麵屋武蔵 武骨相傳 (朗豪坊)

营业中

休息中

香港人嘅靈魂食物係一啲懷舊食品，而日本人通常係拉麵，因為有家嘅味道放工未返得屋企住，就食吓靈魂拉麵啦呢間拉麵店嘅特別之處，在於坑紋麵近睇啲麵條就會見到條坑，作用係令其更掛汁，極之適合用作沾汁麵將麵條浸入辛味豚骨湯，湯汁隨即入晒坑，非常入味所謂二刀流麵，就係上面有齊豚角同叉燒，肥美富彈性黑蒜豚骨湯都好正㗎，蒜味幽香，湯底幾濃麵條浸幾浸，啖啖都滿有湯汁叉燒肥瘦適中，煙韌較爽，溏心蛋極度軟綿區區一份沙律，究竟有幾強呢？強在有牛油果、溫泉蛋同芝士粉，同沾汁麵一樣，成份蔬菜又掛汁又爽口燒餅就咁睇，除咗美觀，餡料都唔惹小，有啲蔬菜同肉類，最重要係有廣島蠔呢位嘉賓，有蠔味有口感，兩全其美飲品方面都幾特別，有梅子青檸梳打更有番茄梳打，甜甜地之餘，又真係好香番茄味，呢場冒險成功了

之前行過朗豪坊見到已經想試 呢晚終於同朋友過嚟食🤭夜晚嚟都預咗多人 但好彩都好快入得👍🏻 🍜牛肝菌雞白湯沾麵 💰98拉麵食得多 但牛肝菌嘅比較少見 而且仲係本店限定 當然要試下😂牛肝菌味好香 經過慢煮8小時嘅湯呈乳白色 有啲黏黏嘅口感(係雞嘅膠原呀🤣) 味道清清哋好有雞味又唔會好咸 雞肉都十分之滑🥰 🍜白相傳二刀流沾麵 💰88二刀流喺豚角&叉燒嘅組合 湯底可以三選一 分別有: 白湯(香濃豚骨)、赤湯(辛味豚骨)、黑湯(黑蒜豚骨)我就揀咗白湯 湯底超濃郁 鍾意食濃味嘅話會比較推薦呢款 厚切件嘅豚肉肥瘦均稱 煮得軟腍好入味 切片叉燒肉質都唔鞋 麵身好彈牙😋 🥟五輪燒餅 💰58個造型幾靚 好似個蜘蛛網咁😂講返個味道 其實類似大阪燒 有椰菜&蛋等配料 但入面加咗廣島蠔 所以食落有啲蠔仔嘅鮮味 🥟相傳煎餃 💰38餃子幾乎係我每次食日本野必叫嘅小食😆煎餃有五隻 餃皮煎得香脆 好香豚肉味 唔錯🤤 🍹梅子青檸梳打 💰28呢幾日天氣咁熱 當然要飲返啲凍野涼下 呢杯就啱晒 青檸再加上慢慢浸泡出嚟嘅梅味 酸酸哋好解渴 唔會好甜👍🏻 🍹巨峰梳打 💰28店員拎咗原枝日本山梨縣產嘅grape soda 嚟到枱面先

冇得去旅行但要食真正日本拉麵都唔難，好似呢間連鎖店就近喺朗豪坊，食個麵當去下旅行都好～呢度豚骨湯底係必食，睇menu，話係用大量豬骨、魚乾、元貝、蔬菜熬制嘅湯底。食落好厚身所以好輕易咁掛到麵，赤相傳二刀沾汁麵辣辣地，叉燒大大塊又入味，麵質爽滑彈牙，沾麵食到湯底嘅濃郁又食到多啲麵條味，同湯拉麵完全唔同。牛肝菌雞白湯沾汁麵湯底係用雞肋骨熬成，骨膠原比較豐富所以更加厚身但冇咁豚骨湯底咁濃肉味。呢個沾麵嘅慢煮雞肉非常之軟嫩，雞肉味重，沾麵食落口感覺補充左骨膠原咁😆～田之最強係牛油果凱撒沙律，仲有一隻溫泉蛋，擺盤已經好靚，啲沙律蔬菜仲好新鮮，個沙律撈埋溫泉蛋食perfect！黑鳥，其實係炸雞配他他醬，個日式炸雞外脆，肉質仲好鮮嫩；他他在味道有少少墨魚汁味，感覺新鮮又特別～梅子青檸梳打同蘋果汁兩者都同喺日本飲嘅飲品好相似，但係兩者來講我比較鍾意梅子青檸梳打，因為嗰種梅子香慢慢滲出來嘅味道真係好fresh飲落好舒服。服務態度中上，坐卡位嘅話位置寬闊，不過可惜呢度繁忙時間用餐時間只有1小時呢～