影片
更多
2018-05-04
2761 浏览
上星期又去行山，去港島區行，尾站是紅香爐峰, 轉小巴到天后站附近覓食, 由於行完山特別肚餓, 所以去左食飯, 仲要係靚既燒味飯.門口掛滿一排排燒鵝, 睇見都吸引, 連外國食客都係門口望住師父切燒味, 邊等外賣.另一邊仲有叉燒、燒肉、切雞、豉油雞等等, 色澤鮮美,叉燒還滴著蜜糖漿閃閃發光.淨買燒味外賣加料又得, 或者堂食/外賣 燒味飯也可, 我就外賣帶走去朋友家一同分享. 棋哥燒鵝飯 $53好靚好整齊, 切得功整, 份量亦足夠, 燒鵝仲有陣獨有的煙燻味.飯盒內連搭的菜芯都翠綠爽口. 當然有附上梅醬.燒鵝皮薄不韌有油香, 由於鵝較鴨多脂肪, 所以燒鵝食落特別有甘香, 好吸引.鵝肉肉質頗嫩, 重點是鵝肉味道濃, 越食越油香.另外一提就是精華所在的鵝汁, 加上鵝肉同飯食, 鵝味更重更香, 配白飯會不太膩.棋哥叉燒飯 $48兩排叉燒切得偏薄身, 蜜芽糖醬唔算好多, 所以食到肉味, 而不會太甜.肉質入味又鬆化軟腍, 易咬不痴牙, 而且不會太肥, 食完都唔會膩.有焦香的脆邊位也是其吸引之處, 很香口.
上星期又去行山，去港島區行，尾站是紅香爐峰, 轉小巴到天后站附近覓食, 由於行完山特別肚餓, 所以去左食飯, 仲要係靚既燒味飯.門口掛滿一排排燒鵝, 睇見都吸引, 連外國食客都係門口望住師父切燒味, 邊等外賣.
另一邊仲有叉燒、燒肉、切雞、豉油雞等等, 色澤鮮美,叉燒還滴著蜜糖漿閃閃發光.
淨買燒味外賣加料又得, 或者堂食/外賣 燒味飯也可, 我就外賣帶走去朋友家一同分享.
棋哥燒鵝飯
$53
107 浏览
0 赞好
0 留言
棋哥燒鵝飯 $53
好靚好整齊, 切得功整, 份量亦足夠, 燒鵝仲有陣獨有的煙燻味.
飯盒內連搭的菜芯都翠綠爽口. 當然有附上梅醬.
燒鵝皮薄不韌有油香, 由於鵝較鴨多脂肪, 所以燒鵝食落特別有甘香, 好吸引.
鵝肉肉質頗嫩, 重點是鵝肉味道濃, 越食越油香.
另外一提就是精華所在的鵝汁, 加上鵝肉同飯食, 鵝味更重更香, 配白飯會不太膩.
棋哥叉燒飯
$48
104 浏览
0 赞好
0 留言
兩排叉燒切得偏薄身, 蜜芽糖醬唔算好多, 所以食到肉味, 而不會太甜.
肉質入味又鬆化軟腍, 易咬不痴牙, 而且不會太肥, 食完都唔會膩.
有焦香的脆邊位也是其吸引之處, 很香口.
张贴
