星怡

营业中

休息中

睇完L佛食左間星馬菜吸引到我都想去試下呢間星怡有兩間分店一間係尖沙咀我地去既係黃大仙店位置係現祟山地下地鐵站過黎都係幾分鐘路程算方算而且無黃大仙中心咁多人都易搵位平日夜晚七點半去到見門口室外位就坐滿人我地就入左室內坐對比好大可能外面氣氛好d掛而且仲有live聽我地坐四人卡位好寬落餐牌都好多選擇仲有套餐選擇困難就直接揀左個四人餐望落去都吸引好多五個餸有白飯仲有甜品另外單點左兩杯野飲都幾大杯下先上既係炒蘿蔔糕其實食呢個都已經唔洗食白飯炒得好香口加埋特製調味辣辣地好有風味牛坑腩鍋胡椒味好濃咬落爽口烤魔鬼魚之前都好似無咩點食過魔鬼魚起骨完全無難度加埋參巴醬又係辣辣地唔錯成個餐仲有大大兜咖啡雞入面有兩隻脾兩塊胸份量十份咖啡亦唔會好淡雖然係室內但室外d歌聲一樣入到黎一邊食一邊聽歌係幾舒服菜遠蝦球轉左芥蘭蝦球唔會霉雖然係四人餐但每碟份量都唔細最後仲有甜品食物都係即炒即烤不過上菜都唔會等太久埋單有九折四人餐都係五百幾埋單算幾抵食而且每碟份量都唔少食到勁飽離開

今日去見朋友，當然要食餐飯，佢樓下有間星加坡餐廳，朋友就建議去試一試。食完返屋企也方便，因為鄰近地鐵站。餐廳環境舒服，戶外戶內皆宜，我們怕風大，所以揀左室內。想試多種食物，所以決定不要粥粉麵飯。首先選了小食 - 🦪愛爾蘭生蠔($38/pcs)，真心肥美厚肉，海水味濃。之後就係熱辣辣嘅🍞南洋咖吔多士(榴槤味)($48)，一碟有四件，榴槤味濃，又香脆，令人回味無窮。食完濃味，叫左個清少少嘅沙律，🥗新加坡魷魚沙律($78)，嗜辣朋友好鍾意食，啱晒辣妹嘅口味，十分醒胃，魷魚新鮮易咬開，適合作為前菜之選。食完凍嘢，飲碗熱湯令人身心舒服，我們就揀左肉骨茶($128)，正宗星加坡口味，胡椒味較藥材味重，喝下去暖身又開心；仲有好多肉，又有我鍾意嘅原個蒜頭，超正。主菜揀左🐓新加坡海南雞半隻($168)：肉質嫩滑，肥瘦相宜，份量十足，點埋超夾嘅黑醬油食，就更有味道。配埋個🫓手抓餅($42)，鬆化脆口，又香口。當然唔可以錯過，我每次去星加坡都必飲嘅桔仔話梅水($30)，記住要叫，好味、清新解喝。唉…真係好唔應該去呢間咁好食嘅《星怡》，搞到我們全部食哂😋，呢個星期又要日日運動，先可以平衡了返。

現崇山商場餐廳選擇比較多我見呢一間餐廳都幾多人可能其一係因為門口有個幾大的有蓋室外場, 尤其岩晒呢D 天氣黎飲下酒食下飯, 同朋友眾樂樂我同朋友揀左坐室內場內同場外面積都差不多大, 目測估計都有各十幾﹑二十張枱室內既環境採用左海洋風牆身整個貼了海洋底下的景圖, 有一條超大既鯨魚場中央有一條大圓柱, 貼上了水母圖椅子也用了淺藍色配合著因為大量既藍色反射, 所以令人感覺場內燈光好像偏藍, 整體有點驟似在海洋底中坐位方面頗寬敞, 4人座位好闊坐得係幾舒服而且一黎就會俾兩杯水, 呢個位都係幾好➽南洋咖吔多士(班蘭味) $48 有榴槤﹑蛋黃同班蘭選擇, 3款都係我喜歡的味道, 最尾都係揀左最地道既班蘭口味皮烘得脆身岩岩好, 口感鬆脆中間夾左一舊牛油, 厚度岩岩好, 唔會太少或太厚入口好creamy, 似食緊雪糕咁, 夾埋班蘭醬好食➽咸魚炒怡保芽菜 $88 炒芽菜其實不容易因為炒一陣就好易出水所以個火喉要掌控得好這個炒芽菜做到爽身口感, 而且也沒有出水咸魚肉切成粒狀, 量不會太多, 唔係就會過咸配合清淡既芽菜, 味道上算是畫龍點睛➽魚露鮑魚 $140 鮑魚口感做到剛剛好, 不老不硬, 不會像橡子膠