南大門

营业中

休息中

朋友介紹,話依家去鯉魚門食海鮮,加工費唔算貴,且煮工不會差,所以約埋屋企人,一行4人去試下,朋友推荐南大門,近海,風景靚,環境好,招呼好,星期日怕人多,所以一早打去訂了晚上5:30.朋友分享,話系係鯉魚門買海鮮可能較貴,所以系黃大仙買完料先入去加工,準時5:30去到,一入去放低海鮮,講好煮法,就坐低飲茶等食,加工費真不算貴,分$130/人和$150/人兩種價錢,因貪單邊和海景,選擇了$150/人,4個人$600包4個海鮮加工,我們買了5款,所以要另外加多元120.餐廳環境好好,可能時間還早,暫時得6-7台客，坐得好舒服，加上望住個海景，真係心曠神怡！坐咗十分鐘左右,食物開始陸續上枱:椒鹽瀨尿蝦,口感清甜, 外脆內嫩！味道剛剛好！上湯龍蝦米粉底,配以金黃色的上湯汁,蝦肉鮮嫩彈牙,而煎米粉吸收了龍蝦的鮮味和調配得恰到好處的上湯汁,好食到不得了,真係冇得輸!鼓油皇大蝦,鮮甜爽口彈牙,正!蒜蓉粉絲蒸元貝,火候剛好,肉質爽嫩,金銀蒜委好香,味道不錯！油鹽水浸花蛤王,湯汁奶白,味道鮮美.到最後還有甜品送,每人一碗木瓜糖水, 好甜好正,今餐好豐富,食得好飽,好滿足!埋單900零蚊,加埋買料1000左

今天和家人一起到鯉魚門被安排了坐於海景的旁邊點了一些海鮮，再來加工，我們點了椒鹽賴尿蝦，蟶子皇煎米粉底，油鹽水蝴蝶蚌，上湯龍蝦伊麵，果皮蒸鮑魚，白灼墨魚，和炒了兩碟菜，飯後還有水果和糖水送呢！

兩個女生日，指明想食海鮮，於是買了5款佢哋最鍾意的海鮮🦞🐟來到鯉魚門加工。一直鯉魚門俾人的感覺都係比較貴，其實而家透明度十分高，加工費在餐牌上寫得一清二楚，收費也不貴。非窗邊位以人頭計$130一位。我哋一家四口，$520可包烹調4款海鮮。如加面底另加$50。另加一款海鮮加$100。我哋自來5款海鮮共買了約$1000。豉椒炒蟶子皇：火候🔥掌握啱啱好，蟶子皇炒得好爽口，十分惹味。開邊上湯焗龍蝦🦞煎米粉底：超級無敵好食，龍蝦肉啱啱熟，啖啖肉肥美飽滿清甜。煎米粉底沾滿上湯龍蝦汁，好好味😋蒜蓉粉絲蒸扇貝：肥美的扇貝鋪滿了生熟蒜🧄粉絲、三色椒🫑及香蔥粒，淋上微甜的豉油，無得頂。椒鹽瀨尿蝦：極度惹味的一道菜，原隻瀨尿蝦上超級滿足。師傅廚功一流。油鹽焗奄仔蟹🦀️：又係整得好美味，美中不足是自己買的奄仔蟹唔算太肥。最後奉上南瓜糖水，兩大兩小食到捧住個肚，完美的結局。整體用餐的體驗10分滿意👍👍，南大門環境十分舒適，靠窗的位置望住180度鯉魚門海景。餐廳的侍應服務十分好，而且出菜的速度也控制得很恰當。大約每隔十至十五分鐘出一道菜，唔會好快成枱菜擺到凍哂。價錢也十分合理，我哋已經諗定下次再買啲海鮮過嚟食。😋😋

對上一次嚟鯉魚門食海鮮已經係n年前嘅事，見好多人讚南大門嘅做工唔錯，價錢合理又有靚景，一於襯屋企兩位男士生日嚟試吓。我哋係喺觀塘買海鮮入嚟加工，本身book咗七點，過到嚟6點都未夠就先去南大門放低啲海鮮，諗住周圍行吓等夠鐘先再返嚟，點知佢話驚啲海鮮放得耐會唔新鮮，見我哋人齊就叫我哋早啲入去，呢點值得讚👍🏻今晚總共食咗五款海鮮-芝士焗龍蝦伊麵底，椒鹽瀨尿蝦，豉油王海棕蝦，蒜蓉粉絲蒸扇貝同埋油鹽焗奄仔蟹，每一款嘅味道都恰到好處，尤其係豉油王海棕蝦走油出色，食到最尾嗰隻都仲舔舔脷😋不過額外叫嘅魚湯浸菜芯就比較失色，無下次😝最後要讚吓今晚負責13號枱嘅英姐，風趣幽默，服務殷勤，仲送咗海鮮湯同甜品俾我哋添❤️總括嚟講南大門都係一個唔錯嘅選擇，不過下次要再早少少嚟坐「真」窗邊位，可以嘆住日落chill吓😆

朋友相聚又想望到過海就揀咗呢一間南大門，當日我哋點左以下幾道菜式係最值得食的：椒鹽鮑魚：椒鹽鮑魚蒜香味十足，近海邊嘅鮑魚特別新鮮！豉油皇竹蝦🦐廚師工架一流，用豉油王整嘅蝦鹹香可口 豉椒炒蟶子皇以前食開啲聖子都有沙，今次食嘅蟶子皇入邊海水味濃郁，炒落去有鑊氣最值得推介就係米粉底澳洲🦞🦞大大隻龍蝦再加上乾煎米粉底，在加上龍蝦汁做調味，這個配搭非常新鮮美味，必食推介👍🏻👍🏻👍🏻👍🏻蒜蓉蒸元貝蚌師傅用金銀蒜嘅方法放落元貝蚌，粉絲飽肚入味

在這兒用餐很特別，餐廳book了枱，然後再揀海鮮。有一班嬸嬸企喺門口帶你哋去揀，之前另一半來過這兒用餐，選擇了去別的檔攤買海鮮，叫美和漁港海鮮，亦有YouTuber介紹過，試咗覺得好，今次帶我和另一個朋友來品嚐😋。就坐後，看見環境舒服，如果坐窗邊位可以看到海景（每位$130起，可看以下的收費表)。我們當日坐在餐廳中央（$110起）。海鮮我們選擇了賴尿蝦，扇貝及龍蝦。埋單時先知總共$13XX，原來當日賴尿蝦來價比想像高，我哋都有些驚訝，變成最抵食係龍蝦。所有的海鮮都非常新鮮，煮得嘢味可口。另一半話上一次都有食賴尿蝦，但今次煮得更好食。真係睇吓嗰日邊位廚師為你烹飪！我自己特別鍾意個龍蝦。這個蒜蓉蒸扇貝其實都好食，新鮮鮮甜、再加埋住蒜蓉粉絲😋，只是我自己個人口味，最鍾意食龍蝦😊。清甜的海鮮湯我的摯愛上湯龍蝦，其他成員都覺得龍蝦肉質好，亦整得好👍🏻美和（不是餐廳）還請我們吃水果：餐廳的收費是每人$110起，睇吓坐什麼位置。我們當天有三人，即係可以包三個餸，之後每個餸要加$100。詳情可看以下的表：總括，價錢雖然比想像中高，但食物質素高，烹調手法亦到家👍🏻

今年第二次來鯉魚門南大門，看日落是今年第一次，早一個星期先致電老闆羅太訂下一個窗邊位,   全海景正中位置是IFC,看海景時先來椒鹽鮮魷，鮮魷肉如果太熟會硬身,這碟鮮魷剛剛熟有口感但肉不硬,連同椒鹽,配以白酒十分匹配。第二道菜是澳洲生蠔,餐廳很細手,每隻生蠔旁都配有片檸檬, 亦有cocktail   sauce  ,   蠔也很肥美,值得一提是上碟，碟上放上碎冰粒後上面才放蠔 和檸檬,碟上還有用紅籮蔔做的玫瑰花配沙拉菜,很細心. 蠔配  Chardonnay 也是絕配。第三道菜是上湯澳洲龍蝦米粉底, 龍蝦肉爽味很多師傅都做得到,但配上薄薄一片的乾煎米粉,米粉煎至乾身有米香,上面放上上湯龍蝦,米粉沾上了龍蝦汁,真是美味絕倫, 清枱就是最佳的讚賞。第四道菜是椒鹽賴尿蝦,賴尿蝦肉身爽甜肉嫩,十分嘢味.第五道菜是油鹽焗奄仔蟹,因為太多菜,所以每人分配半隻, 先吃蟹膏, 蟹膏嫩滑綿口,有蟹膏香,好似食大閘蟹膏,而蟹肉比較結實有油鹽香和蟹味，十分可口。第六道菜是海班兩味第一碟是西蘭花炒花尾躉斑球，斑球肉爽甜，而花尾躉的魚味也很鮮, 雖然魚檔說是養斑，但也是十分美味第二碟是炆斑頭腩，但炆得很乾身,

久違了的鯉魚門，這天選了到南大門午膳。鄰近海鮮檔早已派員在餐廳門口徘徊，積極向我們推介海鮮。起初我們以為禮貌上應該優先讓南大門（作為星級海鮮酒家）提供海鮮食材，但餐廳員工卻表示他們沒有海鮮供應，只提供烹調加工服務，人客需要外購海鮮食材。菜牌上只有小菜、粉麵飯、飲品等。於是我們隨海鮮檔人員外出自行選購海鮮，最終買了南非鮑魚 （清蒸）、賴尿蝦（椒鹽）、東星斑 （清蒸）和蟶子（豉椒炒）。海鮮檔主表示會將海鮮直接送到餐廳處理。除了上述海鮮外，我們還從菜牌點了兩個小食：脆皮牛腩、椒鹽茄子和清炒菜心。令人摸不著頭腦的是，最先上桌的竟然是最濃味的椒鹽賴尿蝦，蝦肉明顯過火，肉質略嫌乾且實，幸好鑊氣搭夠。緊隨着賴尿蝦的是豉椒炒蟶子，這次炒蟶子時間倒掌握得不錯，獻汁可以薄一點更佳。 之後兩道清蒸的海鮮 （東星斑和南非鮑魚）才出場，雖然用清茶清過味蕾，還是覺得廚房應在食物由淡至濃上桌的程序上多加留意，以免糟蹋了優質食材。東星斑和鮑魚都蒸得恰度好處，是整頓飯的焦點。正當我們想追加一碟炒飯時，換碟姐姐建議我們點白飯，海魚的精華都去了蒸魚豉油中，拌白飯一流。態度真誠專業，贊！最後上桌的是兩度小食脆皮牛腩 （其實是