泛后甜品 (已結業)

食完葡国菜之后，就行左过黎呢度食糖水。望住一个几乎可以背得到既餐牌，完全真系无头绪去谂食乜野好。因为款式次次都系咁上下，唔系呢样就果样。我又唔想个小二等我地咁耐，都系食雪糕凉粉呢类无难度之作。而家人就食另外两款甜品。雪糕凉粉呢类无难度之作，真系几难整得唔好食。标准制作既云呢拿雪糕再加上罐头凉粉，呢个配搭当真唔错，绝少有失手既机会。凉粉虽然系罐头货色，不过做到我要既爽口，已经算唔错。等雪糕慢慢咁溶，再加凉粉食，真系唔错既。黑白有滑白色既系大豆布丁，弹下弹下好可爱架。而且豆味好够，唔错唔错。而黑色既系芝麻，黑同白捞埋一齐。味道都几夹，芝麻同豆既味道又唔会俾豆或者芝麻独占。整体上，个甜品都算几有新意既。杨枝甘露表面睇味道应该唔错，不过我对芒果既兴趣唔太大。所以无乜咁食，因此不作特别既评论。整体上都中规中矩，价钱都算合理。食物上既效率都几高，只不过每次见到似曾相识既餐牌。真系谂唔到食乜野糖水。