小火焰韓式咖啡廳 (觀點中心) (已結業)

假日約朋友去咗觀塘依間韓式餐廳食飯，餐廳座位寬敞，環境舒適，我哋點咗一個主食、炸雞同兩個小食。-柚子明蝦水冷麵（$88）水冷麵選用蘿蔔味湯底，裏面除咗有鮮甜嘅大蝦，仲有切絲青瓜、蘿蔔等雜菜，麵底食落冰涼爽口，加上少許柚子，甜甜酸酸，令到整體好fresh。-芝味炸雞（$178一份/$98半份）炸雞外脆內充滿肉汁，佢除咗有芝士醬，仲落咗好多芝士粉，份量都好多，我哋叫咗半份都好夠食。-炸紫菜卷（$38）紫菜卷外皮好鬆脆，入面包住粉絲，係可口嘅輕量小食。-羽衣甘藍特色菜餅（$68）菜餅好香泡菜味，薄薄地嘅煎餅，上面放咗幾片泡菜，少少辣，好醒胃。

限及在限聚令之前食到小火焰。觀塘工廈雖然蘊藏好東西，但是正豆嘅韓國餐廳真是數目有限。酥脆芝士磨茹雞翼：識揀，一定揀呢個，係抵叫抵食嘅小食。咬開之後，還見到芝士是半融化的狀態，跟鮮嫩肉質混和一齊，食到心都被融化了 <3 Oreo 黑松露3.6牛乳雪糕🍦 松露味道都幾重，入口的鹹/濃味實在有別於一般雪糕，新穎～但口味就因人而異。最後，我不停說服自己：「好似海鹽雪糕啫～」才接受和理解到這一份「鹹」。另外有不少脆脆，但不是Oreo碎碎～至於Oreo，只係有兩塊餅仔「掛個名」，跟整體雪糕口感無咩關係。這個有丁點失望。蜂蜜提子脆米炸雞（半份）：本住唔伏唔食嘅精神就叫黎食。不過，加提子乾乾落炸雞🍗之中，不好以為提子乾只是外加的Addition。一咬入口，提子乾的味道已滲了入脆皮。蟹子玉子蛋：基本上組成嘅食材都各自好美味、拼埋就只會更加好食👍🏻😋 surprisingly 玉子卷中包了飯粒～ 所以成碟都飽肚ga ~ 3人或以上可能好啲🧍‍♂️🧍🏼🧍‍♀️柚子明蝦水冷麵：雖然柚子和冷麵之間沒有完美地調和，各自為政，不過清新消暑，配搭熱氣嘅炸雞食，就可以一清一濃夾埋。而且份量是好足夠，可以當做二人的

幾年前已經想食小火焰！估唔到幾年後依然咁受歡迎！星期五晚既小火焰真係超多人 建議大家預早拎飛溶岩芝士炸雞麵包 $148果然係呃like之選 農夫包裝滿半融芝士 芝士面層烘得金黃 將炸雞浸落芝士之中再拉起 輕易做岀拉絲效果炸雞即叫即炸熱辣辣 外皮炸得幾脆 肉質嫩滑帶肉汁 略嫌炸皮厚左小小溶岩芝士唔係走鹹香路線 反而比較重忌廉味 仲可以切開農夫包 沾滿芝士一齊食 農夫包質地比較紥實 食完超飽肚個人超鍾意旁邊好濃芝士香既墨西哥粟米脆片柚子明蝦水冷麵 $88大熱天時最好食個水冷麵 清涼又消膩水冷麵質地彈牙 當中加有爽口唔少青瓜同蘿蔔絲 蝦肉鮮甜彈牙 如果有多幾隻就好啦蘿蔔味湯底清甜 偶爾咬到柚子 酸酸地幾清新開胃卡邦尼年糕 $78雖然其貌不揚 但係食落又幾唔錯拌勻蛋黃後 本身較為稀身既卡邦尼醬汁會變得較濃郁creamy 好香忌廉味 但又唔會太膩配上鹹香煙肉同磨菇 味道層次豐富 重口味人士表示調味再重啲就正松露曲奇脆脆3.6牛乳雪花冰 $58一入口個下真係好衝擊！雪糕好濃松露味 初初唔係太接受到 但係加埋底下既3.6牛乳雪花冰味道無咁突岀 甜甜地帶啲松露味 估唔到又幾夾 雪花冰好綿無冰感 濃郁牛

果然係星期五晚，望一望鐘先六點，就已經要排隊有部超智能自助拎飛機! 唔洗搵侍應搵餐死等到悶悶地，仲有個玻璃窗櫃可以睇下公仔一坐低睇餐牌，真係花多眼亂邊個話韓國菜淨係食午餐肉粉絲撈埋嘅部隊鍋溶岩芝士炸雞麵包menu寫住呃like首選， 當然要叫一叫一上枱，麵包裝住嘅芝士濃汁香氣撲鼻混埋隔離炸雞熱騰騰飄住惹味炸物香口水流到落地下，雞塊有啲貌似忌廉汁響面最爽YY嘅時刻就係將舊雞隊入啲芝士入面炸油新鮮，雞件嫩滑，好好食旁邊仲有啲doritos咁，可以點芝士汁食蜂蜜提子脆米炸雞(半份)呢個不得了，同芝士炸雞係兩種唔同嘅惹味蜜糖汁全方位黏實件雞，灑上咗啲脆脆米，下面有提子乾粒蜜糖雞有幾好食唔多講，咬咬下丟幾粒提子乾入口，加多咗點酸甜味混和又係夾到O曬嘴呢塊設計有點老土嘅野，係餐廳貼心附送嘅膠手套黎柚子明蝦水冷麵韓式嘅水冷麵，通常加上土豆澱粉混合搓成入面爽滑，彈牙，伴有冰湯沁人心脾而呢個就有埋少許柚子粒，令冰湯不至過於淡而無味個人幾鍾意，食完炸雞，啜一撮冷麵入口係爽嘅草莓3.6牛乳雪花冰同朋友SHARE一個雪花冰，因為佢份量都唔少!韓國雪花冰嗰種特有嘅綿滑同香濃奶香真係幾飽都忍唔住一啖接一啖士多啤梨

放工後當然係要同朋友一齊食晚餐傾吓傾，釋放下返工嘅壓力🤣 觀塘都多野食揀，但今次就揀咗食韓國野🤤 小火焰餐廳嘅環境唔錯，電視會loop 住k-pop嘅歌～ 即刻諗返起以前追星嘅日子😂🔸炸紫菜卷🔸$32呢個係我去韓國一定會食！紫菜包住粉絲再拎去炸，外面炸得脆卜卜🧡小食必試！🤤🔸涼伴海帶🔸$22食韓國野感覺總要叫下前菜😂呢個涼伴海帶少少辣，海帶腍腍地咸咸地幾開胃。🔸芝士海鮮菜餅🔸$68芝士海鮮菜餅嚟到嘅時候熱辣辣😋芝士份量都幾多，同海鮮配料痴埋一齊🤣啖啖都有芝士味，我自己就鍾意加埋泡菜一齊食，餅底就煙煙韌韌甜甜哋，個人嚟講我都幾鍾意食呢個！🔸蜂蜜提子脆米炸雞（半份）🔸$88蜂蜜味炸雞真係無得頂🥺甜得嚟脆卜卜，雞裡面仲juicy 嘅，雞肉唔會乾同嚡。加埋提子食口感更加豐富！亦都有比埋手套你！🔸柚子明蝦水冷麵🔸$88水冷麵2個人share都可以！嚟嘅時候我估麵應該己經剪咗，因為唔會好長好難夾。麵就比較腍少少如果彈性多啲就好了，冷湯少少酸甜，仲有柚子食，食完好舒服！🔸凍岩鹽焦糖咖啡🔸$34朋友叫咗呢杯咖啡，飲落味有啲似mocha ，甜甜哋但有咖啡香～🔸蜜瓜沙冰🔸$46密瓜沙冰比想像中大杯😂3粒密

放工同朋友去屋企附近嘅餐廳聚一聚，突然好想食韓國野就決定試下呢間。我同朋友兩個人，計埋飲品甜品叫咗8樣野。炸紫菜卷$32 - 外面炸得夠脆，唔會淋。入面係粉絲，味道唔錯。涼伴海帶$22 - 好少嘅辣，幾開胃。蜂蜜提子脆米炸雞(半份)$88 - 呢款炸雞係有驚喜嘅，聞落已經好香蜂蜜味。食落甜甜地，加上炸粉唔厚又有肉汁，好滿意。芝士海鮮菜餅$68 - 比想像中細，但海鮮料都足。柚子明蝦水冷麵$88 - 份量都幾大，有三隻蝦，肉質彈牙，麵質偏淋。蜜瓜沙冰$46 - 好大杯！味道清甜，唔錯。岩鹽焦糖咖啡$34 - 較適合鍾意偏苦咖啡嘅朋友糯米糍 3.6牛奶乳雪花冰$58 - 呢個價錢好 抵食，中間有煉奶，但係唔會太甜。最鍾意係佢個糯米糍，個皮夠煙韌入面包住mousse。兩個人叫咗咁多樣野係勉強食得曬，如果食量較大嘅朋友可能要叫多啲飽肚野！其實佢有二人餐/四人餐係抵食嘅，不過我地想食其他野所以散叫食物。整體上味道唔錯，會再幫襯。

呢間小火焰係觀塘一直都好紅，晚飯時段次次都要等位，今次7點左右就到終於可以試到！Menu超級多選擇，有得散叫有得叫set，我哋就叫咗明洞二人套餐，叫餐扺食好多😋有成4樣野食，仲有甜品同飲品！🥗薄烤牛肉野菌沙律有溫泉蛋同烤得好香嘅牛肉，作為前菜非常開胃！🍖黑醋烤韓國豬肉餅4件豬肉餅，肉質軟熟，加上韓式燒汁🍲迷你滷豬手粉絲鍋超好味嘅粉絲鍋！好多豬手，加上個湯好好味，粉絲吸晒啲精華超惹味。🍜柚子明蝦水冷麵食韓國野我就最鍾意食水冷麵，夠晒清新唔heavy，呢度嘅水冷面上菜時夠晒冰，湯底亦好夠味，蝦同柚子嘅配搭真係啱晒呢啲濕熱嘅天氣！🍵熱蜂蜜柚子茶埋單只係3百頭，就可以試到咁多味韓國菜，性價比極高，而且仲有得join會員，成日食嘅朋友就記得要join喇