龍麵館 (已結業)

一班同事話要食好啲，就去咗中環摩登中菜餐館。一入去，格局好特別，侍應都好有禮貌。前菜賣相好靚，材料好清新，值得一讚叉燒用石鍋燒住，熱辣辣，肉質好林又入味龍蝦蘿蔔素賣相非常吸引，食落口都OK，酥皮幾香口。可能我們對龍蝦麵期望太高，覺得一般。湯底係濃郁，都有幾夠龍蝦肉，但其他，如麵質，就只係正常水準。片皮鴨都只係正常水準，佢有三種食法，但冇乜特別，呢個價錢應該要再好味啲 甜品好有氣勢，有乾冰凍着個燕窩。鳳梨酥好好味，賣相又有特色，記得一試

這已是第三次來龍麵館， 對上一次已經是大約半年之前。 今天走過中環， 肚子有點餓便再來試一次。 但一次比一次失望。 今天很簡單， 叫了三小碟， 蔥油餅及龍肉湯麵。 先來三小碟， 青瓜全沒有清爽的感覺， 煙燻素鵝煙燻味濃郁， 但餡料的甘筍及冬菇味就全沒有了。 梅子冬瓜還好， 醒胃提神。 蔥油餅蔥花清香， 但就比較油膩， 食完之後盛器滿是肥油。 最失望的要算是主菜龍肉湯麵了。 湯只是微暖 完全失去了那濃郁的風味， 龍蝦不新鮮， 龍蝦沒有蝦味之餘蝦肉都黐在蝦殼上。 失望而回。