泛后甜品 (已結業)

看到蘋果日報報到，知道做到十月尾，專程到來吃甜品。星期日下午五時多到，人不算很多，等了15分鐘左右！叫了楊枝甘露，芒果布甸，木瓜雪榚，味道一流，芒果新鮮及甜美！大家快去嘗嘗，十月尾就結業

聽講泛后做埋十月唔做由細食到大就緊係要幫襯下我地就叫左雜果涼粉同招牌楊枝甘露啦雜果涼粉係新鮮生果 同行減肥友人就啱哂啦本身叫花奶另上 不過姐姐們可能太忙 忘記左唔緊要啦楊枝甘露好足料 芒果同柚子都好甜整體有啲偏甜不過食糖水就緊係要食甜啦叫左腸粉魚蛋燒賣都係一般野 價錢係比外面貴少少但又想食咸野都可以叫埋環境方面都好乾淨衛生冷氣十分充足當然，環境音量都會較高 可能講野就要大聲少少啦！由細食到大既街坊舖當然要支持啦希望老闆搵到另一個位置再開番啦！

快將結業的 "泛后甜品" 對上一次食應該係10年前 😒 其實早前曾經經過, 大舖 & 細舖都無乜人, 對面佳記 (B仔涼粉) 大排長龍, 問題出喺邊? 租金? 定係出品...我哋一行4人, 研究完一輪都發現除左 "楊枝甘露" 其餘嘅生果 pancake, 糖水, 腸粉, 魚旦, 雞翼尖, 就連腸粉醬...通通都輸比其他舖頭! 不過楊枝甘露實在係無得輸, 好多芒果條, 芒果汁, 椰奶香濃, 不過柚子肉有 d 苦! 。。。別了, 泛后甜品! 一個紮根元朗廿五年的甜品店!

沒有B 仔大名氣，帶住狗狗要坐外面，就決定去泛后試下，發現原來比B 仔更好食！涼粉雖冇B仔咁大，但啲生果好甜好好味！生果款式又多，下次我都會去泛后唔洗再等b仔喇楊枝甘露芒果好多，一讚！服務員啲態度很都好好，唯一唔好嘅，店入面比較少位，想坐店內就要等下喇

講到元朗，想必大家都一定會諗起佢多元化既野食，尤其系鼎鼎大名既X仔涼粉，而作為吃貨既我當然都去過X仔涼粉，但可惜感覺只是一般，於是繼續去其他同類型既甜品店覓食。泛后甜品系元朗另外一間好受歡迎既甜品店，通常甜品店都吾會太早開，呢間亦吾例外，營業時間為1300-0200。由於真系好好味，所以我已經去過兩次，一次係黃金時間，另一次係凌晨，時段雖然吾同，但共通點系一樣係咁多人，似乎X仔涼粉既新店系泛后既對面都吾令泛后既人氣減少。首先一試就係佢嘅招牌楊枝甘露，我可以講呢碗係我咁多年以來覺得最高性價比嘅楊枝甘露！喺連鎖甜品店食嘅甜品如果以呢個價錢黎講，一般只有普通質素，一定唔會有咁大碗或者咁好食。我諗呢碗既份量比平時食開既甜品/ 糖水店多一半，芒果醬同埋椰汁好分明，最抵讚既系入面真系有好多西米同埋西柚肉基本上成碗都系，我覺得簡直可以當飯食。跟住就到第2個主角出場，登登登櫈，就系「黑白有滑」。黑白有滑系呢間獨有既甜品，個名相當有趣，配料亦都係幾特別，所謂嘅黑其實係芝麻醬，而白就系黃豆製品，我食落就覺得係豆腐味嘅布甸。整體來講幾match！豆腐布甸本身唔算好甜，但加埋芝麻醬就有剛剛好嘅感覺。諗都冇諗過

吃完齋, 只是8:00PM, 回家實在太早, 朋友們都耳油未盡, 興致勃勃討論去那裡食飯品甜品... B仔、發記、泛後... 最後決定去泛後...時間尚早, 店內尚有大量空位, 不明白為何店員迫我們8個人坐在街上, 而且是馬路邊, 我背著馬路坐, 真的好怕有車失控摌過上來行人路... 而且還未開始食, 已被路人無禮呼喝說我們阻街, 實在冤枉...我們點了4客楊枝甘露, 店員建議我們要1客家庭裝, 她解釋1客標準裝$29, 4客標準裝要$116, 但1客家庭裝只是$73, 抵吃很多... OK, 就依她的建議吧...朋友騙另一朋友的女兒說, 我們是一家人, 係1個家庭, 所以食家庭裝, 我即時更正, 係4個家庭, 誰會想和你1個家庭, 哈哈...楊枝甘露 (家庭裝) $73-- 真是很巨型!!! 材料十足, 但要自行撈勻, 芒果很香甜, 柚子微酸, 西米是大粒裝, 煙煙韌韌, 椰奶的味道不太重, 合我心... 溫度是微凍的, 有些人可能會嫌不夠凍, 但對我來說剛好, 天氣開始轉涼, 不想吃冰凍的東西... 說實在, 1個家庭裝足夠4個家庭分享, 每人也不用$20, 比輕量裝更便宜, 抵吃

食完葡國菜之後，就行左過黎呢度食糖水。望住一個幾乎可以背得到既餐牌，完全真係無頭緒去諗食乜野好。因為款式次次都係咁上下，唔係呢樣就果樣。我又唔想個小二等我地咁耐，都係食雪糕涼粉呢類無難度之作。而家人就食另外兩款甜品。雪糕涼粉呢類無難度之作，真係幾難整得唔好食。標準製作既雲呢拿雪糕再加上罐頭涼粉，呢個配搭當真唔錯，絕少有失手既機會。涼粉雖然係罐頭貨色，不過做到我要既爽口，已經算唔錯。等雪糕慢慢咁溶，再加涼粉食，真係唔錯既。黑白有滑白色既係大豆布丁，彈下彈下好可愛架。而且豆味好夠，唔錯唔錯。而黑色既係芝麻，黑同白撈埋一齊。味道都幾夾，芝麻同豆既味道又唔會俾豆或者芝麻獨佔。整體上，個甜品都算幾有新意既。楊枝甘露表面睇味道應該唔錯，不過我對芒果既興趣唔太大。所以無乜咁食，因此不作特別既評論。整體上都中規中矩，價錢都算合理。食物上既效率都幾高，只不過每次見到似曾相識既餐牌。真係諗唔到食乜野糖水。

元朗最出名的當然要數B仔涼粉。不過聽朋友說，這間泛后甜品是不少元朗街坊的選擇。看到店外擺的折枱的場面就知道受歡迎程度！叫了楊枝甘露、椰汁黑糯米，還有芒果益力多雪花冰。其中芒果益力多雪花冰很好吃，原來芒果和益力多味道都幾夾！

係流浮山出黎...大家再去食甜品....經過恆香...買老婆餅...經過糕餅店...又買香蕉糕...又買龍鬚糖......去到泛后甜品......一坐低...大家明明話飽...但係都叫左兩碟腸粉....腸仔...滷水雞翼先.....話時話....D 腸粉又幾鬼好味喎.....自己要左楊枝甘露.....一貫的好味...但係實在食得太多......食呢碗甜品時....好吃力.....朋友們食左獨有的"黑白有滑"...但評語一般.....呢間D甜品....料都算多....我自己就覺得好味過對面的 "A仔"....每次黎元朗都只係會食呢間的甜品.....開開心心的元朗美食之旅....大家捧住個肚腩走......