串カツ専門店

营业中

休息中

朋友想食炸串，睇完openrice於是就揀咗呢間入去前會量體溫，提供消毒搓手淚同口罩袋每張枱之間仲會有塊膠板隔住嘢飲太多款揀，所以我地tick咗一堆炸嘢先同埋侍應會介紹一下黑板寫嘅是日精選（？），感覺唔錯～麒麟有好多味，兩個朋友第一round都飲麒麟，一個揀蜜糖味（左邊，甜甜地幾好味），一個揀橙皮味（右邊，冇咩橙皮味）最頂唔係啤酒泡，係啤酒沙冰！！！好正我地笑問有冇得叫成杯都係啤酒沙冰，其中一個日本女侍應用廣東話覆：可以呀～幽默感一百分而我就揀咗Orion 沖繩啤酒（大）炸串全部都好食！我地揀咗：特選牛北海道熏肉牛腸（有啲肥）蘆筍沙椎魚帆立貝（推薦）蟹肉（係原隻蟹腳！！超正）日本年糕獅子狗伴明太子八爪魚丸日本雞蛋豬肉卷呢間嘅炸串真係好食，炸漿唔厚侍應上炸串嗰陣仲會再講一次每舊係咩會跟一堆椰菜，食完熱氣嘢食返啲菜fresh啲（張相冇蟹肉，第2round食到唔記得影相）炸雞軟骨，唔錯，餸啤酒幾好黑板上寫嘅叉燒！我地係聽到另一枱講話好食，於是我地都嗌真係好食！！醬汁甜甜地，加少少黃芥末好爽板魚蛋，左邊堆醬似係有wasabi,辣辣地，幾特別見到隔離枱食明太子芝士玉子燒，但其中一個朋友唔食明太子

聖誕節將於日本與家人渡過，出門前就先同甜心兒預祝一番。原本訂咗位去烚吓烚吓，點知同火鍋店訂錯日子，唯有急忙搵新地方啦… 哈，就咁就俾兩口子執到寶，誤打誤撞上咗去一家隱世炸串屋「串カツ専門店 JunG39 JAPAN」。小店藏於一幢銅鑼灣商廈內，據悉只開晚市，但就開到成凌晨四點，七點未到已坐滿食客。廚師清一色為日本人，就連顧客八、九成都講緊日文，坐吧位o既食客個個都同班師傅有講有笑，氣氛真係好好！細佬啲日文真係有限公司架，幸好樓面有位土生土長o既妹妹仔幫忙翻譯，自己先冇出太多洋相。四周可見不少傳統及可愛o既和風小擺設。二人被安排入座牆邊o既散座，小肥只見到牆上o既螢光幕顯示出店內所播放著o既流行曲目，情人唔提真係冇留意到每張木造餐桌都刻有餐店個名「JunG39 JAPAN」。桌上有齊備o既餐具。亦有多款調味醬油、紙巾及多雙公筷。飲品牌共有六頁之多。因晚餐有意食香口炸物為主，結果就揀咗飲沖繩大啤。兩頁食物點菜紙有齊日、中、英對照。店主推介及節令食品就要睇只有中日對照o既黑板。鮟鱇魚肝（$48）：好耐冇食過o既鮟鱇魚肝香濃軟潤，送酒一流！鹽辛魷魚（$38）：魷魚仔前菜滑嘟嘟，咸得黎又唔會過火

※本文以用餐當日的環境、服務和食物質素為準，口味亦因人而異，文章只作參考之用。-香港真係一個美食天堂，想食邊國菜式都不愁無得選擇，銅鑼灣更係眾多餐廳既集中地，包括呢間專食大阪炸串的JunG39。餐廳的裝潢好似日式居酒屋，燈光較為昏暗；店內有唔少啤酒同焼酎選擇，放工後黎小喝一番食返幾枝炸串都唔錯！店內大部分都係日本人，連客人都有好多係日本人 (當日不停聽到客人說日文)，亦都有識講廣東話的店員，店員態度很親切，完全不用擔心溝通上問題。餐牌有兩頁，一頁係各款炸串既餐牌，另一份有齊沙律、小食、炸物、食事和甜品等。先來一杯夏日冰涼感既Frozen Beef $68、烏龍茶 （忘記價錢），啤酒是男人點的，上層的泡泡好似雪糕，賣相可愛！啤酒除左原味，仲有百香果、西柚和藍橙皮等果味可選擇。先來一客送酒枝豆 $38大陂傳統料理土手煮 $38當日係面豉牛筋，牛筋燘得夠腍，搭配面豉醬順滑惹味，當中的蒟蒻質感爽口，男人話配白飯一流！和牛卡爾帕喬 $118用上高質既鹿兒島A4和牛，肉質入口軟滑肉味濃，仲搭配左醒胃黑醋、橄欖油同忌廉芝士，食落更加滋味。餐廳出名日本炸串，有多款唔同炸串可以選擇，我地揀左五花肉、特選