TAP The Ale Project (已結業)

好耐都冇黎TAP飲野，難得今日朋友得閒就過黎吹下水飲下酒，環境氣氛都好舒適令人放鬆先點了兩杯啤酒一杯味道較淡有西柚果香，另一杯酒精濃度較高有果實香但係偏苦，小食同三文冶都出色鹹蛋黃炸薯條，鹹蛋味香濃薯條香脆送啤酒一流燒肉古巴佬，燒腩仔肉香豬皮脆配合埋芥未外軟內脆椒鹽浦boy，啤酒蝦炸得香脆捲心菜新鮮略嫌蛋黃醬不足，法包太硬加埋蝦成個太大食落有些困難腐乳雞翼，雞翼炸到熱辣辣有些類似黑椒調味，外脆內滑配合埋腐乳醬另有一番風味，另給一個小盒放雞翼骨十心細心.

聽就聽左好耐TAP d手工啤好正，今次第一次黎！星期五晚無得book位，好彩6:45pm到，都唔使等。叫左紅蕃孖寶同椒鹽浦Boy，兩個女仔share~紅蕃孖寶嗰"孖寶"其實係指甜蕃薯同紅菜頭！炸甜蕃就好多地方食到，反而炸紅菜頭真係第一次試，最驚喜係側邊跟住上嘅薑汁，薑微辣，辟走咗紅菜頭嘅草腥味，亦都同甜薯幾夾，好味！跟住上左呢個椒鹽浦Boy，個法包其實真係好硬，中間啲炸蝦略嫌咸左啲，食完好口乾😞至於手工啤，今次揀左Rye on Wood，麥味好香，易入口，女仔都岩，友人就嗌左支Taboo Cha，其實係凍薑茶，希望下次再黎試下其他手工啤啦！