如一

营业中

休息中

今晚同屋企人食生日飯，朋友推介下揀咗「如一」。一行七人，預先已經訂咗以下菜單，包括杏汁花膠白肺湯，欖角骨，蝦乾魚肚浸時蔬，豉油皇海花蝦，薑蔥焗鮑魚煲，粟米斑塊，瑤柱豆苗，焗魚腸同椒鹽白飯魚。餐廳安排咗獨立房俾我哋，坐得舒服啲，亦冇出面咁嘈，方便傾偈。侍應招呼都ok, 有禮貌。可能一早預訂，上菜速度算好快，只係兩個菜就等得比較耐。杏汁花膠白肺湯好正，唔特別鍾意食豬肺嘅我都覺得唔錯。欖角骨，豉油皇海花蝦，焗魚腸整得ok好味。焗鮑魚煲，粟米斑塊同瑤柱豆苗正常發揮。

今日同家人去放完先達放iPhone,睇下附近有咩好野食。見到有人講如一，就過左去食晚餐。上到去點個鐵觀音先再慢慢睇下食咩。點了脆皮燒乳鴿，欖角陳皮蒜子蒸龍躉脊，杏汁花膠白肺湯，芥蘭炒臘味,黃金大蝦。鐵觀音茶味不錯不是茶包而是真係沖。脆皮燒乳鴿-外皮脆口，肉質良好。欖角陳皮蒜子蒸龍躉脊-超級好味，魚肉質鮮肉可口。啖啖肉口感味道都一流。欖角陳皮完美將道菜提昇一個層次。杏汁花膠白肺湯-杏汁味香而滑，足料好味道。芥蘭炒臘味-芥蘭炒得剛剛好，不太油膩，時間火喉都掌握得宜 黃金大蝦-香口脆身而保留到蝦既水份加上蝦新鮮肉質實。靚食材先做到，配合外面黃金香口。