甜牙牙

营业中

休息中

小妹同朋友食完LUNCH，甜品癮發作，就同朋友繼續下一餐🤤 本身旺角都好多甜品店，但同朋友一致想法，就決定食呢間😎 餐廳位於旺角，鄰近地鐵站，地理上十分方便快捷，主打甜品，選擇包羅萬有，搞到小妹有選擇困難症😵 有雪糕，心太軟，窩夫及棉棉冰等等…最後小妹同朋友決定叫🙈 抺茶窩夫及朱古力鬆餅，三人份量剛剛好😍👍🏻🍫🥞朱古力鬆餅小妹雖然不是朱古力迷，但呢個鬆餅非常豐富💕 當中有朱古力雪糕、朱古力忌廉、奧利奧餅、棉花塘、曲奇餅碎，加上兩塊鬆餅都好鬆軟，好有蛋味，再配上香濃朱古力忌廉，食到一半小妹覺得好滯好甜🤣但整體算不錯😋🍵🧇抹茶窩夫小妹覺得窩夫絕對係必點之一，本身有諗住點窩夫派對，但驚食唔哂，揀咗份抹茶窩夫🧇 黎到小妹當然唔放過，瘋狂打卡📸 份量多，非常夠食👏🏻 加上窩夫即叫即整，食落口熱熱地及好脆，襯埋微微苦嘅抹茶雪糕同cream，加埋甜甜紅豆蓉，4樣各有特色，同一時間一齊食可以互補不足🤗裝修簡約大方，溫馨舒適，聽住音樂，幾令人放鬆😌 小妹覺得係旺角算係性價比高吖😍下次再嚟試吓其他款式💕

平時行過甜牙牙都好爆場，難得見到今晚有位，加上近排無乜食過甜嘢，一於唔好再諗減肥住，食咗先算🤪打開本Menu，見到各式各樣嘅甜品，有中、西、台式，好難選擇呀😩最終揀咗冰火燉蛋同朱古力鬆餅🥞！冰火燉蛋賣相非常吸引，燉蛋上面有啲芒果肉同埋藍莓，食得出係新鮮水果😍上面仲有啲火焰忌廉加上一層燒焦咗嘅脆糖，配上香滑柔軟嘅燉蛋，真係會溶化人嘅心！甜味適中，又唔會膩😋相比起傳統嘅法式焦糖燉蛋嚟講，唔會太單調！正👍🏻朱古力鬆餅極邪惡，有兩塊厚身嘅梳乎厘班㦸、一個朱古力雪糕球、一塊Oreo餅乾同埋三粒大棉花糖，真係好豐富嘅配搭！梳乎厘班㦸上面仲有啲燒焦咗嘅忌廉，軟熟嘅班㦸加香滑嘅忌廉，入口即溶嘅感覺，配合得天衣無縫🥰加上刺激嘅朱古力雪糕，真係完全滿足我對甜品嘅要求！唯一唔完美就係三粒棉花糖硬咗啲😅👇🏻👇🏻👇🏻👇🏻👇🏻👇🏻甜牙牙真係值得去食，圖片與實物相符，抵讚👍🏻👍🏻👍🏻👍🏻👍🏻

今晚同朋友喺呢條街食完晚飯，但係仲未傾夠喉，又時間尚早，所以就同朋友轉場去食甜品，順便繼續講吓是非，見到呢間甜牙牙個名幾得意，所以就二話不說入去坐低食個甜品慢慢傾。首先我就好欣賞佢嘅Menu，好多都係圖文並茂，印刷亦都好精美，已經感覺到佢係誠意之作。我哋一向好鍾情於台式甜品，所以就揀咗呢個水晶仙草芋圓杯，所謂嘅水晶其實係用寒天做嘅啫喱，而佢嘅芋圓我相信係佢自家製嘅，因為除咗平日食到嘅紫薯味同地瓜味之外，佢仲有綠色嘅綠茶味同埋黑色嘅芝麻味，真係特別又好味！再配埋西米同埋少甜嘅椰汁底，真係好好味呀！另外仲叫咗個朱古力鬆餅，佢嘅鬆餅係即叫即做，所以要等15分鐘先有得食，不過唔緊要，因為我哋都唔趕時間。呢個朱古力鬆餅另外仲配左一球朱古力雪糕、朱古力忌廉、同埋有大大粒嘅棉花糖，真係甜入心呢間甜品店果然唔錯，有機會我都會嚟試吓佢其他嘅甜品！

星期日食完晚飯之後好想食甜品， 走到旺角廣華街3號百利達廣場地下4號舖的甜牙牙， 每次經過都已經好想入去試， 今次終於有時間。 我大約八點半到達甜品舖， 原本想食一款中式甜品但可惜已經買曬了， 所以到最後就點朱古力鬆餅$62， 經典焦糖燉蛋$42。朱古力鬆餅～ 有朱古力雪糕、 朱古力忌廉和棉花糖， 鬆餅質地鬆軟不硬實， 濃郁朱古力香的雪糕和忌廉， 朱古力的滋味，無人不愛。經典焦糖燉蛋～表層微脆，下層輕滑，吃下雙重口感，質感嫩滑。今次食的兩款甜品味道唔錯， 甜牙牙還有很多不同種類的款式， 有機會會再來試下。

又黎呢間甜品舖食甜品啦～之前黎襯都好多人，冇排4、5個字都食唔到，而家疫情既關係真係少左好多人，希望佢地撐到落去啦，今次因為工作關係，OT到咁夜先食到野，當然想叫啲飽肚感既甜品啦～於是我同朋友分別叫左個朱古力鬆餅同抹茶心太軟😍呢度既心太軟依然做得好出色～ 一切開啲抹茶即刻流晒出黎望落好治癒☺️濃濃既抹茶流心，外皮又焗得幾脆～配埋個抹茶雪糕，真係食到好滿足呀🤤之後呢個鬆餅第一次試，都好大份入面夾左軟棉棉既棉花糖～ 鬆餅好鬆化，軟熟，碟上仲有少少花生碎，點埋一齊食就會多左層脆脆既口感😆雖然略為甜了些，但加上朱古力雪糕～中和返個甜度，都幾襯～