影片
更多
2023-01-30
580 浏览
放假去咗圓方睇戲，商場係有好多餐廳，不過就冇乜邊間特別想食。買完戲飛見到隔離有間餐廳排晒隊，店名叫「Alimente」，原來同戲院係合作夥伴🎬，提供唔少優惠。呢度設有堂食座位，不過客人要先到收銀處點餐，但落單後係有店員幫忙送餐的。餐廳服務無得頂💯，每一位店員都好有禮貌，態度直頭係專業。例如收銀店員會細心介紹優惠，座位區嗰邊就主動收拾同執位上菜，關心客人需要，並且好友善咁傾吓傾。留意番，餐廳不設服務費！餐廳定價喺呢個商場來講，絕對算係性價比高。主菜平均都係百幾蚊就有交易🍽，晚市加$30可升級做套餐。香茅春雞配烤菜及薯蓉($128)，🐔春雞的確唔大隻，不過都幾好肉，對得住個價錢。雞肉肉質唔嚡，並散發出微微香茅香，另外亦可沾燒汁。伴菜方面亦唔失色，🥔薯蓉份量多，口感綿滑；而烤菜亦夠多款式，有三色椒、茄子、蕃茄仔同露筍等。海鮮冬陰蕃茄意粉($128)，🍝意粉新鮮熱辣炒起，麵條幾彈牙，海鮮方面都足，包括有青口、蝦、魚柳同魷魚等。但醬汁就有啲不似預期，因為蕃茄味太突出🍅，蓋過冬陰公香，只得辛辣。香辣雞翼($48)，雞翼一客有五隻🍗，口味有少少似水牛城酸辣風🌶，所以食落都幾開胃。雖然雞翼炸皮淋上醬汁
放假去咗圓方睇戲，商場係有好多餐廳，不過就冇乜邊間特別想食。買完戲飛見到隔離有間餐廳排晒隊，店名叫「Alimente」，原來同戲院係合作夥伴🎬，提供唔少優惠。
呢度設有堂食座位，不過客人要先到收銀處點餐，但落單後係有店員幫忙送餐的。餐廳服務無得頂💯，每一位店員都好有禮貌，態度直頭係專業。例如收銀店員會細心介紹優惠，座位區嗰邊就主動收拾同執位上菜，關心客人需要，並且好友善咁傾吓傾。留意番，餐廳不設服務費！
餐廳定價喺呢個商場來講，絕對算係性價比高。主菜平均都係百幾蚊就有交易🍽，晚市加$30可升級做套餐。
香茅春雞配烤菜及薯蓉
$128
15 浏览
0 赞好
0 留言
香茅春雞配烤菜及薯蓉($128)，🐔春雞的確唔大隻，不過都幾好肉，對得住個價錢。雞肉肉質唔嚡，並散發出微微香茅香，另外亦可沾燒汁。伴菜方面亦唔失色，🥔薯蓉份量多，口感綿滑；而烤菜亦夠多款式，有三色椒、茄子、蕃茄仔同露筍等。
海鮮冬陰蕃茄意粉($128)，🍝意粉新鮮熱辣炒起，麵條幾彈牙，海鮮方面都足，包括有青口、蝦、魚柳同魷魚等。但醬汁就有啲不似預期，因為蕃茄味太突出🍅，蓋過冬陰公香，只得辛辣。
香辣雞翼
$48
7 浏览
0 赞好
0 留言
套餐包餐湯或沙律以及飲品，🥗田園沙律菜幾新鮮，酸汁唔會過火。我鍾意佢有粟米，甜甜哋；而青瓜就好爽脆。
是日餐湯呈綠色，我估係西蘭花菜湯🥦，雖然未到好濃稠，但菜味都算顯著。另外仲附送一塊餐包。
果茶
10 浏览
0 赞好
0 留言
朱古力布朗里
$42
4 浏览
0 赞好
0 留言
講返餐飲優惠，憑即日戲票可享套餐85折或免費升級做套餐🈹。就算唔睇戲，晚市嗌主菜套餐亦可享一份意粉/飯餐半價。點樣最抵食？可以直接問店員🤣，佢哋好好人、樂意解答。
總括嚟講，呢間係圓方睇戲必食嘅餐廳🍽，除咗有優惠同抵食之外，食物味道其實都唔差，環境亦不過不失。最後，我從多方面都感覺到餐廳用心經營，係值得支持嘅💪。
张贴
