break (已結業)

放假日竟山長水遠找朋友午飯，確實佩服自己，來到她工作附近的一間咖啡店用膳，與朋友度過一日既寧靜且舒適的下午，總算為工作繃緊的我暫且放鬆。咖啡店呈半開放性，以淺灰及淺木色為主，加上草叢佈置，整體有戶外花園感，長途跋涉來到的我，更覺自己置身世外桃源。我點選的吞拿魚丼共有5片吞拿魚，厚切吞拿魚煎至外熟內保留生，但略嫌有點煎過時，令內心肉偏乾及出現絲質魚肉感，魚塊外邊佈滿及表面灑上芝麻。令芝麻味甚為突出，有點蓋過吞拿魚鮮味，飯上佈滿的紫菜絲成了吞拿魚及白餅的融合者，紫菜絲酥脆帶海鹽鹹，為兩者增添味道與層次感，加上帶酸忌廉感牛油果，令口感更順滑，再沾上明太子醬鹹香味，為整體食物味道提鮮提味。味噌湯味道溫和易入口，結合鮮味與鹹味，不會刺喉過鹹，而且沉澱物沉澱後湯仍呈現深褐色，味噌甘鹹香濃，內裡含有海帶及豆腐。螺肉頭大如雲耳，質地鮮明彈牙，醬汁輕盈甜辣，並非一般港式味付螺頭軟腍呈橙色醬。麵份量合理，賣樣亦十分討好，意大利麵上放有3件蟹鉗、蟹肉、魚籽、海帶絲及翠肉瓜片，麵粉油份薄薄地包裹麵條而不油膩，淡然蒜味烹煮而成，該輕蒜味不但去除麵線單調味道外，亦不會蓋過配料的鮮味，是麵粉與食材最好的導入者。撈勻

呢間打卡餐廳收藏已久，因為通常都係星期日先會過呢邊，一直都冇黎食，是次放假特意黎試下，點知一坐低店員就告知11月起佢地星期日都開鋪！好野以後星期日又多個選擇！！除左一般coffee shop嘅咖啡，仲有Break的特飲。凍朱古力味道偏朱古力奶嘅味道暮光一上桌時港女又失禮地大叫「咁靚嘅！」橙色冰球是橙汁，漂浮在tonic water，店員提醒要小心把espresso倒在冰球之上，才不會濺出水花，溫熱的espresso令冰球慢慢融化，與tonic water產生漸層，就如日出前的暮光，非常打卡able!味道方面先是嘗到espresso的苦澀，橙冰融化後酸甜的味道開始突出，加上滿滿的氣泡，很清新，推薦！蛋黃漬蔥吞拿魚茸三文魚子丼 配櫻花蝦味噌湯及沙律吞拿魚茸很綿滑，拌入蛋黃漬甜潤滑順三文魚子新鮮脆卜卜，真心覺得有日本餐廳的水準。海膽 • 蟹肉 • 三文魚子 • 卡邦尼 擺盤美得如畫，我實在覺得自己開始太誇海膽份量有成6件，配以蟹肉及三文魚子，啖啖濃郁鮮味。老實講我一直對cafe冇咩期望，break實在打破左我偏見！喜歡！

依間位於觀塘海濱旁商廈內既半開放式cafe，以石灰色為主調，主打日式主食、輕食及飲品，環境寬闊。一入門口就有一個特色小屋卡位，周圍有唔少植物擺設，窗邊座位更採光度十足，寧靜舒適，好啱係度Take A Break放鬆一下🌱❀ 煙三文魚牛油果醬牛角包 🥐牛角包烘得好鬆脆，充滿牛油香。入面仲有牛油果醬及捲成玫瑰花形狀既煙三文魚，好足料😍 碟內亦附有沙律，配料有蘋果、紫菜及沙律菜，酸酸地好清新❀ 吉列豬扒三文治 🥪麵包內夾住一塊剛剛炸起既厚切吉列豬扒，食落熱辣辣，炸粉薄又好香脆，而且肉質嫩滑多汁，入面既醬汁令味道更惹味～旁邊都配有沙律，清新解膩❀ 黑糖雪糕配蕨餅白玉蜜紅豆 🍨依杯黑糖雪糕上配有甜甜既紅豆，蕨餅及白玉都煙韌軟糯，好有口感，配料好豐富✨❀ 暮光 ☕️賣相好吸睛💕 杯內有一個橙汁冰球配上tonic water，另附有一小杯espresso，將espresso倒入杯內，熱度會令橙冰慢慢融化，加上杯底既燈，形成twilight般既景像，好特別又有心思🥰 橙冰會中和espresso既苦味，加上清爽既梳打水，味道好夾～❀ 炭焙烏龍拿鐵 ☕️烏龍茶味香濃，有微微炭香味，清甜唔膩

同朋友喺觀塘海濱影完相之後喺附近想揾野食，咁啱就行咗去呢個商場然後發掘到呢間咁靚嘅cafe🥰我地兩點入座所以叫咗Lunch set，去到先知原來lunch set做緊85折優惠🤣一入到去已經聽到餐廳播緊啲好休閒嘅歌，加上餐廳裝修好有心思，絕對係喺鬧市之中放鬆嘅好地方😚本身打算試個三文魚牛油果丼但點知賣曬😢所以我就叫咗個南蠻炸雞牛油果丼🤗一送到嚟我仲覺得份量好細驚唔夠飽，但點知實際上飽肚感十足😯食完之後去到晚飯時間都仲未肚餓😳炸雞炸得好脆而且唔會食到好油膩👍🏻牛油果醬份量都好夠，唔似出面有啲餐廳得少少唔夠食🤧個餐仲跟埋個麵豉湯同小菜，份量十分夠食🤗同行朋友就叫咗個煙三文魚·三文魚子·紫蘇香草醬·青頭脆脆·螺絲粉賣相十分靚，而且三文魚同三文魚子份量都好多🤗青豆應該係炸過嚟，所以咬落去好脆口，唔講都唔知青豆嚟🤣同行朋友話覺得戈青豆配三文魚呢個食法都幾新穎🤣個餐仲跟埋個沙律同小菜🤗最後餐飲方面我地分別叫咗暮光同炭焙烏龍拿鐵，跟餐野飲仲有得平添🤗暮光個玻璃杯下面有燈會發光，好適合女仔打卡用嘅☺️而炭焙烏龍拿鐵上面有個好靚嘅獨角獸拉花，靚到我都差啲唔捨得飲🥺地址：觀塘海濱道77號海濱匯1樓13-14