福元湯圓

营业中

休息中

呢間糖水舖一向都係街坊之間好出名架喇，但可能其他地區嘅人未必知我係食完佢地最出名個湯丸之後，覺得真係驚為天人，所以先想推介比大家我同朋友們係大約八點半左右去到，個場都已經爆爆地但好好彩我地一去就有人走，所以先唔洗等太耐我叫左個桂花酒釀湯圓，有芝麻同花生湯丸揀，我揀左花生湯丸。個糖水一黎到已經見到d湯丸粒粒都好大粒，而且糖水聞落好香一黎到已經見到d湯丸好大粒個桂花酒釀好香桂花味，而且甜得黎佢唔係死甜果隻味，感覺好滋潤養生個花生湯圓一咬開係爆餡！而且d花生應該係自己炒完磨嘅，所以同出面食果d好唔同，寧舍香同埋濃花生味仲有佢個皮真係超好食，勁煙韌，但又唔會咬得好辛苦果隻，係軟熟得黎有咬口嘅感覺爆餡花生湯圓我係食呢間之前未諗過原來湯圓都可以咁好食，30蚊真係超值！

經過炮台山,見到福元湯圓係網上見人地不停推介,一心走去食叫左黑芝麻湯丸湯丸一共五粒,size都算大輕輕一咬啲芝麻就流哂出黎差啲影唔切相呀!味道方面啲湯係薑糖水,薑唔算話好濃,如果可以濃啲就正,佢應該加左唔少糖水,所以甜味較重湯丸唔差既,皮唔算好粉好厚,入面既料都算多但真係好普通既一粒湯丸,冇咩特別普通到猶如自己屋企都可以煮到既湯丸咁,試一次就夠另外仲叫左個桂花酒釀湯圓本身對桂花味唔係太大興趣,味道算係正常味,不過不失湯丸都係芝麻湯丸,食落都係普通野

當上網搜尋東區的糖水店, 發現呢間人氣旺盛的湯圓店... 上次去到門口都被人抆走, 我又點會咁易放棄, 今日又比我搵到機會啦...從門口疊高的膠椅陣可以估計到晚上會有幾墟冚... 去到先發現, 原來街坊廚神都有報導過...店內環境相當簡陋...只有4張2人枱...桂花酒釀湯圓 $22-- 價錢相當貴, 湯圓有5粒之多, Size都幾大...湯圓皮薄煙韌, 輕輕一咬即開, 芝麻餡料充足多到爆出來, 味道超級香濃, 不會過甜, 做得好出色...桂花酒釀份量之多非常嚇人, 濃郁的桂花香, 酒釀醇厚香濃, 從未食過如此重手的桂花酒釀, 超級好味呀!!!芝麻糊+合桃糊 $22-- 價錢一點也不便宜, 口感稀薄, 味道偏淡...各位東區湯圓迷, 錯過了會是你的損失...