泰仔美食

营业中

休息中

因為上網見到要排隊，所以星期五一放工就9秒9衝黎呢度，去到大概7pm左右，好彩唔洗排隊，當時餐廳亦只係7成滿（不過眨眼間就坐滿）。點菜之後，首先上檯嘅當然係飲品，我地叫左：-青檸梳打-龍眼冰不過唔記得影相。青檸梳打有點太酸，而且用嘅係青色檸檬而唔係青檸囉，對於極喜歡青檸嘅我真係有D失望...龍眼冰OK，正常質素。泰式飛天通菜怕辣的我覺得有D太辣，但男朋友覺得剛剛好，佢話好好味。泰式生蝦男朋友好驚訝我會食赤海蝦壽司但係唔敢食泰式生蝦（我都唔知點解），之前只會睇住朋友食泰式生蝦，自己唔食。呢次係我第一次嘗試，感覺就好似食無點豉油嘅辣味赤海蝦咁，比起之前睇人食果D，呢間D生蝦大隻好多👍，而且好新鮮👍，但一定要點辣汁（怕辣都要點），隻汁真係好味（同埋唔點的話會太淡口）。柚子沙律全餐飯裡面嘅我的最愛！❤️（我估唔少女仔都鍾意D口味清新同少油嘅野）個汁好好味，大蝦應該係同泰式生蝦同款嘅蝦，加上花生、炸蒜、類似櫻花蝦嘅蝦米仔，真係超級好食！後來我再去其他餐廳食，都食唔返咁好味㗎啦⋯接住落黎呢兩道餸嘅製作時間都頗為長，所以最好一坐低喺餐廳就即刻叫定先。鹽燒鰂魚魚皮上鋪滿鹽粒，夾魚食嘅時候好容易唔小心食到

今次係第二次光顧位於九龍城既泰仔美食，亦係今年既第二次光顧，因為好掛住佢既柚子沙律同鹽燒魚。星期五既晚上少不免要等一等位，好彩唔係等好耐。兩個人一坐底二話不說就先叫柚子沙律同燒魚，今日無晒盲曹，所以試下鰂魚，同埋上次見到好多人ORDER燒雞翼，上次隔離果檯一個人先嚟開檯一坐底就ORDER咗成打燒雞翼，我聽到都打個突，之後見到香噴噴既燒雞翼就決定下次嚟一定要ORDER ，所以今次先ORDER兩隻燒雞翼。柚子沙律既靈魂係個沙律汁，超正~  柚子好飽滿多汁又夠甜，加埋三隻大蝦，有脆花生，炸蒜...... 一定要撈埋D汁一齊食 ! 食晒後.....唔夠喉又再ORDER多一碟，這碟是ENCORE的依樹既沙冰都好好飲，西瓜沙冰同芒果沙冰，唔會淡茂茂，好夠原味!炒通菜，依然嫰綠，味道適中第一輪燒雞翼嚟啦  ，睇見已經流晒口水真係另舍不同，點解我去BBQ自己燒唔到咁靚咁香口?    真係皮脆肉嫰，食咗幾啖已經舉手再落單要多兩隻 !食到中段，店主奉送甜品 ... 椰子糕鹽燒鰂魚 這兒會用香料放入魚肚位擗鯹，又可以增添風味相對我較喜歡盲曹，覺得滑一點，但這個鰂魚也很不錯，完全唔會鞋烚烚第二輪的燒雞翼

一講起九龍城，第一時間諗起泰國嘢！但由於泰國餐廳太多，其實一下子都唔知揀邊間好⋯途經九龍城南角道見到有間餐廳特別多人等位喎!！多人等位實冇伏啦！結果連店名都未望真，好啦！就等呢一間！想當隨心～等咗10分鐘左右，有位入得！非常好～安排座位嗰個男人唔知係咪老細呢，相當nice,笑容滿面，未食都已經加分啦。店內其實不算大，但坐滿客人！場上都貼滿食物嘅相片，未睇餐牌之前，其實都可以睇住相先～餐牌到手先知原來呢間叫「泰仔美食」，哈哈，通常用泰妹多，泰仔真係第一次見！乜泰仔唔係打開泰拳嘅咩？識煮嘢食？^^兩丁友一定食唔到多嘢，唯有精揀啲啦。一定要食生蝦啦，每次必叫！香葉肉碎飯、柚子沙律、三味烏頭，加多杯芒果沙冰就夠喇！首先嚟到嘅係生蝦！嘩，一碟有六隻，而且隻隻都好肥美！用生蝦沾沾泰式辣醬再食，嘩～好新鮮，肉質仲好彈添！加上辣醬嘅刺激，好味！柚子沙律，睇得出師傅好細心，將柚子剝皮，再一分3至4件上，唔會散到一粒粒，件上口感更豐富，啖啖肉嘅滋味好實在。已焯熟嘅蝦肉去殻都幾大隻，仲有一片片炸香嘅紅蔥頭片，口感好得意，甜甜地，幾好味喎！醬汁酸酸甜甜，唔辣嘅。香葉肉碎飯要咗牛肉，呢個炒飯相當正宗，同去泰國食