李好味 (已結業)

之前外國朋友來港問我中環有邊D餐廳好食，偶然發現到呢間港味十足嘅餐廳，結果自己都忍唔住嚟試！餐廳分上下層，下層飲嘢多，我哋用餐組所以去咗上層，呢度反而更似以前大排檔，連餐具都好懷舊呀～～～乒乓菠 $118呢度Ｄ菜單名都好搞笑，唔睇介紹都唔知係甚麼來的，見到係菠蘿乜乜乜即刻叫，原來係菠蘿包burger，裡面仲有成塊好新鮮好甜嘅菠蘿，同好飽滿嘅漢堡一齊食，就好似廣告咁一咬生果汁肉汁同時爆發，李好味炒飯 $208就咁睇都已經睇得出炒飯包含多種食材：蟹肉﹑蝦﹑帶子，飯粒係比較扁身相對有咬口，炒飯都炒得好乾身唔會漿住曬，加埋適當嘅調味，令海鮮鮮味充分凸顯！老魷鬼鬼 $148每件size製作成一口大細，方便一啖入口，外層炸得夠酥脆，放耐咗都唔會淋曬，裡面釀咗法國魚子醬同墨魚滑，所以口感同一般鬼馬油炸鬼有分別，味道更濃郁。正粉腸。腸粉正 $108腸粉炒過之後依然滑溜，醬汁好均勻咁掛在每一條腸粉上，唔會太油，加埋半熟荷包蛋一齊食口感更加豐富，隻蛋真係錦上添花。扮上菜 $108 用煲上嘅炒菜我都係第一次見，咁反而可以keep得住菜嘅溫度，菜有少少油容易入口亦好夠味，新鮮又爽口唔會變一陀，記得要叫蒜蓉呀。

朋友同我都好鐘意去啲新奇有趣既地方，今日相約左中環食晚飯見呢間幾得意就book左，平時夜晚經過都幾多人去。原來佢有分上下層，我地坐左上層，裝修得好懷舊，似以前啲茶餐廳咁，無論燈飾、一檯一凳、佈置都充滿香港地道特色，幾岩遊客黎...至於香港人就不了，用咁既價錢食我寧願去返真正既茶餐廳，因為正宗，呢到玩味濃，係fusion 睇佢個餐牌見到啲名會笑，啲食字玩得好，不過有時落order少不免有啲尷尬😂研究左餐牌一大輪，我地就各先叫左杯cocktail、兩個big plate耍太極（$128）杯酒比我想像稀，味道甜甜苦苦，酒精濃度一般，好易入口。不過唔明點解叫耍太極嘆茶（$128）杯酒真係用茶杯裝住好得意，酒味濃過耍太極，偏酸，但都飲到少少茶味，幾特別。李小龍蝦（＄２０８）除左小龍蝦之外，仲會配左饅頭。店員介紹白色果兜Mousse係用煉奶打成，筆起一匙羹既Mousse就夠搽係個饅頭到，咁樣食法煉奶唔會太甜，入口即融化既感覺唔會黏黏膩膩，加上饅頭焗得外脆裡面軟林林，口感非常好。至於個小龍蝦，SIZE真係幾少，餐廳會幫你起埋肉，就係殼上既一小片，反轉個殼係乜都冇的，唔知點解咁既擺位會覺得有D唔衛生龍

【半價優惠】經朋友介紹先知道呢個app line up左好多餐廳有d早鳥優惠高達50% off真係好抵食今日黎到呢間玩味性質高既餐廳無論裝修同菜式設計都好香港風叫左一個【李小龍蝦】爽脆龍蝦肉配搭港式辣椒油 茶記黑椒汁以西式擺盤做出中式菜色概念都幾新鮮其他野食就不過不失吧！如果無50% off優惠就有點兒overpriced了