一鳴拉麵

营业中

休息中

因為已經好耐冇食過拉麵 今日黎到大埔搵到附近有間拉麵好似都唔錯於是就黎試下佢店面分開左兩邊 基本上唔會冇位坐拉麵有5款可以簡 其實全部睇落都好吸引 不過見到有芫萎醬拉麵咁特別叫左呢個黎試另外我地仲叫左玉子燒同埋章魚燒黎食 呢到仲有串燒可以叫 不過我地驚食唔晒就冇叫到拉麵上到黎好香芫萎味！我平時都鐘意食芫萎 加埋拉麵正！而且份量岩岩好 係會食完再想食既味道玉子燒係芝士明太子醬 都好好食 蛋好香滑 入面既芝士融融地 加埋明太子醬好match 十分推介 不過價錢就有少少貴 差唔多有一個拉麵既價錢啦章魚燒就比較普通 外皮太腍 入面啲料都唔係話好多 不過價錢就比較便宜 如果大家食完個拉麵都唔夠飽就可以加黎食最黎埋單兩個人淨係叫左一個麵都要200幾 不過都抵食啊今次食呢間係一個新發現 會再黎食！

剛剛琴晚睇到飲食雜誌推介，報道會介紹呢一間大埔一鳴拉麵！「大埔居酒屋食巨型爆芝章魚燒 山咁高摩登燒」！住喺北區嘅我，當然唔輸蝕，今晚即刻嚟試一下呢一間居酒屋龍與鳳！原來呢間拉麵店一直都好受街坊歡迎，近日擴充店面，除咗拉麵，仲有增加咗屋台料理，關東煮、大阪燒、章魚燒等。店鋪裝潢採取一貫日式拉麵店風格，設有十個座位的拉麵吧檯，以及數張二至四人檯。 好，今次嚟到，一定要試咗招牌拉麵先，我地兩個食咗以下食物:黑蒜 鳴叉燒拉麵 $75 我選咗曲麵，曲麵的麵質本來就比較彈牙，黑蒜唔算太重口味，叉燒淋身唔鞋，溏心蛋好吸睛，整體唔錯，合我口味！野菜叉燒炒拉麵 $58呢個炒拉麵，重點都係食個麵，拉麵煙韌彈牙，餡料不少，而且味道夠，十分滋味，我鍾意！本格章魚燒（五粒）$32眼見個個都食新出嘅巨型芝士章魚燒！唔通個個都想食巨型芝士章魚燒咩！，所以我地今次就叫返基本嘅章魚燒，上抬外表金黃渾圓，頗墜手。鋪滿咗燒汁、蛋黃醬和木魚碎，內含章魚粒，口感豐富，可以。燒汁茄子 $22呢個可算是好清淡的茄子，原汁原味只配上蔥花同豉油，清清地都OK。青蘋果白桃乳酸梳打 $26有日本味道！總結一下，大埔難得有一間日式居酒屋小店