629雞蛋仔

营业中

休息中

朋友介紹-最港最好食雞蛋仔，格仔餅去開新浦崗見客，順便黎潮聖下但一個人，唯有試左個格仔餅先食完真係有啲後悔，飽到痴哂線下次要搵人分甘同味第一次見錦厚既格仔餅，你感覺會係食緊漢堡包既size裏面超足料，不hea你外皮蛋漿好香蛋味，新鮮出爐，熱辣辣不過佢係偏脆個款，我個人就覺得佢脆得濟，無左內裏軟糯既口感，係扣分位但佢個份量就係超級勁，講真我都算大食，但係食到一半，已經想投降加上佢既餡料係多，甜到漏只可以講，又一巨大化之選下次去試雞蛋仔

🇭🇰 629雞蛋仔·呢條路我地已經行過幾次架啦 因為佢好方便 係市區開始行 而且都幾易行 就算天氣唔係特別好都可以😎係彩虹站出一路沿住斜路上德望學校 就可以係飛鵝山道開始啦😎😎個零鐘鬆啲就可以上到山頂 而且係山頂睇日落超靚🌄·格仔餅$23上次我哋喺呢間食左佢地個雞蛋仔覺得幾好食 所以今次就試埋佢個格仔餅啦😎佢個格仔餅真係超厚 蛋味幾濃 而且好多醬 不過我覺得佢嘅煉奶比例比較多 所以食落比較漏 食咗半個已經超飽 唔洗再食其他野😂😂·📍新蒲崗康強街28號康景商場地下28J舖·#rbyeat #rby好去處#rbybakery #rby港式#rby新蒲崗

一直都知道新蒲崗有間格仔餅好出名，有一次經過見到好多人排隊所以無買。呢次經過見到得一個人等緊就走埋去買。格仔餅同雞蛋仔我到好鍾意，諗咗好耐最後決定試下原味嘅格仔餅先。$22一份，即叫即做，所以要慢慢等。等左差唔多10分鐘就有啦，個餅好厚好香蛋同埋牛油香，裡面既醬料望落唔多，一啖咬落去差d咬唔曬個兩層餅🤣雖然望落唔到醬，但係甜度同味道都係啱啱好，真係好好食，可惜呢d嘢擺耐咗通常就冇咁好食，所以我就一個人當刻食晒成份，好飽呀😂

今次係我第二次光顧，呢間小店喺新蒲崗非常出名，兩次去都要排長龍先可以食到，啲人成日話呢度嘅老闆好串，但係我就覺得呢度嘅老闆只不過係對自己嘅食物有份執着同認真。食咗兩次，我都係比較鍾意食佢嘅格仔餅🧇，呢度嘅格仔餅非常厚身，係比平時喺甜品舖食到嘅窩夫更厚身！格仔餅厚身得嚟，仲保留左雞蛋仔嗰種帶少許煙韌嘅蛋糕口感，表面烤得香脆，再加埋爆醫生生醬🥜、煉奶🍼、黃糖🍯同埋牛油🧈（邪惡組合），真係少啲定力都唔得（會想encore🙉）。另外老闆見我哋係兩個人，所以會好細心咁樣將個格仔餅cut開兩份，方便我哋share食。而且呢度就算再忙再多人排隊都一定係即叫即整，最新鮮最熱辣辣咁比客人食。其實除咗原味仲有好多唔同嘅口味，譬如話金莎朱古力、芝麻同烏龍茶等，老闆亦都話會定期轉下新口味，如果行開新蒲崗，真係要嚟試一試！

即叫即製新鮮雞蛋仔格仔餅佢唔算平但食得出用心製作的高質值得等值得俾多幾蚊去支持原味雞蛋仔 | $17蛋味香濃 外面超脆裡面餡料軟棉絕對係數一數二出色的雞蛋仔烏龍茶雞蛋仔 | $22喜歡茶味的朋友必試❗️極香濃的烏龍茶味 未食已經聞到食落味道更出 好出色🤩原味格仔餅 | $20係超級厚身的格仔餅😈 做得勁脆❗️配上牛油、花生醬、煉奶、砂糖配料份量剛好 甜度剛剛好唯獨係花生醬比較少唔夠香濃但畢竟都係味道上的襯托格仔餅本身才是精髓

上一次已食過呢間啲雞蛋仔，食原味，唔錯，外脆內軟熟，冇試其他味，覺得攪太多花臣反而影響味道，不過上次冇影相同寫食評。今次試特厚格仔餅，真係夠厚，外脆內軟，我走沙糖食，食完都好滿足，住開新蒲崗果頭得閒可以去試下