火間土 (已結業)

同朋友喺尖沙咀行街消費🛍，行到攰，決定搵食🍽。朋友係日本控🇯🇵，咁啱路經北京道一號，醒起有間價錢經濟實惠、環境舒適寬敞、仲有維港海景嘅日本餐廳——「火間土」。唔知係咪因為星期日，我哋又比較夜，所以好好彩唔使等位，不過窗口位就無晒了。為免眼闊肚窄，我哋兩個女仔叫咗三道菜，佢哋嘅份量都幾大。1️⃣ 東京下町名物沙律🥗 ($78)每次嚟，我都一定會叫！裡面有日本脆椰菜、薄脆片、即食炒麵條、紫菜絲等。用料雖然簡單，但味道令人一試難忘。椰菜新鮮清甜，沙律口感清新有層次，醬汁調味一流，酸酸地，叫人食到停唔到口🤤2️⃣ 軟殼蟹沙律卷🍙 ($135)有點失望😓⋯主要係飯出事，無飯香，口感食落似普通白飯，無煙靭口感。軟殼蟹炸得都香脆嘅，蟹籽份量都好足，不過略嫌沙律醬較少，食落比較淡同乾身。3️⃣ 薄餅風燒雞蛋🍳($48)哩個燒雞蛋正！外型似pizza之如亦似日式燒餅，蛋味香濃，口感軟滑，沙律醬令蛋食落更juicy，味道亦好夾，正！尖沙咀食飯，哩個價錢真係好難搵。抵呀！