亞蘇爾 (形點) (已結業)

今晚一行6人去元朗Yoho新開既餐廳食生日飯，因為出面比較少見葡國菜餐廳，所以今晚特登黎一試。我地食6點，用餐時間有90分鐘都夠時間食既，上菜速度都算快，但唔會一次過上晒啲菜俾你。值得推介嘅係白酒煮蜆，佢襯肉大大隻又鮮甜，連個湯都好好飲，有淡淡牛油、白酒同鮮甜嘅味道。另外推介嘅煙燻豬手，上菜時會用個蓋蓋住，點火，等到入面充滿晒煙嘅時候先打開蓋，成隻豬手都會有香香嘅煙熏味。豬手juicy, 豬皮脆脆，咸度適中，我暫時食過最好食嘅豬手。葡撻偏油，但味道ok。其他菜都好味。

葡撻 vs 木糠布甸 之澳門甜品大比拼🇲🇴葡撻($14/pcs)聞落就夠哂香 但呢間餐廳既做法同一般葡撻唔同 係加左大量椰汁去整 但椰汁同焦糖味根本唔太夾 有啲失望相反個木糠布甸($45/set)就真係好食喇! 佢地既餅碎係用杏仁餅整 口感比梳打餅豐富 而且夠哂澳門特色👍🏻 另外木糠布甸仲有綠茶/芒果等比較特別既味 好奇既你地可以去試下啊雖然我黎既目的係甜品，但都想讚下啲主食😂烤乳豬伴炒飯($118)乳豬皮脆肉嫩，仲好食過喺澳門食嗰啲👍🏻另外呢個fusion既蝦子松露意粉($98)都正 一上枱已經覺得好香 食落都好好味啊 lunch set包野飲 試左杯巷仔奶茶 略嫌茶味唔夠濃另加$8會有沙律/湯 個沙律好新鮮啊！

今日同媽咪黎行街，行街前食個午餐，見呢到新開，睇左一眼menu好似都ok就決定入去試下呢到環境好好，坐得好舒服，將主打食品放上牆身，令人更加想試下食開放式廚房，一目了然Menu設計都好靚，但感覺好快會被整到好油同皺晒，一至五有午餐，3點後有下午茶，睇左主Menu，午餐其實都好抵咖哩牛根腩，咖哩超香，入口少少辣，同好滑，送飯一流，入面有好多舊牛腩&牛根，都好林，薯仔硬左少少路氹豬扒包，一上枱，嘩，原來都幾大份，仲配左薯角同沙律。個包外脆內軟，豬扒好大塊好juicy，而且煎到個邊好香脆，夾埋d醬汁同蔬菜，好有驚喜，薯角亦係熱辣辣上，好正！餐飲我見佢寫有卷仔奶茶，我叫左凍奶茶，又係嘩一聲，好好飲，個茶味好香好濃，又滑，可惜媽咪唔飲奶茶，否則一定叫佢叫杯熱奶茶試下最後叫左杯木糠布甸，好滑但甜左少少，作為飯後甜品剛剛好其實已經飽飽地，但見到d葡撻又想試下，於是又叫左一件試下，可惜只係暖暖地，熱d會好d，但味道係Ok的總結呢餐好有驚喜，食物都做到色香味俱全，值得一提係服務好好，除左有簡介菜式之外，亦主動向搵唔到紙巾既媽咪遞上餐紙，好細心！