滿記甜品

营业中

休息中

堂食: 熱紅豆沙，凍楊枝甘露.紅豆沙: 望落去有啲水水地，食落都可以接受。都有沙嘅，味道一般，都係水咗少少，不過又唔會無味咁。.楊枝甘露: 芒果酸酸地，有啲爆珠混喺西米露入面，唔太鍾意。.完！

今日同媽咪喺沙田行完街食左個下午茶，到晚飯時間都唔肚餓，就諗住食個甜品當晚餐。原本諗住去食Tony Wong，不過媽咪唔太岩食，所以就去左滿記。完全無諗過滿記7點幾就要等位，等兩三張，5分鐘到就有位喇。佢個格局唔同哂，成個style都唔同哂，感覺好似好新潮咁。我都係照舊嗌返楊枝甘露，而家好貴，要$36，仲要比以前細碗左。望落個色感覺上多左好多色素，黃左好多。不過食落比以前好味左，佢啲西米比以前細粒，但係好煙韌。另外佢有啲大粒啲既透明物體，咬落係爽既，我唔鍾意食。芒果有少部分好酸，不過整體食落都幾好味。媽咪就嗌左熱杏仁蓮子雪耳，因為我唔食杏仁既所以無食過，不過一黎到聞到好香既杏仁味，之後問返媽咪佢話都幾好食。整體黎講，滿記啲糖水係幾好味既，不過我就覺得太貴，同埋啲位逼左少少。唔會特別話下次好想再黎食。