地茂館甜品

营业中

休息中

之前上網睇到啲人話呢間好好食，經過九龍城就嚟食下。其實除咗人多，有啲嘈，食完要快少少走之外😂呢間甜品店真係冇咩缺點。之前食過杏仁茶，蛋白燉鮮奶嗰啲都好好食。今次就點咗楊枝甘露同芒果西米小丸子🤫楊枝甘露幾好食，濃郁嘅芒果味配上甜甜的柚子粒。唔錯唔錯👍🏻芒果西米小丸子，超多芒果粒，小丸子煙靭，唔會太軟熟。煮得啱啱好。呢個配搭簡直係絕配！芒果汁又濃郁，真係一試難忘。建議大家可以試吓佢嘅招牌甜品，杏仁茶🤤好少地方可以整得咁好食🌟

第一次比評論 就係嬲到忍唔住要比！外賣一返到去打開 就有隻烏蠅係面！本來只係諗住打去講聲， 都無打算食同換過碗。點知一打去講完，聽電話既就話我哋無可能會有烏蠅，話係我打錯電話。後面仲要有另一個女聲員工呼叫，叫佢影相囉！ 講到好似我特登放隻烏蠅落去屈佢哋咁！衛生有問題！唔願意承認！ 態度惡劣！永不錄用！！ 我會報返衛生署！

又再一次黎到九龍城買宵夜🤩糖水真係宵夜佳品，食飽飯加埋碗糖水就超滿足🤗次次黎到地茂館都座無虛席，門口永遠都有人等位不過我買外賣，等左5分鐘左右已經整好走得好有效率💯🥣喳咋（$25）好足料，有西米，唔同既豆仲有大大舊又粉既芋頭😍食落唔太甜👍性價比高🤭🥭楊枝甘露（$31）試過幾款佢地既芒果甜品都覺得好正😋楊枝甘露都唔例外😝芒果大大粒，又有西柚同西米❤啖啖都有料，好正👍/📌地茂館甜品九龍城福佬村道47號地舖/😋食物質素：7.5/10💰性價比：8/10👣回頭率：8/10

係九龍城行到熱辣辣，好想食啲凍野，跟住就求其入左間糖水舖hea下。入到去上openrice做下research先知，原來呢間甜品舖都唔惹少，係區內馳名嘅糖水舖。我嗌左一個好多人都推介嘅「楊枝甘露」🥭楊枝甘露好足料！西米粒粒飽滿，唔會煮到過淋，保留到口感。新鮮芒果肉唔會得幾粒，食到最後都仲有，而且好當造好甜，啖啖肉。加上酸酸甜甜嘅西柚肉，超級開胃，消暑一流！而家周街都有西式新派糖水舖，反而傳統中式糖水嘅舖頭就買少見少，以後會多啲黎支持佢哋！

九龍城食完泰國菜宵夜好自然地搵甜品收尾，朋友帶路黎咗呢間野，似係主做中式甜品然後佢想食既黑糯米賣曬楊枝甘露 $29研究咗menu 好耐最後大家都叫咗楊枝甘露，好普通既野，但因為而家好無聊要打下字。食落無主做特色甜品舖果啲咁結，芒果肉份量都接受到而且幾甜，外面舖有啲西米係脆口但呢個係軟淋淋，啖啖都有柚子肉成碗野都接受到，唔會甜到糖尿但離好食仲有啲距離呀姐方面，果陣我地都幾夜黎食食食下啲呀姐都好有禮貌問可唔可以埋單先，坐就繼續坐無問題係愛呀

吃完牛肉餅意猶未盡想找甜品吃~對九龍城的印象一直是有很多糖水/甜品店的, 但走了很久才發現其實沒有很多地茂館是老牌了吧, 就吃它吧!不用等位, 裝修很簡單, 茶餐廳格40個位左右, 入座率有8成, 食品以中式糖水居多, 為食的我們一共點了三個甜品: 芒果黑糯米、什果啫喱、楊枝甘露落單姐姐覺得好奇怪大部分甜品已"整定", 一碗碗分好放在雪櫃, 一有ORDER就拿出來芒果黑糯米 - 味道還可以, 甜度較低雖然椰漿滿多的, 但不算香, 黑糯米都已經煮開了楊枝甘露 - 非常足料, 味道不錯但芒果有點酸, 柚子有點苦, 扣了分什果啫喱 - 很怛白這個失望了因為以為會是一粒一粒七彩啫喱糖而且什果是罐頭的, 只有數粒總結, 不過不失可以再來, 但不會有想再來的感覺~

我食0左10 幾年地茂館甜品, 最鍾意食佢0既楊枝甘露, 好香好香0既芒果+花奶味, 有荔枝同芒果chunks, 另外碌柚絲甜, 又一d 都唔苦, 好正!冬天去食, 最正就係熱燉奶, 奶味好重, 又滑, 細食d 0既女仔直程可以食一碗當lunch. 燉蛋反而無燉奶咁好食, 好滑但淡0左少少.另外佢d 桑寄生蛋茶都好好食.不過我個人就不太推介佢d "XX 西米露" 喇, 實在普通0左少少, 而且椰汁味唔夠濃.Service　幾好, 店員有禮貌, 即使你0係最多人幫襯0既時段(e.g. Sunday evening), 店員都好快attend to 客人0既要求.另外, 舖入面係全面禁煙的, 好憎人食煙0既我非常欣賞.