九記海鮮小廚

营业中

休息中

慶祝老爸牛一🎂新搬嚟土瓜灣區，唔熟地方🤔咪上open rice🧐揾推介夠鑊氣嘅地道小炒飯店，見到之前食評客人介紹及供應嘅食物圖片，非常吸引😍 膽粗粗🎉就拉大隊嚟試，一行12人有老有嫩🧓👶🏻 店舖不是奢華豪裝，係地道飯店風格 🏠但店舖老闆及侍應🫶全部都熱情款待及有禮貌, 全晚招呼好好👍傍晚6點開始嘅晚市🍻好快就座無虛席😳！大餐點唑： 椒鹽🐋九肚魚/椒鹽🦑鮮魷 /生炸🐷大腸/ 菠蘿🍍生炒骨/ 薑蔥🐟鯇魚腩煲/ 金菇沙爹肥牛煲🍲/ 蒜蓉炒🌱豆苗/下單時老闆介紹叫唑📣📣重頭氣嚟啦💥 豉汁蒸肥鱔/ 豉汁炒蟶子/ 豉油王乾煎🦐大蝦碌🤤🤤🤤 所有炸物冇得輸🤩勝過好多名牌飯店, 食材全部好新鮮🌱份量夠大😋絕不欺場😎( 我有去開容龍酒家,三聖海鮮,流浮山海鮮食飯㗎, 呢間啲鑊氣及炸物 真係非常出色✅️✅️ 絕不遜色🤟)一家人食得🥳開心又滿足💖💖 令我忍唔住要係度寫食評📝推介比大家知😁😁最重點係食完 之後完全🙅‍♂️🙅‍♀️冇頸渴嘅感覺, 因為有陣時食完啲濃味嘅煎炸及小炒, 會好頸渴, 但呢度完全冇,真係要比💯個Like佢😂😂😂良💜小店🤝真材實料🤜🤛性價比超高🍺←

屋企人突然唔想煮晚餐，所以去Openrice搵餐廳，發現呢間餐廳食評唔多，但被佢貎似大排檔嘅格局所吸引。星期六晚上7點嚟到，好好彩當時仲有一張大圓枱，唔駛等位，直入。喺用膳果一個鐘，不停有人進場，而且10枱有9枱都會點椒鹽鮮魷、蒸海鮮。椒鹽鮮魷 $89唔過百蚊可以食到咁大份嘅椒鹽鮮魷其實真心抵，一份有9大件😯，魷魚厚肉、彈牙、粉薄、熱辣辣炸出嚟，唯一缺點係魷魚唔夠魷、魷味淡，但呢個價錢配呢個份量，可以接受。網上見其他食客可以椒鹽鮮魷拼九肚魚，一問之下，原來要大份先有得雙拼，但全個餐牌都唔見大份幾錢同可以雙拼，睇嚟呢度有隱藏MENU🤔。不過，當日我地人唔多，加上無話好中意食九肚魚，所以無拼。粉絲海味什菜煲 $69呢個菜都好抵🙊，內有通菜、油麥、娃娃、雲耳，仲有3件大魷魚，不過無乜魷味。菠蘿生炒骨 $79我不嬲都麻麻地食生炒骨，因為無肉食，但呢度嘅排骨比想像多肉，但有少少豬騷味。椒鹽白飯魚 $89自己私心中意食呢味菜，所以追加左佢。果然無叫錯，全晚我最中意就係佢🤤，白飯魚外酥內軟，又有魚香，一條接一條，正!! 😋當晚唔少人點左粉絲蒸蝦同埋扇貝，後者索價$65一隻，我地都覺得賣太貴🤔。我見隔

今晚同屋企人出街食，始終長輩都係喜受食中菜，所以又黎左我地既飯堂食飯。其實平時屋企唔煮飯就會黎依度食晚飯，主要叫小菜食飯，簡直係我地既飯堂 一般都要等一陣位, 因為實在太爆場, 老闆都好友善叫我地等等。終於等左5分鐘可以入座啦, 我地叫左四個小菜同四個白飯, 如果唔想食飯, 都可以叫白粥架!蒜蓉粉絲蒸扇貝: 扇貝大隻到同手掌有得揮, 超多蒜蓉同粉絲撈埋白飯食一流椒鹽鮮魷: 炸得岩岩好, 皮薄唔多粉, 鮮魷一咬就分開, 係依度既皇牌蒜蓉炒豆苖: 炒得好入味又多汁同份量好大碟豉汁蒸鱔: 豉汁多到可以撈飯食, 有少許陳皮碎, 鱔蒸得岩岩好, 肉質鮮嫩。依度除左哩幾款之外, 蒜蓉粉絲蒸開邊蝦同咸旦蒸肉餅都係我既至愛。 此外, 老闆都會依客人人數去預大中細既份量比客人自己選擇想要叫幾多份量。 所以想食多幾款餸, 可以叫細碟D, 因為細碟份量我都覺得已夠四個人食, 我叫左四個餸, 每人埋單都唔洗過百, 真係平靚正。