量大兜之剩雞肉亦嫩口，不過味道比較清淡，要加豉油食先得。荔枝乳酪特飲、芒果特飲 : 每位顧客都要叫一杯飲品，如果唔係會收 $10 蚊一位茶錢，可惜兩杯飲品味道真係麻麻地。

看看sakura揮揮魔法解開咀咒如果你覺得我個題目有聲既咁你唔可以唔去點心icon食近期最紅既小櫻點心啦其實我同朋友唔係真心小櫻粉絲不過今日咁岩係尖沙咀做完野 去左the one 唔知食咩好 見幾得意 就入去坐左黎食叫左 小櫻生煎包 小櫻雪山叉燒 小櫻椰皇 （其實唔記得d名 不過見佢都係好求奇咁加個小櫻個名落去）依個生煎包 同上海生煎皇 差十萬倍上海生煎皇仲要平d佢個皮又厚又油 真心唔洗叫睇下都見到餡幾少 同皮幾厚同埋係零櫻花味個雪山就係正常味 都脆同鬆化既不過一樣餡少餡少既情況一樣出現係 唔係特別版既點心到依個係味道可以 既 麻辣菲菜餃個味係好既 不過一樣無咩餡反而依個外表唔多得既 「春風得意腸」就幾好味個春卷係脆既 腸粉個粉皮就緊係同咩陳漢記既無得比啦但係依個係有驚喜既另一個有驚喜既係依個甜品無諗過個紫糯米會同椰皇咁夾本身係叫黎想食小丸子搭椰皇但到頭來 紫糯米先係重點！ 好味！推介！個菠蘿炒飯同雲吞雞就不過不失不過個雞 好油 唔明點解唔隔下油先俾客有3粒雲吞 雞肉兩粒 仲要係骨 想食雞肉既就唔好嗌喇埋單 佢送左舊小櫻膠俾我作為唔係粉絲既我 本身睇佢包裝仲以為係本簿早知就唔要佢仲好搞

之前有蛋黃哥點心已經想食，但太多人等位所以無試到…是日爸爸放假又見唔係好多人等位所以就試下~等左一陣終於有位，仲有bb櫈可以比寶貝自己坐~不過位置近廚房門口同埋d人開左後門，結果d風吹晒埋嚟吹到d嘢食好快凍左，試過兩次吹左侍應收返嘅錫紙兜過嚟如果為左影相呃like同埋為左卡通點心可以一試，但真心覺得食點心有其他更好嘅選擇

今日去左尖沙咀the one,發現左個度有間幾潮既點心鋪,餐廳既格局都走時尚路線完全有別於傳統茶樓既風格,所以開初經過店鋪時,一啲都不發覺是吃點心的地方黑魚子燒賣皇燒賣用左新鮮手打豬肉整成,所以食落冇雪味同幾彈牙,加上入面放左少少冬菇,同上面既蝦都幾新鮮,好juicy整體黎講燒賣好足料,唔錯春風得意腸食落真係幾得意架!有別於傳統既炸兩同腸粉,入面係包住春卷,所以有充實既餡料之餘,仲有脆口既感覺唯一一樣令我驚訝既係,入面竟然有我唔鐘意食既西芹,我對佢既味道比較敏感,所以一食就食到(好在切到細細粒,接受到)頂級蝦餃皇呢個較為普通,與一般蝦餃無異,但勝在蝦十分新鮮,而且彈牙爽口,一點都唔「梅」,亦冇雪味,唔錯香炸流沙包,老闆好有信心係我地點菜時話:流沙包唔流沙會換過!但事實就係個流沙包真係幾流心,外皮炸得香脆,入面一咬就有蛋黃香,流哂出黎!柚香茶凍,用左原個柚子,起肉然後再加入啫喱,再放回柚子皮上,所以絕對係新鮮,吃落去有種澀澀既柚子味,甘甘地又甜甜地,夏天食真係好fresh呀!但唯一不足既係佢供應既茶唔夠香濃,冇咩味,如果以$10茶介黎講就有啲貴

近來點心小店越開越多，我會返頭食的冇幾間。呢間新張，午餐時間人算少。見好多人望下餐牌又走左，會望係因為新開同裝修幾特色。我們也不例外。不過餐廳要食物品質好才能生存下去。我們三人來到，服務員沒有即時留意，示意才如夢初醒的樣子。點了幾樣點心，大部分都有推薦的標誌。流沙飽比其他餐廳的size要小，味道不過不失。黑魚子燒賣不錯，沒有太多肥肉和油。春風得意腸和春卷也不錯，做到皮脆香口。$29的荷葉飯比想像中量多，不過沒什麼亮點。總體的說，味道賣相都合格，沒有酒樓的過份油膩和粗糙感。但是也沒有亮點讓人回頭，西化的模式，但仍要茶位$8, 茶味也不是特別好。在得三四台客的情況下食物還是要等一段時間，服務員也好似好生手，想像不到坐滿了人還會如何。加上價錢也不便宜，生意應該不易做吧！

行The One發現間新野，就膽粗粗入去試下😃佢既春風得意腸同青芥脆蝦漢堡仔好好食😍個腸係用腸粉皮包住春卷，口感新鮮又好味😋而個漢堡仔一層一層咁鋪好，又夠迷你，個口大d仲可以一啖食晒，份量唔算多，啱晒胃口唔大既人😂尼間真係誠意推介😆好味道😜