杏甜品 (香檳大廈) (已結業)

尖沙咀高質甜品，幸福嘅味道冷熱甜品每款都好滋味一定會再encore 同朋友忍唔住叫左四款，自製甜品四重奏▫️龍眼爽冰🍧好濃郁嘅龍眼味每啖冰都好入味，口感軟綿加上果肉、椰果同水晶珠非常豐富，大力推介～ ▫️杏仁茶燉蛋白杏仁茶每日都新鮮即磨，味道香濃蛋白足料，口感幼滑忍唔住食完叫多碗外賣 ▫️糖不甩口感好煙韌一定要沾滿花生碎、椰絲同白芝麻好滿足 ▫️椰汁芒果西米露🥭西米露椰汁味香濃芒果肉多，味道酸酸甜甜好清新！

🧁食物質素：😍😍😍😍😍📸打卡指數：😍😍😍😍🧹衛生指數：😍😍😍😍💁🏻‍♂️店員表現：😍😍😍😍💵性價之比：😍😍😍😍地址: 尖沙咀加拿分道40-46號香檳大廈地下6號舖🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹去咗尖沙咀見到有間新開嘅糖水舖，佢嘅裝修以薄荷綠為主色，入到去坐嘅位好舒服好靚。我哋去嗰陣唔係好多人，可能因為係lunch hour。食物款式都幾多，之後野食嚟到就發現全部賣相都好靚，最估唔到係真係好好食！！係我近呢一年嚟食過最好食嘅糖水舖❤️❤️以為自己係招財貓🤫我哋嚟咗之後就慢慢坐滿人🤣大家一定一定一定要試👍🏼🌈🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹椰汁芒果西米露 $45 Rating: 8/10。好足料勁多芒果。出邊啲椰汁西米露好晞。佢哋個椰汁底又杰又濃。用匙羹不嗰下忍唔住嘩咗出聲。好味啊救命🆘😭榴槤爽冰 $59 Rating: 8/10。推介👍🏼👍🏼👍🏼👍🏼。初初以為爽冰會係冇咩味。點知佢下面就係榴槤雪糕。上面就係一個小小嘅榴槤蓉球。勁濃味勁正。好似啪緊成個榴槤落口咁🤣。好似食極都仲有咁。夏天食就真係爽YY透心涼椰皇桃膠雙皮奶 $62 Rating: 8/10。椰皇既肉好容易就可以刮出嚟

• 𝙰𝚕𝚖𝚘𝚗𝚍 𝚍𝚎𝚜𝚜𝚎𝚛𝚝 •🐿最近疫情都比較嚴峻 希望大家身體健康已經係第二次幫襯𝙰𝚕𝚖𝚘𝚗𝚍 𝚍𝚎𝚜𝚜𝚎𝚛𝚝揀咗啲上次無食過既甜品 水準依舊 而且環境舒適除咗杏類、養生甜品 仲有其他唔同款式下次係尖沙咀想食甜品都會諗起呢間先-🍵抺茶湯圓 💰$42第一次食有抺茶餡料既湯圓 糯米皮煙韌度適中抺茶餡料仲要係流心 味道會偏甜少少湯底亦都甜甜地 ♡´･ᴗ･`♡-🥭椰汁芒果西米露 💰$45雖然呢家芒果正處於非當造既時節 但芒果味道唔酸而且粒粒芒果份量都好多 每一啖都食到芒果粒椰汁味香濃 西米爽脆 整體甜度剛好-🥤楊枝甘露小丸子吸吸 💰$45今次都揀咗杯飲得既甜品 可以拎番屋企慢慢飲呢杯楊枝甘露吸吸同樣可以食到所有楊枝甘露既材料有芒果、柚子、西米、椰汁等等 飲完覺得好清新另加煙韌小丸子 好足料 整體簡直係一杯甜品-📍 尖沙咀加拿分道40-46號香檳大廈地下6號舖

嘩，好多人排隊，等咗起碼15分鐘。裝修以木系為主，有種台灣咖啡小店裝環感覺。雖然舖位係凹之形，但啲位都間得唔錯，唯一唔好係要自己行出位俾錢，而且要自己睇number出去攞糖水。*杏仁茶墩蛋白 $55杏仁茶配燉蛋白，養顏之選。杏仁味香濃，質感順滑，微甜冇苦味，反而燉蛋白失色，質地過硬，有啲嚡口，甜度略為不足。芝麻糊 $30表面結咗一層皮，質地濃郁，飲落比聞起更香芝麻味，甜度適中，份量亦非常足夠。椰汁芒果西米露 $45芒西唔係黃色係有少少失望。芒果粒甜，椰汁香濃，質地唔會好稀，西米煮到啱啱熟透，口感煙韌唔會腍啤啤，但有啲黐埋咗一齊，一pat嘢咁。