妹記大排檔

营业中

休息中

同朋友好耐無見，相約一齊食大排檔。路痴既我跟住地圖去，最後都搵到，一上到去就發現同平時食開既大排檔吾同。平時都系地舖同埋環境無甘乾淨既。但妹記比到一種好舒適既感覺比我。幾條女一齊嗌左黑椒薯仔牛柳粒、椒鹽八爪魚咀、咕嚕雞球、 魚香茄子煲、蠔仔粥、豉椒炒蜆、粟米班腩同埋大肚婆炒飯牛柳粒配薯仔真系一流牛柳粒好煙靭容易咬開配上黑椒汁更加入味，側邊既薯仔更加系外脆內軟椒鹽墨魚咀吾系到到都有得食炸墨魚咀，心心念念之下叫左椒鹽味岩岩好。魚香茄子煲配飯一流粟米班腩同出面大排檔食既普遍都一樣，不過班腩都系脆身既。豉椒炒蜆蜆肉多又無乜沙，絕對可以一試。

一直都係妹記嘅fans，今晚朋友嘅part-time突然取消咗我哋就即興一齊去左食妹記😅隔左一排冇黎好似又多人咗熱鬧咗，喺度傾計直頭要大嗌🙈我哋兩個人點咗一個椒絲腐乳萵筍，椒鹽墨魚咀同埋炸大腸～啲餸好快就上咗👍椒絲腐乳萵筍呢個配搭幾新奇，不過我同朋友都感覺唔太夾🙈 但係個萵筍厚度啱啱好，同埋爽口嘅👍椒鹽墨魚咀嘅粉有啲厚，同埋椒鹽分離得太西利，食唔到椒鹽既香口，炸墨魚咀還炸墨魚咀，椒鹽還椒鹽咁😌今次嘅炸大腸一嚟到已經淋淋地，失望，同埋好多舊都得層薄皮，無左腸既“趙口”希望下次會返返以前既水準啦！