大喜茶檔

营业中

休息中

以前喺上環返工，誤打誤撞喺荷李活中心隔離揾到呢間茶檔，之後嗰幾個月周不時都會過嚟食。早排經過荷李活中心，見到商場已經裝修完，G樓開咗間新嘅cafe，叫elephant grounds，印象中記得同事話幾好飲，2樓都好似開咗間食燒肉嘅，可以遲啲試下。入返正題，既然咁耐冇嚟，就去大喜食埋飯先走啦。大喜選擇都唔少，不過我今次想食佢個梅菜扣肉飯，另有跟餐仲會送碗老火例湯。我鍾意大喜嘅梅菜扣肉主要有兩個原因。第一係佢個梅菜咸甜適中，味道啱啱好，岀面好多茶記都未必搞得掂。第二係佢有好多梅菜，對於我呢啲鍾意撈汁食飯嘅人簡直係極品。例湯係粉葛湯，普通葛湯咁味。餐飲一如往常都係凍檸茶。如果你喺上環返工想食啲平靚正嘅嘢，我會推薦你試試大喜茶檔。

嘻嘻😁，自爆平時偷懶個地方添😛。 做得蛇竇當然係平、正、地方好座同隱密性兼備。大喜呢度雖然地方唔大，但環境清潔，而且奶茶正斗，近近地公司，足矣。唔記得提大家，睇時間，佢地好早關門。介紹返三大常食推介：第一名一定係配飯之首既梅菜扣肉。留意即使當日午餐A-E無on list，我地平時都有機會散嗌叫到，價錢唔差遠。 佢啲梅菜係撕到細碎個種（學名叫咩？求教），重要係做到好多地方搞唔掂既咸甜適中，作為麻甩絶對當佢係恩物。👍🏻第二推介咖喱，佢呢度係落椰汁有厚度徧甜個種。唔怕食到一身大汗。😅💦最後介紹炒鑊。如果你唔介意等，可以試均佢炒粉麵飯。簡單講佢係呢區可能就返大家口味，都係減咸，所以食到返食物味，雖然唔係咩貴野，總之唔會上枱啲飯或粉黏埋一舊舊已交到貨。