三郎。燒肉

营业中

休息中

今日lunch time 去左位於尖沙咀嘅燒肉店，位置方便，座位寬躺，木系裝修令人感到舒服。分別點左2款lunch set，每款lunch set 都包左沙律同埋茶碗蒸。沙律沙律菜新鮮，清爽又健康。茶碗蒸蒸蛋非常嫩滑，口感極為順滑，仲加入左高湯，香菇等配料。A5和牛&牛舌涮涮鍋御膳 1人前A5和牛和牛舌望落去已經見到非常新鮮，輕輕涮一涮就食得，A5和牛入口溶化，牛舌有微微嚼勁，可以加埋柚子豉油食，提升肉質鮮味。另外仲有雜菜同埋烏冬，烏冬口感煙韌，冬天食涮涮鍋暖笠笠。松葉蟹&海膽甲羅燒石鍋飯御膳松葉蟹和海膽都係本人最鍾意嘅組合，石鍋飯加入咗櫻花蝦，入口非常之香，仲有脆卜卜嘅飯焦，非常香脆。甲羅燒入面有松葉蟹蟹膏、蟹肉、海膽，非常鮮甜。

Lunch set 有沙律、麵豉湯、茶碗蒸、甜品。日本產和牛肩胛肉＆和牛舌涮涮鍋御膳 $298和牛油脂算平均，肉味濃，入口即溶💯牛舌幾爽口👍仲有蔬菜盤同稻庭烏冬，烏冬夠滑又彈牙。好滿足😋松葉蟹＆海膽甲羅燒石鍋飯御膳 $198蟹蓋內有蟹肉蟹膏蟹籽海膽，滿滿鮮味，下面嘅飯，有d似釜飯嘅調味，放咗櫻花蝦，菇同紫菜，用石鍋上，有飯焦，料多好豐富👍店內裝修用木材及水泥磚，雖然簡簡單單，反而感覺好舒服，環境亦闊落。

超高質素和牛午餐定食☺️餐廳嘅裝修好靚，入面有榻榻米房間，裝修超新淨、型格。而且佢哋座位好闊落，坐得好舒服！價錢方面，午餐大約二百幾，性價比高。平日午餐都幾旺場，今日去到嘅時候坐滿左半間餐廳。午餐餐牌選擇好多，跟沙律同茶碗蒸，茶碗蒸入面有少少雞肉同埋蟹肉絲，所以啲汁好鮮甜☺️A5和牛&牛舌涮涮鍋御膳真係超級推介，湯底有昆布，每一片和牛脂肪同肉嘅比例完美，緊實度高。由於脂肪比例高，食嘅時候非常軟嫩，濃郁牛油帶有明顯奶油香，食起來極度夢幻❤️食嘅時候真係淥幾秒就夠，等到佢仲有少少粉紅色咁就最好食😋另外仲有牛舌，牛是相對冇咩脂肪，但係有咬勁， 同樣好香牛味。配雜菜盛、烏冬。手打烏冬做得好好超好食，食完真係好滿足！松葉蟹&海膽甲羅燒石鍋飯御膳呢個用嚟打卡，真係好正😝佢哋個石磨真係好熱食嘅時候要小心啲！將啲飯本身已經有少少調味，上面有櫻花蝦同埋紫菜，格羅燒入面有海膽、蟹膏、蟹籽，混合之後真係好好食。呢個飯嘅精髓係在於有飯焦!!!食到咁上下就可以刮下石鍋邊，成大塊飯焦出咗嚟，而且脆卜卜鹹鹹地，好正！

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻 /5那天和老公到尖沙咀找些新奇的地方醫肚，發現原來在中間道H Zentre開了一間精緻日式餐廳，兩個人又日本癮大發，說時遲那時快，老公雙腳已按奈不住踏進餐廳了⋯ ☺️走木系風的日式精緻裝潢，有吧檯、大廳、小沙發廂座，甚至是大型包廂位置，感覺非常舒適；午餐我們點了涮涮鍋、石鍋飯各一，份量十足，味道亦佳，不得不讚 👍🏻💋 A5和牛&牛舌涮涮鍋御膳 1人前 ($298)對九州牛情有獨鍾的我，知道餐廳採用的是鹿兒島和牛，就毫不猶豫點了A5和牛、牛舌涮涮鍋。端上來是顏色鮮嫩、油花分佈均勻的鹿兒島A5和牛薄片，搭配芝麻醬同吃，更能帶出牛肉的香氣和鮮嫩，肉味香濃又軟滑，入口即溶；而薄切牛舌質感軟腍，沾上醋汁讓味道更昇華，另不得不提蔬菜拼盆種類繁多，非常新鮮，豆腐豆味特別濃郁，配上湯鳥冬，讓人非常滿足👍🏻💋 松葉蟹&海膽甲羅燒石鍋飯御膳 ($198)老公點了食材滿滿的甲羅燒石鍋飯，蟹蓋內是豐富的松葉蟹肉、海膽和魚籽，份量十足，跟櫻花蝦紫菜飯混合起來，滿口盡是濃郁的海鮮滋味，滿足

情人節特登請早一日假，食個高質日本料理慶祝。餐廳店面都好闊落，位置坐得舒服，感覺好乾淨企理，位置方便，就在尖沙咀SOGO隔離。我哋兩人叫了兩個套餐，分別點了松葉蟹&海膽甲羅燒石鍋飯御膳，以及A5和牛涮涮鍋御膳一人前。石鍋飯剛上枱時已夠驚喜，好IG-able！將啲蟹肉同蟹籽都充分攪拌，配上微飯焦，on top 配埋鮮甜嘅海膽，食起嚟味道好濃郁有口感！和牛涮涮鍋都好有份量，牛肩同牛舌好嫩，不愧為A5和牛，油脂香濃，但又唔覺膩。成個set由前菜沙律、蒸蛋、麵鼓湯至甜品都唔少得，食完都好飽足！特別一提佢個蒸蛋，好滑好香！會想再回頭試埋其他未食過的菜式。

# T̴s̴t̴尖沙咀新開燒肉店，環境舒適寬敞，裝修木系風格，有格調又高質，卡位等以木屏風相隔，仲有個榻榻米房，方便一大班朋友聚餐。燒肉店加入Omakase概念，推出不同燒肉套餐，唔單止可以食到唔同部位嘅日本和牛、刺身、時令海鮮、前菜、甜品等等，仲有專人幫手燒肉。餐廳會供應四款日本和牛：姬路牛、佐賀牛、宮崎牛，同鹿兒島牛。今次試左:✨ 松葉蟹&海膽甲羅燒石鍋飯御膳HKD 198 個飯上碟好精緻，包括一個沙律🥗，蟹肉蒸蛋及麵豉湯。甲羅燒上面充滿蟹子，海膽同蟹肉，入面仲充滿蟹膏，就咁食已經覺得海膽好鮮甜，當個石窩飯差唔多嘅時候，撈埋啲飯焦一齊食，非常滿足。 隨餐仲有一個芋頭甜品，細細件唔會感覺好油膩，呢個價錢但個飯材料比足，絕不吝嗇，CP值都幾高。✨ 棉花糖壽喜燒套餐HKD258棉花糖同壽喜燒既驚喜配搭，套餐選用A5和牛，熱力用棉花糖不斷溶化，令壽喜燒湯底加左分甜味，和牛完美吸收湯中精華，每啖牛加上蛋汁，入口即溶，令味道更添層次。每份和牛大概4-5塊份量剛好，隨餐仲有一份蔬菜，豆腐同啲娃娃菜浸埋落d湯度超級鮮甜🧡每份套餐都有不同配搭，包括有丼飯，燒肉任君選擇，地點方面，尖東站K岀口走路不足1分鐘