越華會海鮮小館 (已搬遷) 新店位置

約左一班朋友去灣仔食飯，一大班人最重要係坐得舒服可以傾下計，咁我地就簡左呢間食小菜，Book左枱，人齊就入得。我地6個人坐起門口既一張大枱，可能因為近門口，所以比較熱，冷氣唔係太夠。-6個人嗌左7個小菜，加一個炒飯，可能高估左大家既食量，最後都唔係太得食哂～-1. 脆皮炸豆腐招牌既脆皮炸豆腐，大大粒，炸得好香脆，外脆內滑！黎到一定要試～2. 椒鹽鮮魷唔會有太多炸粉，岩岩好～3. 蝦醬蝦乾蒸豬頸肉有驚喜的一道菜，蝦醬蝦乾味道好出。 4. 魚香茹子煲好香好惹味。5. 蒜蓉炒豆苗家常小菜，有家既味道！6. 蜜餞蒜香骨骨比較多，唔係太食到有肉，下次可以唔嗌呢個菜～7. 越華炒飯加入左蝦乾仔去炒，炒飯炒得飯粒粒粒分明，係有質素既炒飯！-飲埋野，一人都係$140，起呢區咁抵既餐廳真係好少～下次人多都可以再黎！

很久之前到過越華會,之後一直沒有機會再去. 昨晚終於相約一行八人去吃晚飯~ 很開心大家都滿意!共叫了八餸一湯,加友人拿來的紅酒和冰酒, 過了飲飽食醉的歡樂一夜~~1. 冬瓜盅~~ 份量很足,足足有十碗有多, 湯很清甜. 湯中有田雞,鮮味提升不少~2. 油鹽水浸蜆~~ 蜆很細粒,不過肉質不錯. 胡椒湯底好好味3. 鼓椒炒蟶子~~蟶子size不大,但肉質爽口鮮甜4. 椒鹽鮮魷~~好惹味!5.避風塘炒蟹~~精髓係D炒得很香很惹味的辣椒蒜蓉6.沙薑雞~~雞很嫩滑,沙薑味很香7.薑粒炒芥蘭~~芥蘭好爽口~8. 椒絲腐乳炒通菜~~味道很好,不會像出面一般吃到好咸的~這裡做得味道剛剛好9. 黃金豆腐~~一流! 外脆內嫩, 好有豆腐香

由於食早輪下午六點正不用等位...但要7:30前交台...理解...因為入面非常的狹窄...少台...既然不用等位當然要幫番人地...坐底時新聞尚未播映...叫了8隻餸 唔駛15分鐘已經全部上台...因為得我地一台叫左野食 (其他台人地仲要等齊人)分別叫了 黃金豆腐~豉椒炒蟶子~芝士焗斑塊~椒鹽鮮魷~沙拉骨~油鹽水蜆~沙薑雞腳~越華會炒飯黃金豆腐睇得出係招牌菜...因為上台時同時幾台一齊上...蟶子香辣惹味 青紅椒切成粒粒加汁伴飯一流之選芝士斑塊份量比較少...但芝士好多好漏...鮮魷加了香蒜 食落更加香 但更熱氣...沙拉骨幾多骨但味道拿得幾好 甜酸岩岩好...水蜆係凍天食好正因為飲左d胡椒湯成個人好warm雞腳大大隻幾入味,而且筋同軟骨都咬到...本來想叫白飯但見到12$ 倒不如叫個炒飯...比想像中好 炒得乾身 香口 而且色夾得幾好計味道真的不錯....服務也周到 因為過一陣侍應就會走來換碟 加茶即使佢地好忙時...不好的地方可算係地方太細 行唔方便 同埋旁邊台坐得非常近...所以傾計唔方便...加上地方細人地趕住做生意 所以唔坐得耐!