興樂菜館

营业中

休息中

每次去長洲，都一定會到呢間菜館，因為真係好抵食，$268已經有4個菜式，$328 有5款，可選海鮮 或 小菜，有加一服務費。呢間餐廳係呢條海鮮街之中人氣最旺嘅餐廳，真係由11點開店開始就爆滿！✨❤️最鍾意就係椒鹽鮮魷✨❤️(⁎⁍̴̛ᴗ⁍̴̛⁎)，今次叫咗2碟，每碟都勁大碟！👍🏻✨😋即炸勁香脆！✨✨椒鹽賴尿蝦都好新鮮，非常好味😋✨✨豉椒炒蟶子又大大碟，細隻啲但有比足料👍🏻✨好有鑊氣✨👍🏻o(^▽^)o✨薑蔥炒蟹有2隻，味道都不錯👍🏻✨✨✨希望餐廳都可以一直維持咁親民嘅價錢，一齊皆大歡喜，食得開心😊😊✨✨(⁎⁍̴̛ᴗ⁍̴̛⁎)❤️

公眾假期最後一日，一行5人入長洲行吓食吓，午餐當然要去興樂食海鮮啦，阿姐好醒一張長枱中間搵塊板隔一隔就坐哂椒鹽鮮魷：炸粉唔厚，熱辣辣又惹味，食完一碟唔夠喉要叫多一碟椒鹽九肚魚：九肚魚嘢味，魚肉柔嫩多汁，好食到唔停得口白灼海蝦🦐：蝦都算大隻，蝦肉新鮮爽口，而且多羔蒜蓉粉絲蒸扇貝：扇貝雖然比較細隻，但係加埋蒜蓉粉絲都好好食而且新鮮薑蔥炒蟹🦀：有一大一細兩隻蟹，因為係水蟹所以冇羔，肉也唔多，過下口癮啫豉汁炒蟶子：蟶子好大好肥，豉汁炒好惹味，而且數量都唔少豉汁炒蜆：呢個真係冇得輸，蜆肉唔算細，洗得乾淨冇沙我哋叫咗八個餸都只係$508，性格比非常高，市區呢個價錢有乜可能食到，便宜又好食，抵👍🏻

入長洲食海鮮是常識吧！懶人包就係叫個餐再去揀嘀海鮮收加工費，但我真心好耐冇食過嘀咁bb嘅海鮮，菜食嫩嘀就話食苗啫～可能海鮮食鮮都食苗啦！不過話雖如此，長洲成條海鮮檔大街，全部座無虛席！其實有時食氣氛啫！意思意思下又一餐啦！首先叫咗知雞軟骨同椒鹽鮮魷，港真！全晚最好食呢兩碟！鮮魷炸漿夠薄，雞軟骨調味出色！啤酒之最佳伴侶之後嘅海鮮就有嘀一言難盡.....蒜蓉開邊蒸蝦好有心機整，切得好靚，真係開晒花咁，但嘀蝦真係太細隻細到好似九節蝦咁，冇乜肉食細個聽人講，瀨尿蝦細隻先甜，大隻冇味！但我俾嘀成人瀨尿蝦種壞哂，食唔返轉頭啦！炒蜆夠獲氣！夠大排擋風味個蒸象拔蚌，火候就過咗龍，象拔蚌好韌，呢個係自己買黎加工㗎，所以大隻嘀！蟹都係果個問題啦！冇咩肉，但個薑蔥汁炒得幾香條魚買果陣話班，蒸完個樣好似倉魚，係咪移形換影，真係不得而知.....但佢最大問題係蒸老咗，好鞋，令食呢餐步步都舉步維艱係呢餐夾餸都困難重重嘅時候，咕嚕肉都變得鶴立雞群，不過算啦！兩圍餸未計外買海鮮加埋先千兩鬆嘀，人地走平價海鮮，食呢個size 好正常！起碼個製法冇敷衍過我，搵食啫！犯法呀！

今晚約左朋友晚飯，我地一早就要選定入長洲食晚餐。長洲對於我同呢個朋友黎講好難忘嫁，我地年少時，有晚諗緊食咩好呢⋯⋯即興話不如入長洲食海鮮咯？？有提議及有和議後就事不宜遲即刻塔船入去食海鮮同芒果糯米滋。而家就唔再年少啦，不過呢，青春嘛⋯⋯襯青春就做返青春先做會既事情。今晚又約定放左工後又衝入長洲食返晚！佢夠晒比面，係大圍放工後轉地鐵又轉塔船入長洲食好西！上次我地食完晚飯，服務員叫我地認住紅色格仔枱布，下次搵返佢。但我朋友就覺得佢食過既綠色格仔枱布個間好味d,咁今次我地都搵返佢地啦。我地兩個人好狼死咁叫左六款海鮮小菜。都係$328 姐。好平呀！平時市區$328只係食到兩個餸。我差不多一人獨食左碟🦀。。🤭🤭。。雖然睇蟹蓋都知佢細隻，但都好有肉。而其他呢。。略嫌東風螺欠缺鮮味，扇貝細隻左d, 其他都ok.🔸🔸🔸🔸🔸🔸🔸🔸🔸題外話。。我就飽到爆。。但亞朋友仲有空間可以食到炸水魷🙄不過一般水魷煮法都係灼、煮。。長洲呢個小小推車檔有少少特別。係炸既 ，再落淮鹽。不過呢串$13（朋友已經食左一半鬚鬚），以長洲物價黎講，我個人就覺得有少少貴囉。但無所謂啦，開心就好！

中午才剛剛試完街尾的另一間海鮮餐館，晚上就黎食番每次入黎長洲都食的興樂酒家再戰海鮮餐首先一道我最愛的椒鹽鮮魷，新鮮嫩脆的鮮魷配上香脆可口的外皮，配上喼汁，簡直一絕.第二道，與中午一樣的椒鹽瀬尿蝦（因為我先生愛吃），份量比之前那間多之外，也比較新鮮，味道上就真的是真正的椒鹽。第三道，清蒸鮮蝦，鮮蝦大小不一，但每隻都爽滑可口，配上微辣的辣椒鼓油，更添鮮味最後一道清蒸海魚，係黃立䱽黎既，肉質新鮮嫩滑，底下配合的豉油帶有少許蔥油香，能去腥提味其實已經黎過興樂好多次，每次都能盡興而歸。

長洲對我黎講係一個特別既地方，有著特別既記憶上一次黎係七月尾，非常多人又迫，而且好熱今次天氣唔係好凍，而且遊客少左好多，無咁迫上次因為時間太夜，無試到呢度既海鮮，今次做足準備，首選左呢度食由於兩個人，而且唔餓，所以點左個三餸餐($178)豉汁炒聖子分量好多，味夠濃，好送飯椒鹽鮮魷好多枱都叫佢，就知佢幾受歡迎我揀呢間都係因為呢個椒鹽鮮魷，因為朋友中意食佢炸粉相當薄，魷魚肉厚實又彈牙。魚香茄子煲因為天氣涼涼地，所以食個熱辣辣既煲仔餸但佢既味並唔係正式既川味，因為一啲都唔辣，鹹魚味都唔夠重。茄子分量相當多，兩個人都食唔哂另外，點左兩個飯(@$8)同一罐可樂($12)，埋單都只係$206 好抵食

在沙灘力拼了一個下午，讓大家都力竭筋疲。大家都嚷著要吃，我劈頭就提議：食．海．鮮！這句說話如果出自一位學生口中也許會有點怪：太貴了吧！友人也爆出一句：「我冇帶咁多錢係身喎！」不過，我可是早有準備的。「放心。唔洗留低洗碗。」早前有好友到長洲玩足三日兩夜，我當然要向他取取經。他說第一頓晚飯去了食海鮮，「都係５０蚊落樓，仲要幾好食。」我摸不著頭腦：「５０蚊喎！」決定今次必定一試。接近目的地了，右邊排滿食海鮮小菜的館子，直接看到興樂的牌子。基本上不是直接看到的，實在太多人了。每間館子都有人出來，手握一份他們的餐單，希望能把顧客吸引進去。我們就是靠看這些菜單最上那一項，寫著菜館名字的一項，找到我們要到的地方－興樂菜館。安頓好了，大家都好雀躍地點自己愛吃的海鮮，就一人一碟。這是我們四的餐單：　（也是我和女朋友第一次到餐館食正式的晚餐）豉汁炒蟶子豉椒炒蜆椒鹽鮮魷蒜茸粉絲蒸扇貝白飯４碗汽水３罐(女朋友不喝)我們等了約十分鐘，先來椒鹽鮮魷！（白飯呢。。。？）賣相不錯，且件件都很大，金黃色，份量也不少。不等了，我試了一小塊。可能是煮好了未有即時上桌，不夠熱，而且。。。說好的椒鹽呢？炸粉不厚，且吃下去嚐到其

OPENRICE中長洲最多好評的食店(for食海鮮)任揀3樣小菜 $128 4樣 $168 如此類推6點半坐低...唔洗等位...坐近海既位..嗌左3樣小菜先 諗住好食先再嗌椒鹽鮮魷..好食..熱辣辣..夠晒新鮮..炸漿又唔系好厚..正!!!!薑蔥炒蟹...雖然d蟹細隻d...不過個汁好夠味..略嫌唔夠熱..蒜蓉粉絲蒸扇貝...得4隻就少左d..酒樓通常6隻..個汁撈飯勁正..反而粒肉冇咩味-.-嗌左2個白飯($6/1碗) 上菜都唔慢..7點半離開 仲趕住還單車+買允升+答船-_- 埋單$140不過不失..中上水平...大熱天時...如果送汽水應該會更多生意^^

其實長洲有好多野食, 見openrcie最多食評既呢間, 咁就去下啦~一去到未夠七點, 已經有唔少人啦, 但係隔離既餐廳只係得一兩張枱...叫左4個餸, $158, 好抵~椒鹽鮮魷, 幾大碟下, 新鮮熱辣, 味道夠, 不過可以炸脆少少, 平均$40一碟, 抵呀!豉椒炒蟶子, 之前d人話唔夠熱, 仲好細碟, 不過我覺得ok, 比起碟鮮魷係細好多, 黎到既時候仲出晒煙, 咁既價錢, 份量算係咁, 但係我覺得炒得熟左D, 所以略為un左...蒜蓉粉絲蒸扇貝, 有6小隻, 粉絲好咪, 不過隻貝粒肉唔大, 仲要好薄好薄... 椒絲腐乳生菜, 菜當然大碟啦, 味道正常平均$40一個餸, 我覺得ok啦, 你要同貴價海鮮餐當然冇得比啦, d材料整體都唔錯既, 我見人地d湯仲係勁大窩, 魚都唔會好細條~下次專登入長洲食下咁平既海鮮都抵~