蘇媽.蘇媽馬來西亞茶餐室 (已結業)

午餐到蘇媽.蘇媽馬來西亞茶餐室， 位於銅鑼灣謝斐道483-499號新城大廈地舖， 第一次到這間分店， 店內裝修充滿著懷舊又帶點馬來西亞風情。 午餐🥢 ～ 檳城福建蝦麵$62、 檳城白咖哩麵$58、 椰香咖央多士$32、桔仔話梅水$25、馬來西亞拉茶$17。🔹檳城福建蝦麵🍜 ～ 湯底充滿蝦的鮮味🦐，很好味。 配料有魚片、蝦、腩肉、蛋和通菜，加上油麵，滋味十足🤤！ 🔹檳城白咖哩麵🍜 ～ 帶點椰香味的白咖哩湯底， 味道香辣濃郁， 白魚蛋爽口彈牙， 豐富又美味。 🔹椰香咖央多士🧇 ～ 酥脆的口感， 足料的咖央和椰香， 每次必點。 🔹馬來西亞拉茶☕ ～香甜的味道， 奶香味好吸引。 🔹桔仔話梅水🍹 ～ 酸酸甜甜， 夏天飲更加解渴清爽。 個人認為蘇媽.蘇媽是一間高質又性價比高的馬來西亞餐廳👍🏻。

一進入餐室有種時光倒流既感覺，店裡有一番舊式餐室既風味。從復古既裝修同擺設中， 看到店主既用心，想重拾傳統餐室既情懷，為香港人呈現經典馬來西亞菜既好滋味。還有一種家庭式既感覺，就像馬拉大少放學回家有大廚蘇媽侍候。餐牌花多眼亂，菜式名稱有趣，全部都想試一遍，選了幾款最受歡迎的先嘗嘗。一字骨肉骨茶 ($128) 湯底味道濃郁，有藥材味但甘甜，比較容易入口，而且沒半點油。一字骨肉稔入味，一拉便骨肉分離，簡單方便。辣死你嗎配烤雞脾椰漿飯($68) ，有雞脾的存在就已令人開心滿足，螢光綠的椰漿飯很吸晴， 但班蘭味稍為遜色。吃太多來個桔仔話梅水 ($29) 消化一下，想作為甜品的椰香咖央多士 ($32)太早上菜，miss了要趁熱吃的最佳食用時間。 但不要緊，因為實在太多菜式想試，我一定會再來!(要注意的事: Cash only)

之前試過週末去旺角嗰間蘇媽，六點幾鐘已經排好長龍，所以未機會食到。見到銅鑼灣新開左一間，人流唔多，即刻去試吓。個人好鍾意食咖央多士，呢間特別在有一層厚厚嘅牛油，椰香同牛油香夾埋一齊都唔錯，不過送到過黎既時候只係暖暖地，prefer 佢熱d。特色飲品當然唔少得，椰汁斑蘭冰不過不失。桔仔話梅水飲落真係好酸，平時鍾意飲酸野嘅我就覺得真係好正。食肉骨茶嘅話，要跟住佢嘅步驟調配醬料。肉骨茶有好重嘅藥材味，豬腳彎本身味道唔濃，加埋醬料先好食。肉骨茶仲可以叫職員幫你添加，認真抵食。串燒都唔錯，最重要係個醬，可以盡情咁點醬，沙嗲味好香，仲有啲花生粒，值得推薦。第一次食老鼠粉，熱辣辣嘅時候食，覺得唔係幾好食，始終口感同一般麵條好唔同。但係唔知點解凍咗食嘅時候又OK，最後都一啖一啖食晒。入面有好多配料，食嘅口感好豐富，但比較大碗，都幾飽。呢間嘅味道整體都唔錯，仲有好多款菜式，其他推介嘅都未食過，下次會再嚟試吓。

又係lunch嘅時候，今次在銅鑼灣搵嘢食，見到有間新開不久的蘇媽， 因時間尚早仲未需要排隊所以就即刻入去試下。椰香咖央多士脆脆熱熱的， 非常好味可口。大集錦肉骨茶藥材味濃，真材實料，入面有很多配料，例如有豬腳 、一字骨、三層肉、 豬肚 、豆卜等等，一煲可以試盡他有配料。檳城福建蝦麵材料有豬腩肉、通菜、芽菜、蝦、魚片、蛋，辣參巴醬。 不是太辣， 味道適中， 蝦也算新鮮，魚片非常嫩滑， 整體滿意。桔仔話梅水真材實料， 幾出味，不錯。