神山麺屋 (新聲大廈) (已結業)

好耐冇食沾汁麵，今日就約咗朋友一齊去呢間來自日本嘅麵店食晚餐🇯🇵～麵店門面充滿日本風情，真係要打個卡先😆餐廳環境乾淨又闊落，坐得好舒服👍🏻👍🏻神山豚角沾汁麵🍜（$88）豚角好入味🐷，而且大大塊，表面燒到微脆，裡面仍然好juicy😋呢度嘅麵條係特製嘅，比外面嘅麵條粗身同彈牙，而沾汁嘅味道濃稠度亦啱啱好，麵條輕輕一浸就掛滿沾汁🤤👍🏻神豚燒叉燒沾汁麵🍜（$88）有兩塊巨型叉燒，肥瘦適中，燒得幾入味🐷～吉列廣島蠔🦪（$48）吉列蠔炸到外面香脆，入口即化，裡面係好juicy嘅廣島蠔🦪，好食到停唔到口🤤蘆筍苗牛肉卷（$45）卷得好整齊好靚，牛肉燒完仍然鎖住肉汁🥩，蘆筍苗幾新鮮，配埋醬汁食一流👍🏻梅子青檸梳打🍹（$28）梅子+青檸味道好清新，夏天飲特別適合☀️，即時消暑🌬️蜜桃焙茶🍑（$28）第一次飲蜜桃+焙茶嘅組合，每一啖都先飲到蜜桃味，然後再感受到焙茶味，好好飲😋

富士山，又稱神山，喺日本嘅文族象徵。呢間拉麵店用神山為名，師傅應該對自己嘅食物好有信心。沾麵喺香港，從來都唔算係主流，但係其實我好鍾意食沾麵。麵店以木為主調，感覺好似去咗日本。店員大力推介兩款沾麵，分別係一個係豚角煮，一個係叉燒，亦都只有沾麵嘅肉先會燒咗先上。因為我個人比較喜歡偏肥嘅肉，所以我叫咗「神山豚角沾汁麵」湯底用大量豚骨+豚肉+日本魚介+秘製醬油製成，適合鍾意濃味嘅我。豚角煮燒至微焦，散發出香味。沾麵嘅麵最緊要掛到湯，神山有獨有坑紋麵，更多surface area, 可以掛更多湯👍🏻 不得不提佢隻半熟蛋，做得非常出色，蛋黃真係會流出黎。至於小食都有好多選擇，有手做餃子，蘆筍苗牛肉卷，神山炸雞，海老脆卷。我就選擇咗吉列廣島蠔👍🏻👍🏻👍🏻試咗梅子青檸梳打，青檸梳打加上梅子，味道好清新。總括來講我覺得呢度嘅沾麵非常出色，值得一試。

📍$88 神山豚角沾汁麵沾麵汁的濃稠程度岩岩好😍睇餐牌介紹見到個湯底係用魚介、豚骨同秘製醬汁調制而成🙆🏻‍♀️🙆🏻‍♂️而個麵條食落同平時的拉麵有d唔同係比較寬扁的麵條，所以沾完上黎個時係勁易掛湯🤩問番店員先知原來係店家特製坑紋麵 豚角外層見有烤過的痕跡食落幾香口之餘，又充滿油脂香🤪.📍$85 赤神山豚角拉麵拉麵湯底相對上較沾麵無咁重口味飲落辣度唔算太大，清得黎又幾香🥰拉麵的豚角雖然無燒過，但食落鬆化軟淋.📍$48 吉列廣島蠔炸粉厚度岩岩好食落蠔味幾重，有驚喜！配埋佢個酸甜醬汁一齊食，夠曬惹咪🥰.📍$42 蒜香魷魚鬚蒜蓉份量好夠魷魚食落幾彈牙配埋上面d沙律醬一齊食係幾match🤪.📍$28 梅子青檸梳打📍$28 蘋果培茶梅子青檸梳打飲落幾fresh岩曬中和番個罪惡感🤣蘋果培茶就飲落幾特別每啖蘋果汁有清清地的茶味😊.

有排無得去旅行，友人特地帶我品嚐來自東京的神山拉麵一解思鄉情懷，麵店無論服務同食物質素都頂瓜瓜，食完好有滿足感。拉麵來說好少會俾五星星評級，依間可以說是神級之作，不得不讚呀！唐揚豆池魚 $42池魚細細條炸得香脆美味，沾上醬汁有另一番風味。吉列廣島蠔 $48炸蠔三件炸粉薄，酥脆外層蠔身肥美，咬落好多汁，配以醬汁酸甜美味。神山豚角沾汁麵 $88沾麵的靈魂豬骨湯汁味道濃郁唔會好鹹，以大量豚骨豚肉、魚介及秘製醬油調味，慢火熬製非常美味。而特製坑紋雙管麵亦不負所望，粗身得來好鬼死煙韌彈牙，掛汁力極強，每啖麵都盡索湯汁的美味。主角豚角用上半肥瘦的梅花肉，經熬煮過後減卻不少油膩，而表面烤過帶有焦香，咬落肉質鬆軟入味有層次，相當好食。整體而言，高質美味，價錢經濟，極力推介必食。赤神山叉燒拉麵 $78看湯底顏色以為好辣，原來係微辣好易入口，味道豐富唔會得個辣字。叉燒大塊係簿左點非常珍貴，半熟蛋黃流心的，好味好味。梅子青檸梳打 $28酸甜口味清新解膩，正~巨峰梳打 $28原支奉上，好有巨峰提子味無咩藥水味，甜度適中幾好飲。

日本拉麵真的好像有魔力般 吸引到很多人去食 午餐時段來到想食好耐的拉麵店鋪 餐廳進內充滿著日本風味 以木為主題 仿如置身日本一樣店員親切地介紹餐牌上邊款沾麵推介神山豚角沾汁麵 第一眼吸引住我的是濃濃的豬骨湯底 豬骨味撲鼻而來豚角煮得剛剛好 有一種入口即溶之感 麵底煮得爽口 沾落湯底上 非常之配合神豚燒叉燒沾汁麵 叉燒份量十足 塗上醬汁，外層燒過 好香做得出色 唔會太老 加埋有溫泉蛋的點聚 好豐富 小食方面和風蘋果沙律 有青瓜 蘋果 火腿及麥片 令到成件事好清新好特別神山炸鷄 雞肉炸至金黃色 嫰滑多汁配上芥末醬 非常驚喜 神山手造餃子 餃子煎到微微脆身肉汁滲出來 感覺很好飲品要介紹嘅 梅子青檸梳打酸香醒神今次又一次不俗的沾麵體驗