逸之燒 (已結業)

朋友請食飯，在元朗那麼多餐廳中，選擇了比較少食的串燒店，意外的不錯。午餐時段的關係，人不算多，直接有位不用等。🦑汁燒魷魚筒魷魚爽口及肉質豐厚，食得出夠新鮮，這可選鹽燒或汁燒，汁燒甜酸口味，更加惹味。🍢汁燒免治雞肉棒 & 汁燒豚肉蒜心串雞肉棒是雞肉打碎加有雞軟骨，軟熟中帶一點脆，有驚喜。豚肉蒜心串的豚肉有油脂，燒完香口，加上蒜心的清甜，兩者很配，但蒜心就有一點老，纖維比較多，難咬。兩款醬汁的味道是一樣的，甜甜地，很日式口味。🍲松葉蟹粥性價比高，有蟹的清甜，食到一絲絲的蟹肉，加了蔬菜更加提鮮，一鍋有4-5碗的份量。🍱長崎便當(胡麻冷烏冬、蟹籽沙律、芝麻雞翼、南瓜餅)這是午餐便當盒，烏冬及沙律夠清淡，雞翼及南瓜餅炸的香脆可口。串燒值得再光顧，等晚市可堂食時再來！

去到元朗美食多籮籮！最鐘意四周圍搵嘢食！唔覺意泊車。見到有間門口裝修以木為主題的餐廳寫住逸之燒。見佢幾特別，所以去試試。因為疫情期間，餐廳都有防疫措施。令到客人滿意。店長的服務態度好好。剛好朋友怕熱氣，餐廳除咗燒，還有好多選擇，有火鍋🍲，又有刺身。喜歡刺身的我，當然叫刺身啦！店長推介的活赤貝刺身，意想不到的鮮味，入口爽啲感覺，真令人回味。原本想試試時令魚刺身，但餐館只入咗鱆紅魚，懷著試試的心態，點知口感好正，鮮味，再加上店長推介的醬汁點綴。絕配口感明太子雞翼，外脆內熱，味道剛好。食日本菜當然要飲日本asahi 酒啦！光食刺身，肚子還是未飽，再黎一個松葉蟹粥，個粥等待⌛️時間比較耐，因為現煮，所以耐心等候，好棉、有好多蟹肉、味道不錯👍🏾

這裡食物多款選擇，有串燒、壽司手卷、刺身、日式麵飯、日本壽喜燒....都有！我什麼都想試一試，幾乎每種類都有叫少許！這裡連我最喜愛的鵝肝多士都有～鵝肝未至於外脆內軟熱燙燙，但$38/1件這價錢算還可以了另外松葉蟹粥都有，但味道偏鹹，比較重味，蟹肉都可見不少。雞泡魚乾半份$40有點迷你，不過份量半份都可以試多點其他不同食物啊！比較喜歡汁燒安格斯牛肉串和魷魚筒，牛肉串肉質一點也不靭，口感味道都很好被安排坐在轉角位，路比較窄，有時都會被碰到廁所在店外，亦要鎖匙，出門轉左再轉右，自己找吧！

逸之燒嘅燒蟹蓋同埋壽喜燒遠近馳名，但係在疫情肆虐之下，大家都不應聚集，但和好朋友聚聚，在安全情況下，都想簡簡單單邊食邊傾。 逸之燒雖則是小店，但是店員安排位置都有考量，錯開坐，咁巧今次坐在個屏風側邊，單邊之餘， 旁邊的桌子都沒有人。 沒有見好一排朋友酒量level up了，愛上飲梅酒。店有兩隻梅酒，店員給朋友淺嚐一下帶綠茶的梅酒，不過有點淡， 所以朋友揀了大路帶甜的梅酒300ml，一個人淺酌。 梅香也不錯，不過如果有有帶酸味的就更好了。 食物方面，今次想簡單清淡一點，所以就有蟹粥、 海膽帆立貝、 燒秋葵和蘆筍、 還有鮑魚和鰻魚。有魚有菜啦。馳名蟹粥的確不錯， 放上枱已聞到香味 ，充足嘅蟹肉和蛋黃結合之後非常好味。海膽帆立貝就當然係招牌貨，兩樣嘅結合 冇得輸，水準依然。 一啖食曬佢定分開食幾啖食好呢？我今次結論其實應該分開幾啖食會滋味啲。一啖食曬入口就反而 美國會被大大件凍冰冰的帆立貝阻擋晒海膽嘅鮮味。 所以分開機膽式每一啖都可以食到帆立貝嘅鮮甜加海膽嘅鮮味。燒秋葵比較特別每樣咗一啲魚肉令到秋葵唔會燒完之後乾真真，看落去然脹卜卜。 當晚的蘆筍很嫩口。燒鮑魚味道不錯略嫌汁濃了一點蓋過了鮑魚

元朗南攸街是近年的新興食街, 內街食肆林立, 大都是走平民化路線, 見到網評話呢到D食物質素唔錯, 決定相約好友食好嘢。門口不大唔太起眼, 但木質和麻石設計為主好有天然質感。餐廳雖然主打串燒和日式火鍋, 其實總類都好多, 壽司、刺生、米飯、麵食等等。打開menu樣樣都想叫, 最後連甜品, 共order咗10樣, 可謂十全十美:1. 安格斯牛小排壽喜燒($138)2.吉列蝦芝士反卷($48)         3.黑椒牛脷串燒($36)4.汁燒魷魚筒($82)5.鹽燒豚肉白菇串($26)         6.芝士啡菇($30)7.鹽燒海虎蝦($99)         8.松葉蟹粥($108)10. AFFOGATO($38)總括來講呢到的食物質素唔錯, 包括食材來原和廚工。個人最欣賞係鹽燒海虎蝦, 蝦身足足有手掌咁長, 超大隻, 外殼燒到好脆, 蝦身啖啖肉好鮮嫩, 蝦頭亦好清甜。其次松葉蟹粥大大窩, 而且蟹肉都唔少, 粥底唔太糊入口夾雜淡淡的海水鹹味和蟹肉的清甜味, 真係唔錯。再其次安格斯牛小排壽喜燒, 牛小排雪花均勻薄薄一片入口即溶, 個湯底都好清甜, 如果多D牛排就更好。最後不得不提個

元朗出名多美食就係人都知, 但除左大街大巷出名那幾間餐廳, 其實都有唔少臥虎藏龍既隱世小店係橫街窄巷的, 無恴中比我地發現左一間不錯既日式小店, 環境同格局都好舒服, 睇過下餐牌個價錢又夠大眾化, 就係甘, 我地就入左去試下啦~~~什錦刺身 (2人前)          HK$298食日本野我必點刺身, 唔食過刺身總係覺得自己唔係黎食日本野, 哈哈!! 呢款二人前既什錦刺身包括有磯燒鮑魚, 帶子, 海膽, 三文魚, 池魚, 蝦同吞拿魚, 件件厚切, 肥美又有光澤, 我個人最喜歡蝦刺身, 夠晶瑩剔透, 肉質彈牙又夠鮮味, 超滿足呀~~海葡萄            HK$38源自沖繩既海葡萄, 聽聞營養價值何其高, 有助降低膽固醇同血壓, 食落鹹鹹地卜卜脆, 口感幾特別呀~~芝士啡菇            HK$28大啡菇燒完都唔會太乾身, 加埋芝士燒真係超級邪惡呀~~食落菇身仲好多汁, 非常滋味呀~~鹽燒牛舌       HK$32牛舌較為薄身, 牛味都濃, 係有少少韌啫~~燒廣島蠔      HK$30廣島蠔配合燒汁去燒, 食落除了有蠔既鮮味, 仲好惹味tim~~燒鰻魚串      

日本料理一直係最愛嘅食物之一，諗唔到食咩通常揀日本野都冇錯～今日係元朗猶豫食咩個陣，見到呢間貌似幾吸引，試落果然冇揀錯店面細細，唔熟路真係好易錯過裝修望落乾乾淨淨，座位都幾闊落餐牌成本雜誌咁，選擇困難症都真係揀左輪刺身、鍋物、日本料理樣樣齊，冇影到嘅仲有各種串燒同甜品先黎雜錦刺身，厚切好新鮮，唔同魚有唔同風味。海膽鮮甜就當然，但最突出係鮑魚同蝦，好爽甜魷魚筒爽口得黎唔韌，魷魚鬚有焦香，但燒汁偏甜日本南瓜超級甜，平時叫開蕃薯仔，估唔到南瓜一樣甜，好味大啡菇乾身左少少，但上面嘅芝士好有奶香而且唔膩呢個推薦，牛肉好香牛味，配埋清爽嘅露荀好夾蟹粥比較清淡，但食到蟹嘅鮮甜味，仲有一絲絲蟹肉，幾足料。入面加左野菜增加口感，伴埋蛋食好香好滑，而且份量幾多元朗多左好多特色小店，呢間價錢唔算特別平，但款款質素都唔錯，選擇又多，下次要試試佢嘅壽喜燒，感覺一樣吸引～

今日去到元朗探朋友,友人話帶我去食日式燒烤,梗係一口應承啦。估唔到元朗都有間好有日式裝修感覺,都地方好款趟,有個水吧位，可以望住廚師預備食物。餐牌除了有套餐外,仲有前菜,手卷,刺身,串燒,炭爐燒，一品料理,壽喜燒,涮涮鍋,好多唔同種類。唸咗一會,我和友人叫了很多食物,其中一樣是松葉蟹粥,真是值得推介。好大鍋,好多蟹肉,一絲絲,有葱和紫菜絲,中間有隻雞蛋,樣貌已很吸引。撈勻啲材料一起。個粥底好綿,不是粥水。有好香蟹肉啲鮮味。因粥底夠熱,所以生雞蛋撈勻後,都熟了，好好味嚟到依到,又點樣可以唔叫燒物,叫了數款,~鹽燒豚肉菠蘿串每串有3件,雖然豚肉好似有些肥,但中間夾了菠蘿一起燒,菠蘿吸了豚肉的脂肪,食落唔覺肥,菠蘿的酸酸甜甜,正好中和了豚肉的油膩.赤燒西京燒 可能西京燒啲魚個肉質比較林滑,所以,嚟到嘅買相不是太吸引,但食落好嫩滑,肉質一絲絲,全件都係肉,配埋西京燒汁來吃送飯一流,沾埋沙律醬就唔覺熱氣啦。還有叫了燒油甘魚餃 一碟有兩件魚餃,應該用了些鹽一起燒,肉質較爽,因比較香,食魚餃最開心就是食啲轉彎位,連骨都啜埋,滋味無窮.海鮮叫了兩款,蔬菜類又點可以唔叫,我和友人叫了兩款,汁燒茄子串 這

以大西北來講，元朗向來都係最多覓食的地方，其中雞地的餐廳最為集中。上次經過逸之燒，已經被餐廳的門面深深吸引，富有日式小店的格局。今次再去雞地揾食，同媽媽商量後決定到此餐廳共晉晚餐。餐廳雖然麻雀雖小，但五臟俱全，店內的食物比我想像中多，有壽喜燒，壽司，刺身，手卷，串燒，一品料理，更供應酒精類飲品，並設有Bar枱適合三五知己，結伴成群一起飲酒。如果想食得更豪，餐廳更設有蟹宴套餐，當然亦可以散叫各種美食，豐儉由人。媽媽想食壽喜燒，而我就想食壽司串燒，大家各自點了最想食的美食。蟹柳手卷： 蟹柳鮮甜爽滑，很足料，配搭紫菜及醋飯，食落很滋味。吉列南瓜餅：是廚師現成炸的，南瓜餡配外層吉列脆皮，口感一流！义燒烏冬＋6件壽司昆布湯底清清地又帶海帶味，义燒不肥不膩，烏冬份量足，吃完已經有點飽。壽司6件，上面的魚生都很厚切，最驚喜竟然有海膽，簡宜是超值之選花之戀壽司：魚籽多到滿瀉，外圍包著兩大塊厚切三文魚片，鮮味十足，三文魚控至愛。鹽燒雞翼： 雞皮燒得香脆，雞油味濃，越食越想食多幾隻！松葉蟹粥： 我和媽媽均一致認為是最好味的，蟹肉鮮甜冇雪味，混入粥內更突顯蟹的鮮味，每一淡都是蟹的精華。安格斯牛小排鍋：牛小排

今晚嘗試的這間元朗日式食店, 經常座無虛席, 襯著 今天weekdays 前來一趟。這裡食物有日式涮鍋, 魚生, 燒物, 飯類, 飲品等等, 各式其式。劍魚腩剌身: 一碟4片冰鎮上桌, 魚腩厚身, 冰凍新鮮, 口感肥美。鹽燒牛利串: 薄切燒烤, 口感爽而不韌, 惹味可口。干燒黃花魚半條: 外脆內嫩, 外皮焦香略鹹, 但裡肉鮮甜, 無腥味。海胆炒飯: 炒飯底配料有义燒粒, 雜菜粒加海胆, 熱辣辣, 味道鹹香帶淡淡海胆甘香, 炒飯面鋪上數片海胆剌身, 甘甜味道和黏稠質感在口腔中久久不散, 貪心的我略嫌海胆分量不夠。松葉蟹粥, 蟹粥面層加了一隻生雞蛋, 和鋪滿松葉蟹肉, 賣相吸引。將蛋和蟹肉攪拌後吃, 軟綿粥底加上蛋, 口感十分滑溜; 松葉蟹肉鮮甜肉厚, 蟹粥啖啖都充滿海鮮鮮味, 是今晚我的最愛。最後點了一杯Affogato(意大利文沉浸的意思), 咖啡冷飲及甜品。將一杯Espesso 淋上一球雲尼拿雪糕中, 這甜飲 層次真的很棒, 一口可嘗不同口感, 又冷又熱, 又甜又苦的滋味, 很幸福。