生記飯店 (已搬遷) 新店位置

幾年後再訪生記，懷舊餸菜水準依舊，仍然要訂位先有得食。今日兩個人叫咗三味餸菜：1）生炒骨（$148）～依舊冇得輸，上枱一段時間仍然係舊舊香脆，的確係必食推介2）梅菜蒸菜心 （$108）～係呢度有得食，今日就一般，因為菜心蒸得未夠淋，所以菜心未能掛到梅菜味3）蒸蟶子2隻 （$146）～ ok大隻夠新鮮，味道中規中矩4）白糖糕（免費）～來生記梗係唔少得食佢嘅白糖糕，又係冇得輸系列之一今晚餐飯加10%加埋茶錢$500有找

這晚相約了Agnes與Ponnie補祝我的生日，有心唔怕遲，大家又可以聚聚談談近況。這兒由Agnes推荐，所以這夜菜式由她決定。 因為我還是第一次來，來之前也沒看過這兒食評，所以不知有什麼招牌菜呢! 最後，當然都是選招牌菜呢! 梅菜蒸菜心，真的沒想過這個配搭，但又出奇的合拍，好味。煎藕餅，我還以為是一塊蓮藕再加肉碎，原來是用蓮藕粒，真好味! 蒜蓉蒸茄子，茄子配上蒜蓉增添了茄子的鮮味，很驚喜。梅菜蒸肉餅，這個很多飯店也有提供，水準也不錯。想不到甜品是我喜愛的白糖糕，幸好不太甜，只嫌有少許酸味，但味道總算不錯呢! 臨離開前，Agnes才告訴我們這天身體有點不息，所以胃口不佳。 她為了這餐飯不會一拖再拖，所以勉強赴會。 真的不好意思，萬分感謝Agnes及Ponnie送上這窩心的生日宴。 身體還是最重要，我深信我們三人的友情長存，有心唔怕遲呢! 幸好Agnes飯後還趕及看醫生，朋友，千萬不要看輕自己的健康呢!

同大班朋友食團年飯, 諗住大眾化d去生記, 不過埋單一d 都唔平, 仲好似冇乜食野落肚, 要食宵夜 煎蓮藕餅：好香好鬆脆, 不過偏咸要送飯, 一碟得果幾件, 手快有, 手慢冇枸杞浸豬潤：招牌菜, 唔訂可能冇得食, 但自覺味道普普通通, 豬潤切得好厚, 枸杞得果幾條, 菜咁平好心俾多d la 鹽焗雞：冇乜特別, 肉質亦唔算嫩滑蒸薑蔥魚雲: 得果幾舊, 點夠分呀? 不過咸得要命, 不吃也罷 肉丸泥鯭粥: 又係招牌菜, 唔訂肯定冇得食, 不過可能真係好多人訂唔夠分, 唔多見有泥鯭肉, 連米都唔多夠, 水流流 梅菜蒸菜心: 梅菜好甜, 菜心蒸得入味而唔會變黃, 全晚至正既一味菜 老少平安 : 豆腐+鯪魚, 都幾鮮甜, 唔會蒸得太實, 加埋豉油食啱啱好咸魚蒸肉餅: 咸魚味唔係好濃, 但勝在惹味, 送飯一流蓮藕炆豬手：又係得果幾舊，唔夠分冇食到羅漢齋煲: 基本上得栗米芯同腐竹, 低成本製作, 但一d 都唔平加送白糖糕, 味道一般, 但冇乜地方食到, 當係懷舊服務態度尚可, 上菜速度極快, 可能因為太多booking, 其實以咁既價錢, 唔算係好出色, 都唔知點解咁多人去?位

之前見有雜誌推介，今次就和家人試試這間生記。先說環境，一般酒樓格局；但由於人多，顯得通道異常擠迫，店員在狹窄通道上奉菜，坐近路口要特別小心「中頭獎」。我們一行七大兩小，由於有小朋友對很多食物都有敏感，我們就點些比較家常的小菜，當然也有要一早預訂的馳名鹽焗雞。豆角炒蛋：不知是太久沒有吃過，這道菜竟然意想不到的好味。豆角夠多，蛋也炒得很嫩。 蓮藕炆腩肉：腩肉不肥膩，蓮藕夠淋也很入味，亦是推介之一。 魚香茄子煲：小弟對茄子敏感，沒有吃，但香氣撲鼻，應該不錯嘛。 梅菜蒸菜心：比較特別的一道菜，味道挺好。 椒鹽鮮魷：炸得不錯，呈金黃色，味道亦好；不過全碟加起也不夠十件，真是物之罕為貴哩！ 鹽焗雞：作為招牌菜，不禁有少許失望。雞味不足，上菜時也不夠熱，而且價錢絕不便宜（近二百五元一隻），敗筆之作。 鹹蛋蒸肉餅：中規中矩，不甚突出，資深「師奶」也能做到。 生炒骨：炸得夠香脆，但醬汁不夠甜亦不夠酸，只有一般茶餐廳貨色。 羅漢齋煲：份量足夠，但卻不太入味，不過清清地也可以啦。 北菇炆鵝掌：鵝掌炆得夠淋夠入味，不錯的一道菜。 楊州炒飯：水準一般，熱些會更好。 白糖糕：略帶酸味，不敢多吃。 整體而言，食物質