龍景軒

营业中

休息中

期望很高也沒有令我失望更滿滿驚喜的三星米芝蓮中菜廳。每樣食材都相當高級及講究，每個細節都一絲不苟，精益求精。真係名不虛傳的高級食府，菜式服務環境都是滿分，值回價錢，另一個層次的中菜體驗。甜豉油燒鱔 ($600) 真係一試難忘，未食過咁厚肉的鱔，鱔皮燒香脆，肉質無比的爽彈，非常厚身所以食落口感特別好。甜豉油味道恰到好處，不會過甜但仍惹味。椒鹽田雞腿 ($340) 份量之大令人驚歎😆要幾大隻的田雞才長到像雞鎚般大的田雞腿?! 咁大隻都唔鞋唔老，勁juicy嫩滑，薄薄一層脆漿新鮮熱辣炸出好正，椒鹽調味乜都唔使點已經超美味。連墊底的魚仔脆片都勁好食，很濃的魚仔鹹味，壓薄再炸好香口。紅燒澳洲和牛面肉 $460聽來普通的一碟紅燒牛面肉卻是令人為之驚嘆的一度菜，牛面肉相當高質，炆得超軟腍，超重骨膠原，直程有食緊花膠的口感，用上澳洲和牛所以牛味相當濃郁，紅燒汁都充滿牛味好好食。唔係講笑真係超級好食令人回味無窮。脆皮雞 (半隻) $420 相對其他菜式就普通啲，正常發揮的燒雞，皮好脆。羊肚菌上素芋絲燒豆腐 $280連豆腐也要讚，係因為真係連豆腐都特別滑特別好食，新鮮炸過裡面勁滑，羊肚菌味濃杞子也是份外香

既然酒店推出優惠，何況趁機來摘星，近月去了龍景軒飲茶兩次，用六月時買了的七折飲食券。 連續多年獲得米芝蓮三星名銜，對龍景軒各方面有所期望是正常，可惜我覺得「過獎」了！裝潢華麗舒適但我唔覺特色，桌上放上清新的蘭花增柔美感值得一讚，配合維港景緻及古典音樂播放，不失為一周末下午優雅好去處。 服務員態度很好，慢拍子地先送上防疫消毒紙巾及口罩套，然後查詢客人點茶之決定，繼而送上餐牌，靜靜等候客人指示點菜，于人可以興鬆享受午餐、沒有的時間限制的壓迫感；最欣賞的是，見我們只得二人，主動地建議點心可以改至每人一件及小菜半份，這方面令我覺得非常窩心，胃納有限亦可多嚐款式。可惜廚房不配合，如趕收工般，我們點了的五款點心在時間相若下逐一上，我們無意吃快餐，無奈只好讓點心涼了才吃令其食味失色，這樣亦令整體服務評分打折扣！聽說龍景軒的點心及海鮮菜式最出色，但我對前者尤其失望！點心選擇只有十多款並不多，其中四款為腸粉，比例有些不衡；在餡料組合上刻意添新意，效果一般；幸好，兩款招牌小菜及炒飯烹調技巧水準之上，但又非別處難求，沒有令我有必須重臨之慾望。 價錢方面非常進取，所以思前想後下還是決定不嚐那些鮑參翅肚大菜，

適逢聖誕佳節，又得知XO仔未有機會食過米芝蓮三星既餐廳，Auntie二話不說就帶左我去見識見識，真係口福不淺哦。環境衛生：（米芝蓮之第一粒星）六星級酒店內既餐廳樓面勁高，地方寬敞闊落，枱同枱間又夠空位，所以一Ｄ都唔迫，又唔會太嘈。燈光柔和，帶份高雅既情調，可能因為冇左平時中菜既強烈油煙味，感覺好似入左間高級西餐廳咁。雪白既餐巾同枱布，加上潔亮既餐具，令有潔癖既auntie都食得好安心。服務：（米芝蓮之第二粒星既頭半粒）1)　一坐低就有條熱毛巾暖吓手，冬天時分最舒服不過。2)　Auntie點嗰樽酒，餐廳本身缺貨，不過經理反應好快，話只要比佢十五分鐘既時間，佢就可以特別安排倒，果真冇食言。感動！3)　面帶笑容既經理，態度友善，令小弟見識到乜野叫專業既溝通技巧：除左同各類客人都可以有講有笑，寫餸時提供客觀既意見，上菜時亦詳細地解說食材同烹調方法；見倒我好勤力地寫筆記，更好有耐性地講Ｄ餸名比我抄添。4)　被扣一分既原因：茶水唔係擺放喺枱上，而係分開放；所以如果哥哥仔唔加比我地，我地就會好口乾。加酒加茶速度唔夠密，所以我地既茶杯同酒杯好多時都係吉既。味道：（米芝蓮之第三粒星）廚師好講究食物既pr