日喜樓 (已結業)

今天嚟到銅鑼灣，朋友帶我去日喜樓食川滬菜，鵝頸橋過完馬路行入登龍街就見到電梯，好易揾。新穎格調的室內設計，讓人有輕鬆舒服嘅感覺，胃口自然大開。朋友是生胴飲食一族，陪佢唔食包唔食餃唔食麵，今餐只吃肉，朋友話呢度有好多菜式都啱佢食。我們叫咗五個菜，杞子花雕醉雞~ 盛載嘅缽子好漂亮，雞件好滑，酒味香濃，愈食愈滋味。大千雞~ 感覺像燻魚嘅做法，雞件炸得香脆可口，醬汁甜甜地辣辣地，非常美味。孜然羊肉~ 我平日少吃羊，但孜然羊一定食，因為孜然這個味道同羊真係好夾，簡直係絕配，師傅炒得啱啱好，羊肉唔會太熟，有口感得嚟唔韌。銀芽炒鱔糊~ 最近想食鱔糊好耐，今日終於有機會，這個菜做出水準，爽口銀芽配嫩滑鱔肉，果真不錯，味道濃得嚟唔會太鹹。黑松露天椒炒蛋~ 這個是呢一餐我最喜歡嘅菜式，只是落咗少少辣椒粒，唔會太辣，香濃嘅黑松露配滑蛋炒菇，堅正！這餐廳有廂房，佈置很優雅，晚一點有客人食百碟宴，見店員不斷送入許多漂亮缽子盛載的菜餚。如果唔夠人多，也會有50碟宴，菜色也大同小異。

精緻中菜@銅鑼灣上海菜嘅涼菜眾多，我至愛係醉雞。呢個杞子花雕醉雞嘅花雕酒香四溢，滲透到每一件雞呀，雞肉都好滑嫩，水準好好 而且杞子鋪排到花形，令賣相更精緻！芙蓉三鮮個名充滿詩意，其實係包含海鮮嘅炒蛋白嚟。三鮮就係蝦仁、帶子同鮑片，份量豐富，蛋白既嫩又吸收咗三鮮嘅鮮味～京燒羊係傳統京菜，而家以新派嘅樣子呈上，唯一不變嘅就係外脆肉軟嗰股經典味道。鍾意羊肉嘅人必試！黃金蝦球包咗層鹹蛋，所以先金黃色嘅外表，鹹蛋固然惹味鹹香，但值得一讚係蝦球無被蓋過，仍然鮮甜爽滑彈牙小籠包係必食 item，呢個日喜灌湯小籠包真係好多湯，成隻好飽滿咁半隻香酥鴨價錢唔貴，鴨肉入味，配咗幾個荷葉夾（就係蒸籠裏嗰幾個似包嘅東西）可以將鴨肉包起食。甜品係可愛嘅南瓜造型，不過內裏犯紫薯餡，所以甜品名稱就叫「吾是南瓜」，哈哈～ 紫薯甜而不膩，都唔錯。

今日中午行到鵝頸橋附近，見有一條街係全部都係食店即管行入去睇吓 行到半路有個侍應好殷勤咁送張宣傳單張埋嚟叫我入去試吓，我睇d嘢食又幾啱食，又見有時間同有d累想坐吓休息吓，就答應左佢 侍應好有禮貌地帶我落到去餐廳埋位坐低，跟住侍應就遞上既先進又環保既平板餐牌俾我睇，我見餐牌內有好多好吸引既食物不過一次試唔晒，只叫左幾款來試，其餘留返之後再試。黑松露煙薰蛋：入口黑松露味好香，蛋白好滑，蛋黃甘香好creamy鐵板蒽爆羊肉：鐵板和羊肉分開上，侍應之後將羊肉倒落鐵板，就刻發出''渣渣'' 聲，羊肉入晒味有返d羊羶味，肉質好嫩，蒽好鮮嫩索晒d汁好入味杞子花雕醉雞：杞子好甜，雞肉好嫩滑，好濃花雕味羅春閣爆汁生煎包：食既時候要小心， 篤穿佢放左d肉汁先食，因為會爆汁而且好熱會燙親，包皮有兩種囗感，一面煎到脆咯咯，一面軟淋淋，好正內裏既肉入口唔肥膩，而且好多肉汁流出，肉汁非常美味呢個真係堅正，而且現在做緊優惠價原價$68(四隻)宜家只需$36好彩今次信左侍應介紹，唔係就錯過左呢間噤正既食店

平時出街食飯通常都係食西餐，偶然都會想食下中餐調劑下嘅🤩講到中餐，我最鍾意嘅莫過於係上海菜🥢而今次嘅選擇就係日喜樓，呢一間前身係主打一百碟京川滬菜😲其實而家都仲有，不過我哋小貓兩隻就食唔到咁多啦。餐廳嘅裝修都好Modern，好舒適，啱晒約朋友嚟食飯🤙🏻先講下d涼菜先，呢個就係黑松露煙燻蛋，濃濃既煙燻味配黑松露係超夾，可能因為係糖心蛋所以會有少少飽肚，下次可以先叫一隻同朋友share先😉最愛既醉雞🐔估唔到份量都ok多😲完全係超抵食，另外雞肉超嫩勁滑，真係唔覺唔覺就食咗好多啦😖🤤有人可能唔知其實賽螃蟹係冇蟹嘅成份㗎，望落去白雪雪以為好普通，但其實全部都係靠蛋白而做到好似蟹肉嘅口感，如果一道好食嘅賽螃蟹係絕對好考廚師嘅功夫‼️結果，我同朋友清晒成碟，我可想而知味道係幾唔錯😂最後就係呢一個松子魚啦，絕無欺場‼️唔知侍應姐姐用左啲咩方法，令到條魚真係做到有火焰嘅效果，真係又睇得又食得🤙🏻 ig story 又得另外，值得一提嘅就係餐廳嘅侍應們都態度好好，超好服務，仲會得閒過嚟問下你食物如何，好有親切嘅感覺💓

早前lunch的時候跟同事來過這裡食飯，覺得食物都不錯，所以今晚相約了朋友再來吃晚飯。餐廳位於商埸的地庫，一落電梯就會見到一幅花牆，感覺很grand，餐廳有圓枱也有梳化位，播著柔和的純音樂。這裡的餐牌是用電子版的，看過餐牌後點了幾款食物試試。杞子花雕醉雞($68)，雞肉嫩滑，有淡淡的花雕酒味！金腿娃娃菜($88)，湯底清甜，娃娃菜吸了湯的味道，加上菜本身的鮮甜，感覺很清新！日喜灌湯小籠包($63)，小籠包的皮不會好厚，包內湯汁都幾多，餡料鮮甜！羅春閣爆汁生煎包($68)，這款是以小鑊仔上的，生煎包非常熱，食的時候要小心被湯汁燙親！生煎包煎得都脆，餡料幾juicy！北京填鴨(半隻)($228)，原來新張期間填鴨做緊七折，所以都幾抵食！這裡怕薄餅凍左唔好食，所以會用爐熱住啲水令蒸氣熱住啲皮唔會變硬！填鴨的皮燒得好脆，肉都幾juicy！再夾上薄餅、青瓜、京蔥同埋烤鴨醬一齊食！總括黎講餐廳裝修被人一種好grand的感覺，食物種類都幾多！下次約多啲人黎試佢個百碟宴先！

這幾天Sogo正在舉辦日本食品展，今天趁著仍是假期的空檔，跟姨姨去Sogo辦貨，我們都買了不少好吃的，相信夠我們一星期吃。之後我們去了V Point的日喜樓吃午餐，這裡環境幽靜寬廣，很適合我們慢慢享受午飯時光。姨姨大讚杞子花雕醉雞擺盤漂亮，花雕香味四溢，笑說光聞這醉雞快要醉了，而且雞肉被花雕浸泡至酒香濃醇，皮滑肉嫩，可謂色香味的涼菜。酸辣海參羹灑上浙醋，一大碗酸辣羹精彩的湯料，海參爽口，木耳，筍絲爽脆，湯羹酸得過癮，辣得順口不刺激，令我們胃口大開。品味皮脆餡多的羅春閣爆汁生煎包時，可先將生煎包夾起，放在湯匙上，接著用筷子夾破一個小洞，讓湯汁流出，嚐嚐裡面鮮美的湯汁，然後在一口咬下，豬肉肉餡飽滿鮮嫩，甘甜味美，使我們愛不惜口。韭黃炒鱔糊讓人不禁口水直流，鱔魚切成細絲狀，再和韭黃以醬油爆炒，熱騰騰的鱔糊香氣勾人饞涎。清甜的韭黃跟嫩彈的鱔魚相互輝映，用來拌飯吃簡直一流。最後我們選擇了豆沙窩餅作為我們的飯後甜品，窩餅金黃酥香的外層份外誘人，內裡的紅豆蓉綿密香甜，吃畢還會感到唇齒留香，豎起大拇指來。

呢日黎左銅鑼灣既中菜館食晚飯，裝修都幾靚幾新，坐得幾舒服，只係冷氣唔太夠～員工服務態度好好，有禮有笑容😊•🐔杞子花雕醉雞（$68）好彩地兩隻都係雞脾位，好香花雕味，雞肉嫩滑，好味😍•🥟灌湯小籠包（$63/ 四件）灌湯都唔錯幾好飲，但肉味唔算太香，個人比較喜歡鼎泰豐既小籠包😋•🐟酸菜斑片（$178）🍚白飯（$15）班片好厚切，連魚皮食唔錯，雖然入面有少少泡椒，但比出面一般食到既酸菜魚唔辣，偏淡口🥬酸菜都係正常味，份量唔算多岩兩個人食～•🍆漁香茄子（$78）呢道茄子好辣🌶超大陣酸醋味😳仲有少少木耳絲，西芹絲，只係肉碎唔算多～————————————（5⭐️滿分，💫為半分）整體環境：⭐️⭐️⭐️⭐️味道：⭐️⭐️⭐️服務：⭐️⭐️⭐️⭐️性價比：⭐️⭐️⭐️💫回頭指數：⭐️⭐️⭐️💫人均消費💰230 （茶芥$12/位、加一）————————————👇🏻歡迎睇更多同類食評👇🏻#fatfatman銅鑼灣#fatfatman中菜————————————📍日喜樓 (銅鑼灣)銅鑼灣登龍街18號V Point B1樓#hkfood #hkfoodie #foodie #openrice #hongkongfoodie #instafood

媽媽岩岩去完外國旅行返黎，就帶佢食返d中菜，揀左銅鑼灣呢間食京滬菜既餐廳，地方好闊落，唔會係酒樓坐到勁迫果d，坐得都幾舒服餸菜既選擇好多，好多野都想試首先就叫左個醉雞，一放低已經聞到好香濃既酒味，但食落去酒味既濃度岩岩好，唔會係浸到苦果d，個酒仲有少少回甘既甜味，雞肉好滑好入味跟住就試酸辣湯，呢度既酸辣湯係加左海參架，味道岩岩好，唔會太酸或太辣跟住就到爆汁生煎包，上菜時店員會溫馨提示我地小心辣咀，所以食果陣真係要好小心裡面果然好多肉汁，外皮又唔會太厚，味道唔錯之後就叫左個茶樹菇金菇上湯浸菜苗，上湯清甜，菜苗唔會煮得太老，配埋上湯清清地幾好味食既中途見到中間果d圓枱，個轉盤有2層，原來係食百碟宴，轉盤擺滿100碟小碟，好靚好吸引，而家新開張預訂仲有85折，儲夠人真係要試下