爸B燒

营业中

休息中

呢間爸B燒我已經幫襯過10次以上，每次想約朋友食宵夜，我都會選擇呢一間，而且營業時間去到凌晨三點👍🏻啱晒我哋呢啲夜貓子🐱🐱串燒款式很多，尤其椒鹽燒賣、椒鹽鴨舌、金菇肥牛卷我每次必點！佢哋嘅肉類會先醃味再燒烤，即點即燒，做法完全唔求其。店舖職員很友善，每次我過嚟幫襯都會同他們閑聊幾句。除咗串燒之外，可以試吓佢哋嘅炒粉絲、蒜蓉雞翼尖、蒜蓉烤茄子👍🏻佢哋有大中小辣可以選👍🏻👍🏻未試過嘅朋友，即管一試！

因為有朋友住附近極力推薦呢間店所以我都特登由大西北入嚟試吓果然冇令我失望😌重點推介5樣嘢畀大家！1. 椒鹽粟米 ⭐️⭐️⭐️⭐️⭐️作為第一道出嘅菜我真係畀佢嘅賣相同味道驚艷咗係我呢世人食過最好食嘅粟米😳超適合送酒！2. 燒鱔 ⭐️⭐️⭐️⭐️⭐️平時唔多鍾意食魚嘅我都覺得呢個好好食完全唔覺得腥！3. 燒茄子 ⭐️⭐️⭐️⭐️⭐️超香蒜味外皮唔會燒得太過火可以食埋4. 蜜糖燒雞中翼燒雞翼真係不得了個皮脆脆地調味都調得岩岩好唔會話過甜/咸5. 燒生蠔同樣都係好夠蒜味而且佢燒到有啲半生熟嘅感覺好特別其餘推介嘅仲有：蒜辣雞翼尖涼拌雞胸骨（唔記得影相TT🥲）

新蒲崗一向出名好多美食小店，今日行到去富源街，見到呢間’爸B燒‘再望下價錢，ok喎⋯⋯咁就入去試吓好唔好食先😃餐牌只有兩面+店舖寫上的是日推介其實都好多款；肉、菜、內臟、海鮮，粉麵類樣樣都有，真係花多眼亂🤪半打爸B串燒：豬牛雞各二，三款之中我覺得豬肉最好食😋⭐️⭐️⭐️⭐️安格斯牛仔骨：好味，唔會太鹹鹽燒厚切牛舌：其實唔覺係厚切😅，不過味道唔錯香燒臘腸：出奇地好食喎⋯⋯平時唔鍾意食臘腸，今日竟然搶住食⭐️⭐️⭐️⭐️⭐️辣肉碎茄子 ： 超惹味👍🏻超好食👍🏻少少辣，食咗一啖就完全停唔到口，三扒兩撥就KO左必食之選⭐️⭐️⭐️⭐️⭐️煙肉腸仔卷 ： 食串燒必點日本紫薯5粒：正常味，無特別椒鹽粟米：有少少辣粉係上面，份外惹味，好識合佐酒小食⭐️⭐️⭐️⭐️⭐️麻辣雞腎：第一啖食，咁似譚仔的蒜泥白肉的味道🧐，可能有好多蒜的關係😆😆再食真D，越食越辣，又認唔住不停食喎🤣🤣⭐️⭐️⭐️⭐️泰式炒金邊粉： 唔知係咪太多汁的原因，好鬼酸，同平時食的金邊粉完全係兩碼子嘅事😅😅😅😅😅都係食串燒啦😌食左咁多野都唔洗四百蚊，真係十分之抵食唔怪得我6:30pm 入坐都已經坐滿一半人啦⋯⋯所以想食真係book定枱好D👍🏻