新肥泉海鮮大排檔

营业中

休息中

每次同朋友去大排檔歡聚，我總認為椒鹽類嘅菜式不可或缺，你同意嗎？😈最近我發現呢度嘅椒鹽鮮魷好出色，魷魚爽脆、夠鑊氣但又炸得啱啱好，擺凍左仍然香口唔油膩，回味無窮😋我仲喺度發現左港式辣子雞😆雖然佢並唔係用正宗嘅川式整法，但雞球比川嘅嫰滑，蔥嘅甜味稍稍緩和左其辣味，適合想有啲味蕾刺激但又怕太辣嘅人，有趣🤭食西蘭花你鍾意爽口定偏腍？我喜歡偏腍，正當我同朋友講「如果碟西蘭花炒象拔蚌片啲西蘭花腍啲就好啦」之際，佢偏偏話「吓我就係鍾意佢爽脆喎」😂到訪當日呢度生意相當好，等上菜嘅時間較耐，店員都好有禮貌咁主動表示歉意👍🏻不過可以同朋友暢飲歡聚，等耐啲都沒所謂啦☺️

唔講唔知原來佐敦寶靈街既官涌市政大廈即係街市2樓，有間大排檔小炒！真係上次朋友介紹話呢度既小炒好有鑊氣先知專登黎呢度食！由寶靈街入去，去到街市到有餐廳指示牌指引餐廳位置～ 地方雖然係街市入面，但呢度既小炒真係好出色！ 堂內都好多食客～ 仲有電視機可以睇，咁岩係賽馬既日子～見到一班人係度睇馬！ 吹水，真係好有昔日大排檔既味道～然而呢度既鑊氣真係十足十！ 我叫左豉椒炒蜆😍呢碟豉椒炒蜆係我近來食過最出色既炒蜆！一黎鑊氣十足，就連蜆肉都好大粒，又冇砂～仲要好入味🤤 份量都好多～ 真係好好食🥰🥰之後叫左椒鹽鮮魷，呢道菜都好出色～好大碟！每塊魷魚都炸到好酥脆！ 又唔油膩～👍🏻👍🏻😋仲有呢個魚香茄子煲！ 上菜果陣聽到咋咋聲！ 熱辣辣～天氣冬既時間好適合食～唔會好快變冷！ 而且味道都係我鍾意既煮法！ 好岩餸飯～😋最後叫埋個西蘭花炒象拔片，都係好大份量，由於我地係兩個人食，真係會多到食唔晒！😂所以好適合同多啲朋友一齊黎食～ 真係幾抵食～！ 係一間幾出色既夠鑊氣大排檔！ 👍🏻

真係好鍾意食大排檔小炒海鮮都好夠獲氣，又大大碟今次想講吓最近試過呢間，真心樣樣好好食獲氣夠、份量夠、超級惹味✨金銀蒜蒸蟶子超級大隻蟶子！用隻手對比就有圖有真相蟶子好新鮮、彈牙吸晒蒜香，再加上粉絲吸晒精華好好味必點✨椒鹽鮑魚第一次食呢個食法好有驚喜估唔到鮑魚咁整係好香口、好惹味外脆內軟，外層有椒鹽炸蒜香味，真心推薦✨豉椒炒大蜆一上枱就聞到香濃嘅豉椒味蜆都算幾大隻，份量都好多，4人食夠有餘大蜆沾滿豉椒汁，忍唔住一隻接一隻✨椒鹽鮮魷超多份量件件鮮魷都炸得超級酥脆，就咁食都夠椒鹽味，夾埋炸蒜超惹味又係食到停唔到口嘅一道菜✨黑醋骨又係好多份量，調味酸甜味剛好十分開胃，下飯一流✨啫啫芥蘭煲芥蘭靚，唔老，炒得好香

好耐無食大排檔啦，特別懷念個陣鑊氣今日同屋企人去左官涌熟食中心食大排檔一坐低我地就叫左啤酒，咁熱嘅天氣、大排檔、世界盃，唔係唔啤一啤佢呀叫左七味豆腐粒、椒鹽鮮魷送酒，兩道餸都好入味，又夠脆口之後叫左金牌炸子雞，雞皮整得好脆、好香口，而且雞肉唔會太過淋京䓤牛白葉，牛白葉好爽口，而且䓤好野味，加埋一齊食口感一流魚香茄子煲唔會太咸，我地唔使送白飯都食得到豉油皇炒麵炒得夠干身，整體感覺又唔會好油最後值得一讚係老闆好細心，雖然熟食市場無冷氣，但佢放左好多巨型風扇，所以就算天氣熱，都可以食得好舒適

細佬生日，老豆又想睇波；於是乎帶jor我地兩個同我男朋友黎哩間大排檔8點入座，葡萄牙同摩洛哥啱啱開始踢😂老豆發板，嗌jor七味豆腐、椒鹽鮮魷、京蔥牛柏葉、魚鄉茄子煲、金牌炸子雞同埋銀芽豉油王炒麵～椒鹽鮮魷同七味豆腐好好味我好鍾意，狂食！宜家真係好少有大排檔整得咁好食京蔥牛柏葉極度爽口，我老豆讚不絕口，成碟野5分鐘食曬個炸子雞都好好味，配埋個汁好嫩滑豉油王炒麵再配魚鄉茄子煲好好味，好有鑊氣我好少食大排檔，最常去只係陳根記；但係今次老豆介紹無錯，而且好味！雖然今日32度，但係成個大排檔都好多風扇，完全唔熱！而且衛生環境比我想像中好細佬、男友同老豆一路睇波一路飲住酒討論；我係隔離都興奮埋一份～我覺得睇波去大排檔真係一個唔錯既選擇老豆今次無介紹錯